يا محاسن الصدف

الجزا التالت

اتعودت تصحى على صوت العصافير .. مبتظبطش منبه علشان خايفه تصحي اهل البيت .. فتحت عيونها العسليه ورفعت شعرها لفوق وقامت من على السرير ورتبه ووقفت قدام صورة امها .. وباستها .. ومسكت السلسله الهي لابساها وابتسمت .. اخدت شاور سريع ولبست بلوزه بيضه واسعه وطويله مع اكمام واسعه ولبست حجاب وردي .. وجهزت شنطتها .. وسقت الزهور البيضا العندها في غرفتها ...اتجهت للباب و حطت ودانها على الباب فسمعت حركه فعرفت انهم صحيو اختفت ابتسامتها و بملامح بارده فتحت باب اوضتها .. وابتسمت للموجوده كانت بتحاول على قد ما تقدر  وخرجت
بيتها بيت بسيط جدا اثاث متهالك نوعا ما ... الوان الحيطان باهته ..
نور اخدت نفس  و بصت على الارض ومشيت متجهه لباب الشقه
فريدة علت صوتها  : نور !
نور لفت: ايوة
فهد كان قاعد على السفرة : يا فتاح يا عليم يا رزاق يا كريم .. ايه البوز العلى الصبح ده
امل : اسكت يا فهد
نور : لوسمحت متتدخلش
فريده : ليه ? خليه يتدخل
نور بهدوء : اسفه .. ماقلوليش انهم عينوه محامي دفاع لحضرتك
فريدة : انت يا بت عاوزه تموتيني ..انا عارفاكي يا بنت ال..
نور قاطعتها  : بنت ايه ..
فريدة رفعت حاجبها : يا بنت حسن
عامر طلع من اوضته : نور روحي لمعيلي جزمتي علشان خارج ..
نور استغربت من طلبه وبصت على الارض من غير ما ترد
عامر : يلا يا بت
امل وقفت وزعقت : ماما فهد وعامر .. محدش يضايقها لوسمحتم
نور اخدت نفس تاني مرة
امل مسكت ايد نور بحنان .. وقعدتها على السفرة !!
امل : مش كل يوم هتروحي شغلك بدون فطار .. اقعدي كلي نور ابتسمت وقعدت 
حسن طلع من اوضته : فيه ايه يا ولاد ايه كل الصوت ده ..
نور بصتله وابتسمت
فريده : ولا حاجه يا حسن انت اقعد يلا وهجبلك الاكل الانت عاوزه .. روحي يا نور هاتي الفطار 
نور : انا هتاخر على الشغل لو حضرت الفطار
فريده برقتلها : مش قلتلك تروحي !
نور بصت لباباها بتستنجد بيه ومستنياه يقولهم حاجه
حسن : نور روحي بتطلعي دلع .. مش هتتاخري ولا حاجه 
نور قامت بعد ما خاب املها  بس بدل ما تروح على المطبخ بعد تفكير دام ثواني راحت لباب الشقه
نور  : معلش يا بابا انا مضطرة امشي
حسن : نور نور ..
لكن نور  مشيت

( نور حسن المعنى الحقيقي للبنت الذكيه المستقله المحترمه البنت  الحديديه .. عمرها ما تهزت ولا نزلت دمعه بنت قويه جدا .. عندها 25 سنه هي البنت الوحيده لباباها حسن.. وهو موظف في الحكومه ومرتبه على اده  .. نور من زمان زعلانه من ابوها علشان لما ماتت امها ابوها اتجوز فريدة  .. فريده بقه اكتر انسانه لئيمه في الكون ..بتحاول دايما تضايق نور علشان هي متعلمه وبتشتغل دكتورة علاج طبيعي .. ولاد فريده فهد وعامر من جوزها القديم  .. وخلفت فريدة من حسن امل .. فهد وعامر واخدين من مامتهظ كل اللؤم والكره دايما بيضايقو نور اما امل فهي اكتر انسانه حنينه في البيت ده وهي مدرسه رياضيات .. وهي ونور صحاب قبل ما يكونو اخوات .. ورغم كل البيحصل فيها عمرها ما قلة ادبها عليهم ابتسامتها مكنتش بتفارقها  ...نور امنيتها بسيطه جدا .. انها تخلص من الكابوس الفي بيتها ده باي شكل .. وتكرس حياتها لشغلها الهو اكتر حاجه بتحبها في حياتها ..)