يا محاسن الصدف

الجزا الواحد والعشرين

نور رجعت البيت وهي بتعيط ومطلعتش من اوضتها خالص اليوم ده وكل الفي البيت بيحاول يكلمها وهي مش راضيه ترد على
حد
_____
الزمن الحاضر
ملك : بس كده! ..بالسهولة دي قدرت تتخلى عنها
سيف : مش عارف ازاي قدرت اعمل كده
ملك : اكيد كنت متضايق
سيف : مكنتش متضايق بمعنى الكلمه بس كنت حاسس ان فيه حاجه ..
ملك : اكيد .. طب كمل
سيف : اليوم الاول ...
___________

اليوم الاول
سيف كان بجد زعلان ..كان حاسس ان فيه حاجه غلط .. وحاسس بفراغ حصل في البيت.. ومش هو بس كل البيت كان في حاله كئيبه جدا لاول مرة من بعد ما نور نشرت عدوتها ..عدوى السعاده في البيت كله .. اليوم الاول جاب معاه التاني فالتالت ... اسبوع كامل هي مش موجوده فيه .. سيف شال جبس ايده .. بس مفرحش بده .. رجع البيت وهو بيبين قوته لكل الفي البيت.. لا وكمان بعديها بيوم لقه دكتور علاج طبيعي عنده في البيت ..ويكتشف ان نور هي البعتاه علشان يتابع حالة سيف .. لكن سيف طرده  ..

وفي اوضته ..
سيف كان بيشرب مايه في كوبايه ازاز وهو سرحان .. بعدين فاق .. فتح عيونه وغمضها كذا مرة .. وزعق بعلو صوته : ليه كده ..
رمى الكوباية على الارض بعصبيه .. فاتكسرت .. قعدت يتنفس بنمط عالي شويتين
من جواه
سيف الرخم: فيه ايه يا سيف بتعمل كده ليه .. مش واحده قعدت معاك شهر بس تعمل كده علشانها
سيف الكيوت : تصدق انت انسان غبي بجد .. معمي.. وراكن مخك على جمب
سيف زعق : طب اعمل ايه علشان افتح .. كل الادلة ضدها وانا خلاص صدقت كل ده
سيف الرخم : انت صح
سيف الكيوت : لا غلط تماما.. والدليل انك لسه بتفكر في الموضوع ولسه متعصب علشانها
سيف : مش علشانها.. منها ..
سيف الكيوت :هيجيلك وقت وهتندم جدا .. وهتقول انا انا قلتلك
سيف : وامته الوقت ده ..انا مستنيه
سيف الكيوت ابتسم : حالا
سيف فاق من تخيلاته على فتح الباب بسرعه
سيف : فرح ! في ايه
فرح دخلت وشكلها مصدوم بلعت ريقها .. كانت ماسكه كارمه بالايد التانيه
سيف : انتو كويسين ..
فرح قالت بخوف  : اسمع ده !
فرح شالت كارمه وقعدتها جمب سيف على السرير وشدت كرسي وقعدت قدامهم
كارمه : لا يا مامي بليز
فرح : قولي يا كارمه بقه
سيف لاحظ ان كارمه خايفه حط ايده على راسها وبدا يطمنها : متخافيش يا كوكي انا معاكي
كارمه بصت لسيف بخوف : يعني هتحميني
سيف باستغراب : اه طبعا فيه ايه..
كارمه : هحكي حاضر
سيف منتبه معاها ..
كارمه : من اسبوع تقريبا .. كان بطني بتوجعني .. والمدرسه اتصلت بماما وقالتلها تيجي تاخدني .. وبالفعل ماما عمت كده وجابتني البيت .. رجعنا البيت ومحدش حس بينا  ... ماما نيمتني على السرير وقعدت جمبي .. بعدها بفترة ماما نامت جمبي من ااتعب وانا كنت لسه صاحيه ..فقلت اقوم العب ... فتحت الباب علشان اجيب طنط نور تلعب معايا ..  لقتها داخله على اوضتك
سيف قاطع كارمه : فرح . انا مش حابب افتكر الحاجه دي تاني ... انا اسف مش عاوز اسمع

فرح : استنى شويه ..كملي يا كارمه

كارمه : نادته فهي رجعت وضحتلي قلتلها تعالي العبي معايا ..قلاتلي وهي بتبص يمين وشمال علشان تتاكد ان محدش موجود .. طب استنيني هنا .. هروح اجيب الادويه من غرفة سيف بيه وهاجي العب معاكي بس متقوليش لحد اننا هنلعب سوا ..انا اتبسطت جدا وقعدت على الارض قدام اوضتي .. ثواني وطلعت وهي في ايديها صانيه .. وقالتلي هوديها المطبخ وهجيلك  ..  فعلا شفتها وهي رايحه المطبخ .. لكن فكرت اني ادخل الاوضه واخضها ..دخلت الاوضه وقفلت الباب وحطيت ودني عليه ..سمعت رجلها وهي بتطلع على السلم.
. فجاة فتحت الباب وقلت :بخ  ... لكن ملقتهاش هي كان حد لابس اسود زي الحراميه.. واول ما شافني برقلي .. فانا صرخت : نوووور فراح جرى عليه وكتملي بقي لدرجه اني معرفتش اتنفس .. نور تقريبا سمعتني : ايوة انا جايه يا كوكي بس دقايق وجايه بس  .. بتكلم في التلفون  ثواني ..
حاولت اعمل اي صوت لكن هو كاتم صوتي .. قالي بصوت واطي : اخرسي . .. بعدين راح شالني وكان هيرميني من الطابق التاتي على الارض ..  انا فضلت احرك رجلي من الخوف وبحاول اعمل اي صوت علشان حد يسمعني .. بعدين قالي : انت مشوفتنيش صح .. انا قلتله :لا لا بس سبني ابوس ايدك .. مش هقول لحد حاجه والله ..  فراح نزلني تاني فانا مقدرتش افضل واقفه فقعد على الارض .. نور مشيت من البيت .. وهو دخل اوضتك...  وانا لسه مش قادرة اقوم على الارض .. دقايق وطلع من الاوضه .. وكان معاه مفتاح ... واندهش اول ما شافني كان هيجري عليه ..لكن انا طلعت على الاوضه بسرعه ونمت جمب ماما على السرير .. لقت اوكره الباب بتتحرك .. فغطيت وشي بالغطا .. وبعدين ما سمعتش حاجه علشان نمت ..ده كل الحصل والله يا عمو سيف .. ومكدبتش زي ما انت علمتني .. نور صادقه ميه في الميه
سيف عينه وسعت على على الاخر : نور بريئه
من جواه
سيف الرخم لسيف الكيوت : يا ابن الجنيه ..انت عرفت ازاي
سيف الكيوت : عارف لما الواحد بيقين واثق في الحد القدامه بيكون على يقين انه صادق لو اي ظرف حصل قدامه
سيف : شكرا يا كارمه .. شكرا يا فرح 
فرح : هتعمل ايه
سيف لسه في الصدمه : مش عارف .. حاسس باحساس غريب .. حاسس ان قلبي ...
مسك راسه وكمل كلامه : انا ازاي كده ..
فرح ابتسمت : ايا كان قرارك  انت هتبقى صح .. انا هاخد كومي انيمها وانت اعمل الانت حبه .. بس لازم تعرف ان مهمتك هتبقى صعبه
مسكت في ايدين كارمه وطلعت بره الاوضه
سيف مسك راسه
سيف الرخم و الكيوت : يا سلاااااام  جاي تتندم دلوقتي
سيف : ما تنصرفو بقه 

_____
4 ايام عدو وسيف حياته متلغبطة حبتين مش عارف يعمل ايه تقريبا عقله وقف .. وظهور سيف الرخم  والكيوت كان هيفجر دماغه وكمان كا بيتدرب على العكاز بدل الكرسي المتحرك ...   كان نايم على سريره ... وبص على الساعه الي تقريبا بقالها 4 ايام ثابته او بيتهيالو انها ثابته ..كان نايم على السرير لكن فجاة قام و مرر صوابعه في خصلات شعره ..
سيف : انا هتصرف .. هتصرف
سيف جهز نفسه ولبس هدومه ونزل خرج بره البيت .. كانت سيارة عم ابراهيم في الجراج وهو نايم فيها  ..  خبط على ازاز العربيه
ابراهيم فتح عيونه : سيف بيه !
فتح باب العربيه فخبط بسيف
سيف بهزار : موتني يا عم ابراهيم موتني
ابراهيم : هه اسف والله 
سيف : عادي .. فاضي توصلني مكان
ابراهيم : اه طبعا على فين
سيف : بيت الدكتورة نور  ...عارفه
ابراهيم : الدكتورة نور .. اه ..بس لي؟!
سيف ابتسم : مش عاوزها ترجع تشتغل عندنا ولا ايه
ابراهيم : بجد انت هترجعها الشغل  .. والله وحشتنا كلنا جدا
سيف :طب انزل يلا ساعدني اركب  السيارة
ابراهيم  نزل : حاضر يا بيه .. حاضر
ساعده يركب وحط سيف  العكاز على رجليه
وساق بيه ابراهيم لبيت نور
سيف باندهاش كان بيبص على الحارة الفيها بيت نور .. حارة بسيطه شعبيه وقف ابراهيم
ابراهيم : اتفضل يا ابني
ابتسم نزل سيف من السيارة وكان شايل ورد وعلبة شوكولاته ظريفه .طلب من ابراهيم انه يستناه ..
خبط على الباب  .. وبعد دقايق فتحت ست ..
فريده وهي ببتاوب: نعم ؟! مين .. وعاوز ايه معندناش زباله النهارده ..
سكتت فجاة لما شافت سيف كان انسان لابس كويس ومعاه شوكلاته وورد ..
فريده ابتسمت: انت مين ؟!
سيف بعد معندناش زباله النهارده اتحرج : احم .. انا سيف سليم .. اهلا
فريده فتحت بقها  : سيف بيه ؟!