يا محاسن الصدف

الجزا السابع عشر

الكل كانو مندهشين من كلام نور
نور كملت : العيله احلى حاجه في الكون حافظو عليها .. علشان محدش بيعرف اي الظروف البتحصل ... تلفوناتكم وحجاتكم في صندوق في غرفة دادا سميرة .. بعد ما تخلصو خدوهم
سليم : شكرا جدا يا بنتي .. بصراحه الفكره عبقريه .. يلا يا ولاد هنعد كلنا تحت في الصالون
نور زقت سيف وشالوه ونزلوه تحت
واتجمعو كلهم
ضحك بصوت عالي وفرحه ..
نور في المطبخ : لله يخليك يا شيف فؤاد .. حبه فشار وشيبس علشان يتسلو
سميرة بفرحه : تسلم ايدك يا دكتورة !
نور بصت عليهم وخصوصا على سيف
نور : دادا .. هو استاذ سيف شكله متضايق ..او ..
سميرة : لا لا ابدا هو متاثر بس
نور : متاثر
سميرة : من زمان يا نور يا بنتي .. امهم هي الكانت تجمعهم بنفس الطريقه ..ومن ساعه ما ماتت وكل واحد في اوضته
سيف متاثر لانك انتي قدرت تعملي كتير اوي النهارده ..انتي فكرتيه بامه
نور بصت في ساعتها 4 شالت شنطتها : انا لازم امشي نكلم تاني بعدين
سميرة : ماشي يا حبيبتي

___________
مكالمه
_ الو
_ الو يا كبير ..عامل ايه
_ على حسب اخبارك ..هبقى كويس
_ شوف المفاجاة متدشدش على الاخر
ضحك بصوت عالي _ حلو جدا جدا ..وايه كمان
_ البيت كله بيساعده في الطلوع والنزول .. مش هيقوم منها _ يا سلام ايه الاخبار الحلوة دي
_ بس فيه حاجه
_ فيه بنت عندهم في البيت ..مش عارف مين دي
_ انا المفروض اعرف .. تعرفلي بسرعه هي مين وتقولي
_حاضر حاضر .. بس انت هدى نفسك وخليك ..
الخط اتقفل في وشه
_ بيقفل حتى من غير ما يقول سلام ..ماشي يا (.. )الكلب

______________
في مدرسه امل
رحيم : مساء الخير امل !
امل : اهلا يا رحيم
رحيم : اخيرا الدوام خلص انا كنت تعبت
امل : وانا جدا
رحيم : تخيلي ايه الحصل
امل : ايه الحصل
رحيم :قابلت اختك مره كمان
امل : اتخانقتو تاني .. انا اسفه بجد يا رحيم ده هي مجنونه
رحيم: لا يا امل عادي .. بالعكس اختك كويسه  ... بس وقعت مع الهيوريها نجوم اليل فعز الضهر
امل : مش فاهمه
رحيم : اصل هي بتشتغل عند صاحبي سيف القلتلك عليه
امل : استنى كده ..هو صاحبك ده سيف سليم
رحيم : اه
امل : هو سيف ده مضايق اختي
رحيم : بصراحه معرفش .. بس سيف عصبي ونور اكتر منه
امل اخدت شنطتها وقامت بسرعه
رحيم :في ايه بس
امل : اختي ازاي محكتليش انها متهانه في بيت المتخلف ده
رحيم : اهدي بس كل حاجه تمام
امل سكتت
رحيم : انت بتثقي فيه
امل : اكيد ..وانا مغمضه عيوني كمان
رحيم : وانا كمان .. فهقلك على كل حاجه
امل قعدت وبصتله باهتمام
رحيم وقف : سيف صحبي من زماان .. انا خايف على مصلحته .. بس هو معندوش مخ .. ماشي ورا احلامه بس ..طبعا انا هدعمه وهفضل ادعمه بس انا ضد احلامه ال عاوزها تتحقق  من غير ما يتعب علشانها .. في يوم شاف اختك وحلم حلم ..فكان على معتقد انه نور هتساعده علشان يحقق حلمه .. مع انها متعرفهوش! ..نور بنت واعيه جدا  .. وهي هتساعده انه يوصل لحلمه بس بالطريقه الكلنا عاوزنها انه يشتغل ويبقى مسؤول .. انا حكتلك اه وانا واثق في اختك ان هي هتربي سيف .. سيف فاكر انه هيستغل نور علشان يوصل لحلمه .. بس احنا هنعكس الحكاية دي .. امل لوسمحتي ممكن تبقي جزا من خطتنا وتساعدينا
امل هزت راسها بكل ثقه : انا معاكو

عدى اليوم عادي جدا
اليوم البعده نور جهزت نفسها  علشان تروح الشغل ..السواق وصلها للفيلا
نور : صباح الخير
سميرة كانت قلقانه جدا : صباح النور ادخلي يا بنتي
نور : ايه البيحصل
سميرة : سليم بيه بيتخانق مع سيف خناقه جامده ..وايمن مش عارف يتصرف .. امانه عليكي اتدخلي
نور جريت بسرعه علشان تشوف ايه البيحصل
لقت سليم عمال يزعق وايمن ماسكه ..وسيف كمان بيزعق ... دخلت فكارمه كانت بتعيط وحضنت رجل نور بقوة اول ما شافتها  .. نور طبطبت عليها علشان تهديها
... نور مصدومه من الي بتشوفه
سليم بصوت عالي : قاعدلنا في البيت من غير ولا شغله ولا مشغله .. وجاي تطلب مني نص مليون يا فاشل
سيف زعق : انا مش فاشل .. قلتلك ميت مرة  اديني الفلوس وانا هعمل المسرح وهردلك حقه .. بس انت بتكبر كل حاجه
سليم  : ايه مديقاك كلمه يا فاشل .. طب يا فاشل يا فاشل .. يا عاطل مش هديك فلوس تطيرهم فحبة خزعبلات الانت بتعملهم .. انا مبداتش من الصفر علشان تضيعلي تعبي .. اخوك الكبير وهو بيتجوز ماخدش مني مليم .. انا الكنت بساعده من غير ما يعرف
ايمن مسك صدقي : اهدى بس يا بابا
سيف بصوت عالي : متقارنيش بايمن .. ايمن مش عاوز حاجه في الدنيا وهو هيموت كده ومحدش هيحس بيه .. انا عاوز اسيب حاجه كل الناس تفتكرني بيها
ايمن : خلاص لوسمحت
سليم : طب شوف انا هخليك متنساش الهيحصل ده دلوقتي
سليم طلع وفتح الاوضه السيف مخبي فيها حجات السحر
سليم طلع وهو شايل شويه حجات .. وبدا يرميهم من فوق ووقعو على الارض واتكسرو
سيف بدا يعيط ويصرخ لما شافهم وكان بيحاول يوقع نفسه من الكرسي  .. نور جريت على سيف ومسكته
سيف بترجي وهو بيعيط : نور .. لوسمحتي ..امنعيييه
ايمن طلعله ومسكه : بابا خلاص
سليم نزل من على السلالم
سليم : كسرتك صح لما كسرتلك حجاتك انت كنت بتكسرني كل يوم لما بشوف صحابك رايحين الشغل وانت قاعد بتلعب زي الاطفال
سيف : لا .. انا مش زي الطفل .. انت اناني وبتفسر كل حاجه  على مزاجك ..حرام عليك ليه عملت كده
ايمن بص على عنين سليم البتطق شرار : بابا
سليم : ابعد
ايمن فضل ساكت وبيبص لنظرات باباه
سميرة : علشان خطري ما تعملش فيه حاجه
سليم :  ابعدي يا سميرة  ..محدش يقرب مني
سليم رفع ايده وكان هيضرب سيف كف اوي
لكن نور وقفت قدامه و المسافة بين ايده و نور  كانت صعير
وغمضت عيونها طبيعي من الخوف
سليم : نور !
نور فتحت عيونها لكانت حامرة ومليانه دموع
سليم بصوت هز نور : ابعدي يا دكتورة
نور بقوة نسبيا:لا
سليم : ايه
نور : اسفه مش هقدر ابعد
سليم : انت ازاي...
نور قاطعته : قبل ما حضرتك تقول اي حاجه  .. اكيد كلامك كله صح .. انت عندك خبره في الحياة تلت اضعاف خبرته وخبرتي وخبرتنا كلنا .. بس زي ما في ناس بتموت وتانيين بيتولدو الحياة بتتغير بردو وتفكيرنا بيختلف .. وزي ما الصغير بيتفهم كلام الكبير .. الكبير لازم يفهم العقليه الصغيرة بتاعت الاصغر منه ... استاذ سيف كبر .. يقدر ياخد قراراته بنفس وضربك ليه هيكون وحش في حقه
سليم : مش كل الناس زيك يا دكتورة  وفي عقلك الكبير ..ده ميقدرش حتى يوقف الوقفه الانت وقفتيها علشان يدافع عن حد
نور قالت بثقه : لا هو عملها قبل كده .. وانقذني ونتج عن ده كسرته دي
سليم  اندهش حتى سيف
نور : لو عندي خاطر عند حضرتك .. احترمه لو شويه قدامي لاني غريبه .. لوسمحت يا سليم بيه 
سليم كان لسه في صدمته ونور بتبصله بترجي لف وادالها ظهره ومشي من غير ولا كلمه وخرج من البيت
فرح : انا هروح وراه
فرح وكارمه لحقوه بسرعه
ايمن : شكرا اوي يا دكتورة
نور مكانتش عارفه تبتسم حتى
ايمن مشى بسرعه