يا محاسن الصدف

الجزا التاسع عشر

بعد ما رجع سيف وروحت نور وكل الباقي رجعو
ايمن طلع سيف للدور التاني : حرام عليك يا شيخ انا ضهري اتكسر وانا بطلعك وبنزلك كل يوم
سيف : شيل وانت ساكت يا بقره
ايمن بيهزر  : هوقعك
سيف : لا خلاص 
واول ما وصلو
ايمن : رايح فين
سيف : على اوضه بابا
ايمن : هتصالحه
سيف : مقدرش على زعله
ايمن : اسيبك بقه
سيف مشى وخبط على اوضة سليم
سليم : ادخل 
سيف دخل
سليم اول ما شافه : لا اطلع
سيف : مش طالع يا قمر انت
سليم ودى وشه الناحيه التانيه
سيف : ايه يا حج سليم ..هتزعل من ابنك البايظ بره
سليم مردش
سيف بكوميديا  : على فكره انت لما دخلت الريت بصتلي كده بطرف عينك وشوفتك والله
سليم : لا انا كنت ببص على السفرة اذا كانت ..جهزت او لا
سيف ضحك : يا شقي
سليم ضحك تلقائيا
سيف : اقسم بالله مقدرش على زعلك ..
سليم : ولا انا والله  !
سيف : مش هطلب منك فلوس تاني .. انا اسف
سليم  ابتسم وحط ايده على خد سيف بحنان
سيف :ولو انك كسرلتلي حجات بألف جنيه تقريبا
سليم ضحك
سيف : ايدك على 100 جنيه بقه
سليم : تاني
سيف : علشان اثبتلك اني مش هطلب تاني
سليم اداله ميت جنيه : اما نشوف اخرتك
سيف اخدهم وقطعها وقال باسلوب درامي : مش عاوز فلوس ..مش عاوز
سليم : يا مجنووون
سيف كرمشهم و فتح ايده وشدهم فرجعت الورقه سليمه
سيف بيقلب الورقه : بخ !
ادى لسليم المية جنيه .. سليم حضن سيف
سيف : شكرا يا بابا علشان صلحت السياج !
سليم : اااه انت عاوزني اقلك شكرا علشان صلحته .. شكرا يا عم
سيف : استنى كده ..مش انا الصلحته
سليم : ولا انا..امال مين
سيف : غريبه
___________
اليوم البعده الكل كان بيفطر سوا
ربيع بيتاوب : صباح الخير يا جماعه
جه وقعد على السفره
طبعا الكل كان مصدوم 
ايمن : ربيع ! انت .. (حمحم )
كان عاوز يساله بتاكل معانا ليه ؟
ربيع : فيه حاجه يا باشا
ايمن : ولا حاجه ..
سيف بيبصله باشمئزاز
نور دخلت
كانت لابسه فستان  وردي  وباكمام بيضا وعلى حجاب جمع بين الوردي والابيض
نور بابتسامه : اسفه جدا اتاخرت النهارده .. علشان ..
ربيع وبقه مليان اكل  : عادي متعتذريش  .. يا دوك ..
نور : استنى كده ..هو انا كنت بكلمك انت .. لا .. يبقى ملكش دعوة !
ربيع : ليه كده بس  يا نور  .. ده ..
نور رفعت صوباعها بتهديد :انت ازاي تناديني ..
سيف خبط على طاولة بعصبيه: نور ! ادخلي جوه دلوقتي
نور اتنفضت من صوته ..
ايمن شاورلها انها تمشي ..فهي مشيت وهي بتبرطم
فرح قامت من على السفرة : انا ماشيه
مسكت ايدين كارمه
ربيع : على فين يا ابله
فرح كانت عاوزة تخنقه بس نزلت ايديها بغضب : اتخنقت !
قالتها ومشيت
سليم : خدينا معاكي  !
ايمن زق سيف :  عن  اذنك يا ربيع البيت بيتك enjoy
ايمن اخده بعيد
سيف : انسان تافه .. مش عارف هفضل مستحمله قد ايه
ايمن : اه انت بقه ليه اتعصبت كده على الدكتورة لما ربيع كلمها
سيف : عادي يعني ايه المشكله  .. هو لازم يكون فيه سبب
ايمن : امم ..ايا كان .. كنت عاوز اديك المفاتيح دي ..دي مفاتيح الخزنه .. لازم تكون في اوضتك .. بما ان الزفت ده هنا
سيف اخد المفاتيح منه : تمام !
ايمن : يلا  انا هتاخر .فهمشي سلام
سيف : سلام 

عدى اليوم عادي جدا .. اتمرن سيف كويس وكان فيه تحسن نوعا ما .. واتاخرت نور ساعه في دوامها مش لسبب معين بس كانت بتكتب طول الوقت حجات ليها علاقه بالشغل ..سيف كان بيراقبها طول الوقت علشان يتاكد انها كويسه وربيع مبيضايقهاش .. بعدين نور رجعت البيت
____________
اليوم البعده نور جهزت ونزلت  علشان تروح الشغل
في بيت سيف كان اسامه ورحيم  ونادر موجودين وشغالين ضحك مع سيف في اوضته
نور وصلت البيت ودخلت المطبخ
نور كانت بتحط حجات على الصانيه دوا وميه والذي منه
ولفت وراها لقت ربيع
نور كشرت
ربيع : دكتورة
نور ربعت ايديها : ايوة
ربيع : اعمليلي قهوة
نور : خلي ماريا تجبلك الانت عاوزه .. انا مش بساعد حد غير سيف بيه هو مريضي .. الا لو انت مريض هيبقى لينا كلام تاني خالص .. يبقى تدفعلي نفس الباخده منه وانا وعد هعالجك ..وعد .. اووووه اسفه (حطت ايديها على بقها )شكلك  مش معاك تدفعلي ..معلش معلش مرة تانيه ..
نور ادته ظهرها
ربيع : ليكي حق تتكلمي بالطريقه دي ... بس مش عارف جايبه الثقه دي كلها منين .. اصل انت مش دايمه هنا
نور لفتله وهي ماسكه سكينه ووجهتها لربيع ... رببع بلع ريقه بصعوبه
نور : بتقول حاجه مستر ربيع  ؟!
ربيع طلع يجري : يا بنت المجانين
نور اخدت نفس وعانت السكينه مكانها وشالت الصانيه
_____
في الوقت ده كارمه وفرح ..رجعو البيت بدري شويه لان كارمه كانت تعبانه شويه .. دخلو على اوضهم من غير صوت حتى ان نور محستش بيهم
_________

اسامه قطع ضحك سيف : ايه اخبار الدكتورة
سيف حط ايده على خده وقال بنبره غريبه بس جميلة : جميلة الوجه وقاسية المشاعر
من جواه
سيف الكيوت : دي اجمل حد شافتها عينك مش كده
سيف : اه فعلا
سيف الرخم : واكتر واحده بتزعق في الكون جرى ايه يا سيف focus  ...
نادر باستغراب : اه فعلا على ايه
سيف : لا متاخدش في بالك ..
رحيم : كنا بنسالك اذا قلتلها على موضوع المسرح مش بنقلك هي عامله ايه ...
سيف :ها ؟! ااه ااقصد لا مقلتلهاش .. صحيح هي الدكتورة مجتش لغاية دلوقتي ليه
نور حمحمت : احم  انا هنا ..ممكن ادخل
سيف ابتسم جامد
فرحيم بصله وحط ايده على دقنه
سيف : اتفضلي ..
نور :ادويتك اهي ..
سيف : شكرا ليكي
نور : عن اذنك
نادر : دكتورة نور .. ممكن اطلب من حضرتك طلب
نور : طلب ايه ؟!
نادر : بصراحه احنا حابين نخرج مع سيف ..تسمحيلنا
نور : تخرجو ... بس استاذ سيف تعبان مينفعش يخرج
سيف : لا علشان خاطري
نور : مش عارفه ..
رحيم :نص ساعه بس
سيف : لوسمحتي
نور : نص ساعه بس ..
سيف : تمام ... شك..
نور خرجت بره الاوضه بهدوء
سيف بالفعل جهز و خرج  ووياه صحابه ..  
نور كانت بتشتغل حتى بعد ما مشي .. فجاة تلفونها رن   
نور : الو 
امل : الو يا نور
نور : ازيك
امل : زفت
نور : ليه
امل : تايهه يا نور ..
نور : ايه
امل : الدنيا كانت زحمه واخدت طريق تاني .. وتوهت .. وخايفه اكلم فهد او عامر .. فتعالي خديني
كارمه من فوق صرخت علشان نور تسمعها : نوووووور
نور غطت التلفون وقالت : ايوة يا كارمه انا جايه حالا اهو .. بس بتكلم في التلفون ثواني
نور رجعت لامل  : ايوة يا امل .. انا في دوامي مينفعش كده
امل : معلش استاذني وتعالي
نور : طب خليكي مكانك .. اما اشوف هعمل ايه
امل : انا عند مكان اسمه (... )عارفاه ؟
نور : اه اه استنيني
امل : تمام سلام !
نور راحت وهي مستعجله
ابراهيم : اوصلك يا دكتورة
نور : لا مفيش داعي انا هاخد تاكسي
ابراهيم باستغراب : الانت شايفاه
راح معاها ووقفلها تاكسي ركبت التاكسي
_________