يا محاسن الصدف

الجزا الثالث عشر

اليوم البعده
نور لبست فستان رصاصي عليها نقشات باللون الاحمر ولبست حجاب احمر اخدت شنطتها و خرجت من اوضتها
اكلة كام حاجه من على الطاولة
وقالة وهي مستعجله : سلااام
حسن : مستعجلة ليه يا بنتي .. الساعه لسه 8
نور : النهارده مش هلاقي تاكسيات ابدا بسهولة
عامر : اول مهيشوفو وشك لازم يهربو
قالها وضحك بصوت عالي
نور بغيظ : اضحك ولا ابين سناني
امل : خلاص خلاص .. نور خديني معاكي قبل ما تتفقع مرارتي
نزلو وهما بيتكلمو كتير
حاولو يلاقو تاكسي بس ملقوش
نور مسكت ركبها : انا رجلي وجعتني  !.
امل : وانا اتاخرت على المدرسه ..انا عندي الحصة الاولى .. مبروك اتخصملي فلوس تاني
نور : معلش ..انت بقالك سنين بتشتغلي في المدرسه اما انا مبقاليش يوم
امل  : على رايك
نور لقت توك توك فنادت بسرعه : لوسمحت !
امل : توك توك يا نور
نور : معلش بقه  ! .
قالت للسواق
نور : لوسمحت وصلنا واحنا هنظفعلك الانت عاوزه .. لوسمحت
السواق وافق
بعد ساعه ونص وصلت نور كانت الساعه 10 الا شويه

جريت ورنت الجرس
فتح الباب ايمن
نور بخضه : ايمن بيه حضرتك لسه مرحتش لشغل
ايمن  دخلها على وشه العصبيه : الساعه كام في ايدك يا دكتورة
نور : انا متاسفه جدا .. ملقتش تاكسيات خالص
في اللحظه دي طلع سيف من اوضته وهز بيحاول يزق نفسه بالكرسي المتحرك
وقف لما شاف نور
نور كانت بتتكلم مع ايمن وخدودها حمرا من الحر اضافة لها لمسه جماليه خاصه خلت سيف يبتسم من غير مايحس
نور : انا اسفه جدا يا ايمن بيه انا مكنش قصدي ..
ايمن زعق : اخر مرة يحصل كده
سيف : ايمن ! فيه ايه مش كده
ايمن : اعمل ايه انا دلوقتي لما تتأخر لنا وتاخرني معاها عن شغلي
سيف :  خلاص يا دكتورة نور من بكره هنبعتلك سيارة لعنوان بيتك تجيبك وتوديكي
نور : لا طبعل انا مش هقدر
سيف قال بتقليد نبرتها : اول درس هتتعلميه ..انا مبحبش جمله مش عارف او مش قادر !
نور بصت على الارض كانت هتموت وتضحك من نبرة صوته
سيف : مين القال كده امبارح
نور : انا مبكلمش كده
سيف : اوكاي يا دكتورة ... روح بقه  يا ايمن على شغلك 
ايمن : تمام
نور : وانا رايحه على شغلي ..
سيف : روحي
سيف في نفسه : معقوله دي تكون هي الهتساعدني مستحيل
سيف على اوضته
في المطبخ
نور : دادا ..هو استاذ سيف فطر
سميرة : لا هو كان قلقان على حضرتك ..فماكلش
نور باستغراب
سميرة : يعني اقصد هو كان خايف احسن تكوني فلسعتي ومشيتي
نور : لا ما فلسعتش .. طب حضري الفطار الهكتبهولك على الورقه ده ..
سميرة باحراج : امم بس انا مبعرفش اقرا بالانجليزي ...
نور : انا اسفه جدا ..  اصلي متعوده اكتب الحميه بالانجليزي سامحينى 
سميرة  : لا عادي يا بنتي
سميرة بصت على الارض وسرحت في حاجه كده .. نور مفهمتش بس حاولت متزعجهاش بسؤالها
سميرة خلصت الاكل نور حطته على صنيه وحطت الدوا وكوبايه الميه
نور راحت على غرفة سيف  بعد ما خبطت
سيف ابتسم : اتفضلي
نور حطت الصانيه جمبه  : ده اكلك ودواك
سيف مسك الدوا وكان هياخده
نور جريت وشدت منه الدوا : انت بتعمل ايه
سيف كان في حاله صدمه خصوصا لان نور كان شكلها حلو اوي النهارده ..
نور عماله تقوله حجات بس هو مش مركز
نور : تمام
سيف : ها؟
نور : حضرتك سامعني ...
سيف مسك رقبته بحركه تلقائيه  : لا .. اقصد اه اه
نور : واضح...افطر الاول وبعدين خد الدوا
سيف باحراج: تمام يا ذات الرداء ااحمر
نور باستغراب  : انت نادتني بايه دلوقتي
سيف : الاسم ده احلى. .
نور بنبرة حاده  : انا ليه اسم ..الدكتورة نور بعد اذنك
سيف : حاضر حاضر
نور راحت وفتحت الستاير : الاوضه كتمه جدا وضلمه  ... وده مش حلو ليك ابدا
سيف غمض عيونه وقال بطريقه دراميه : لاااااااااا
نور جريت على سيف  : فيه ايه الحصل لحضرتك
سيف:  مش عاوز شمس كده ممكن اموت
نور : ليه دراكولا ..
لما فنحت الستارة نور الشمس جه على عيونها فخلى لون عينها تبقى افتح
سيف لما شاف شكل نور ودى وشه الناحيه التانيه  : اووف بقه مش قادر استحمل اقسم بالله  ..
سيف في نفسه : الجمال ده كله
نور : بس بقه .. اتفضل كل وخد ادويتك
نور راحت وبدات تحضر جدول التغذيه لسيف سابت القلم وراحت نادت على سميرة وماريا والطباخ خرج ونادت الجنايني  والبواب ..
الكل باستغراب : فيه حاجه يا دكتورة  ..
نور : بصراحه انا عاوزه ارجع استاذ سيف لغرفته الاصليه ..
سميرة : اوضته الاصليه
نور :اه
الطباخ : الهي في الطابق التاني
نور : اه
الجنايني : طب ليه كده
نور : اوضته كتمه جدا ..وده مضر بصحته ..
ماريا ( اجنبيه بتكلم عربي مكسر ) : الحضرتك فيه تشوف
نور ابتسمت : طب تعالو يلا
دخلو على سيف الاوضه كلهم
سيف اتخض : بسم الله هما بيطلعو الساعه كام
سميرة : يلا يا خفيف 
سيف : خضتوني حرام عليكم ..
نور راحت ورا سيف وبدات تزقه
سيف : انتو وخدني عبى فين
نور : يلا
نور فضلت في نفس مكانها .. شالت الكرسي من ورا .. وسميرة وماريا  شالو الكرسي من اليمين والجنايني والبواب من الشمال والشيف شال الكرسي من قدام
وبداو يطلعو بيه على السلالم 
سيف اول ما شالوه بدا يصرخ : يلاهوي .. لا سبوني سبوووني ..
بييص جمبه : هتوقعوني ..الحقوووني يا بوليس يا شاويش .. يا لهوي
نور من تقله معرفتش تكلم وقالت يللعفت تطلعه من بقها  : اكتم بقه
فضلو على الحال ده لغاية اما طلعو اخر سلمه
نور قعدت على الارض بتمسح عرقها وكلهم قعدو على الارض بيمسكو ضهرهم الكان بيتفرتك
سيف كان فاتح بقه من كم الخوف الهو حس بيه
الكرسي لمتحرك بدا يتحرك قدام شويه كان هينزل من على السلالم تاني .. الكل في نفس اللحظه مسك الكرسي قبل ما يقع وقالو : لاااا
وبعدين بداو يضحكو بصوت عالي
سيف : فاصل اغماء ونواصل

نور زقت سيف وفتحت باب اوضته ودخلته
سيف اول ما شاف الاوضه بدا يضحك
سميرة مدهوشه من رده فعله : بتضحك على ايه
سيف : مبسوط يا دادا اوي اني رجعت على اوضتي
سميرة بصت لنور الكانت بتبتسم وابتسمتلها علشان قدرة انها تفرح سيف
سيف : شكرا جدا ليكو
نور : على ايه ده واجبنا
سيف : انا مكنتش بشكرك انتي .. انتي نت واقفه وره ومبترفعيش بضمير
نور بعصبيه : كده طب ماشي .. رمت الغطى في وشه
نور خرجت من ااوضه : عنده انفصام اقسم بالله
سيف ضحك : ههههه 
سميرة : رخم والله
سيف بفخر : عارف والله 
_____ 
تماريت تاني فشلت بجدارة .. نور روحت بيتها