يا محاسن الصدف

الجزا الاول

-السحر كان حياتي كنت ... عايش علشانه ..كان احلامي وطموحاتي كلها عبارة عن سحر ... عمري ما فرحت غير بسببه ... كنت انا احسن واحد بسحر الحضور والتصقيف والتحية ... لكن كنت دايما حاسس ان فيه حاجه ناقصه في سحري معرفتش وقتها هي ايه ...بس الحياة لعبت عليه اكبر لعبة سحر وغيرت مفهومي خالص ..

- استنى استنى بس بتجري ليه يا حاج .. براحه شويه فهمنا كل حاجه وبالتفصيل وايه حكاية يا محاسن الصدف

_هههه يخيبني ..انا اسف جدا .. دخلت في الموضوع بسرعه من غير احم ولا دستور .. هبدا من الاول تاني خليكم معايه ... بس ادخلو برجلكم اليمين ههههه

-------
في عالم كبير فيه مليارات الناس .. الخريطه اخدتنا لبلد ال100 مليون .. ومنها لقرية صغيرة ونمشي نمشي ل مستشفى بسيطه مرضى كتير ليهم قصص مختلفه لكن قصه واحده جميلة اوي هي الوقع عليها الاختيار .. قصة فيها الحب والامل والسعاده والطموح بس اكيد مش طول الوقت لان هي دي الحياة معمولة علشان تختبرنا وتشوف مين الهيعرف يتعامل مع العقبات الهي صممتهاله ..
في المستشفى دي ..
كان فيه راجل في سن ال66 بيمشي بسرعه على قد ما يقدر وبيسند على عكازه وعيونه العسليه البريئة اتجمعت فيها الدموع .. حتى ان نضارته اتوسخت ... وشابه في ال25 من عمرها ..شكلها ملخبط نتيجة الجري وبتنهج ... منهاره .. وهما الاتنين بيزقو سرير نايمه عليه واحده ست عجوزة ومع رجال الاسعاف و دخلت الطوارئ ... واتقفل الباب والعجوز كان بيبص من الشباك بيحاول يشوفها
ملك قعدت على الارض ودفنت راسها بين دراعتها وبدات تعيط جامد زي الاطفال
سيف لف وراه ومشي بخطوات مهزوزه وقعد على كرسي حديد وحط ايده على راس ملك
ملك رفعت راسها وبصتله بعيونها الزمردية الي تشبه عيون مامتها
سيف كفكف دموعه : دموعك دي غاليه عليه .. ومبحبش اشوفك كده !
ملك كملت عياط
ملك قالت بتقطيع : وقعت على الارض قدامي يا بابا ومعرفتش اعمل ايه .. وايديها بردت ووشها اصفر معرفش ايه الحصل
سيف سكت شويه ونضف نظارته بهدومه .. ولبسها تاني

وبص لملك
سيف : ملك ! عندك .. منديل
ملك رفعت راسها وبصتله باستغراب
سيف ضحك براحه : ايه كل الاستغراب ده .. لما الواحد بيعيط بيكون محتاج مناديل
ملك فتحت شنطتها وطلعت مناديل لسيف
ملك : اتفضل يا بابا
سيف : ملك !! ماما هتبقى كويسه صدقيني
ملك : بجد يا بابا
سيف : ايوه طبعا ... لازم ايمانك يبقى كبير
ملك هزت راسها ومسحت دموعها
سيف مسك ايديها وقومها من على الارض وقعده جمبه
سيف : سبحان الله ..انتي ومامتك نسخه من بعض ..
سيف قفل ايده على المنديل وبدا يحرك ايديه ..
سيف وهو بيعمل الحركه دي : يااااه .. مكنتش اعرف اني هيجيلي بنت واخده من جمال وحركات مامتها كل ده .. وملت حياتنا كلها سعاده
ملك ابتسمت
سيف مد ايده : انفخي في ايدي
ملك نفخت في ايده
سيف بدا يحرك ايده في خفه فالمناديل بدات تطير فوق ملك بكميه كبيره ... وملت المكان حواليها ... كان شكلها كانه تلج
ملك اندهشت وضحكت : سحر !
ومدت ايدها وكانت لسه بتلمس المناديل الطايره
كل الفي المستشفى سقفو جامد ....
الكل : حلووو اوي !!
سيف بص على الارض وابتسم : الخدعه السحريه كانت بتعرف تضحك مامتك في عز زعلها ....
ملك : بابا انت كنت ساحر !
سيف هز راسه : ايوة .. انا كنت الساحر والمسحور بجمال عينيها ..
ملك ابتسمت
سيف : بصي بقه احنا شكلنا مطوليين اوي هنا .. فانا عندي فكره حلوة اوي ملك
ملك : ايه هي ؟
سيف : بما انك ولا مرة سالتيني عن ازاي اتقابلنا انا ومامتك فحكيلك الحكاية
ملك : بس دي قصه صغيرة اوي ومش هتشغل الوقت !
سيف :انا متاكد انك هتغيري رايك .. علشان قصتنا طويلة اوي ..
ملك : تمام!

في اللحظه دي طلع الدكتور ..
ملك جريت عليه : دكتور .. ماما عامله ايه دلوقتي
سيف قام بسرعه
د.احمد : اهدو اهدو .. كل حاجه تمام
سيف : فهمني يا ابني امانه عليك ..
د.احمد :متخافش هي اتنقلت دلوقتي للعنايه المركزه .. وهتبقى كويسه
ملك : العناية المركزة!؟
سيف : طب احنا ممكن ندخل نشوفها
د.احمد :للاسف مش هينفع بس لما هننقلها لاوضه عادية ممكن تزوروها
سيف : شكرا يا ابني
د.احمد : ده واجبي .. عن اذنكم انا لازم امشي
سيف : اتفضل
ملك قلبت وشها تاني
سيف لاحظ :مش ابدا الحكاية بقه !!
ملك هزت راسها : اه ! اديها حاجه هتنسيني
سيف : بس عندي شرط صغير ..
ملك : شرط ايه
سيف : انا هحكيلك كل حاجه .. لكن مهما حصل متسالنيش لما اوقف حكايتي اي حاجه ..
ملك في نفسها : يا ترى ليه بابا بيقولي كده ! انا مش هساله حاجه وخلاص .. بطلي تفكير كتير يا ملك .. انا بجد عاوزة اعرف الحكايه وبعد ما يخلص ربنا يسهل بقه
سيف : ها يا بنتي ؟!
ملك فاقت : اه اه موافقه !
سيف : اتفقنا !
سيف في نفسه : لازم تبقي كويسه يا نور .. وانا زي ما وعدتك مش هخلي بنتنا ملك ابدا تزعل .. ورغم وجعي هحاول ان الابتسامه متفارقهاش .. يارب ساعدني !!

سيف بدا حكايته بانه قال :
الصدف .. حياتنا عبارة عن صدف متجمعه على بعض ..تعرفو ستي زمان كانت تقول دايما يا محاسن الصدف .. حتى لو بتريقه .. وانا كنت مش فاهم المعنى الحرفي للجمله دي ابدااا .. و عرفت المعنى ده لما ..(ابتسم ابتسامه ساحره) لما شافت عنية النور ..

# يا جماعه وحشتونيييي جدااا رجعتلكو بحاجه جديده في ٢٠٢٠.. بقااالي كتير غايبه عنكو بصراحو انا متردده انزل بالقصه الجديده .. فلو عجبتكم ابقو فرحوووني.. احلى نااس في الدنيا بحبكو جدا.. عاوزه اشكركو علشان القصتين التانين والي انتو عملتوه ليا وتفاعلكم الجميل... عوده قويه.. مساء الخير 😘😘😘😘