يا محاسن الصدف

الجزا الثامن عشر

نور قاعده حاطه ايديها على وشها وبتفكر سميرة قاعده جمبها وحاطه ايديها على خدها ماريا بتبصلهم بزعل ... سيف قاعد سرحان في الحصل
سيف فاق وقال بطريقه جارحه بس هو كان قصده يضحك بس نجحش فكده : والله والبيشتغلو عندي بقو يقعدو يفكرو معايا علشان يلاقو حل في مشاكلي
نور شالت ايديها من وشها بسرعه وقالت بقرف : ما تخرس يلاه
سيف انبهر : اخرس ..ويلاه
نور كانت على اخرها : اه ... ماشي رايح جاي تهزق فيه وتمرمط بكرامه الخلفوني الارض .. وتطلع في الاخر عاطل
سيف : انت كمان هتفتي فيه
نور : . عمال تعصب فالراجل .. طب لو كان حصله حاجه كنت هتعيش ازاي
سيف سكت
نور : ما ترد عليه
سيف : هو انا اتكلم تزعقي باسكت اسكت تقوليلي هضربك بالجزمه لو متكلمتش ...هتجنيني .. انت مالك اصلا بالموضوع

سيف بدا يزق نفسه لغايه ما دخل الاوضه الفي الطابق للارضي .. ورزع الباب بقوة
نور اتنفضت
ماري : علمه الادب انت يا دكتورة
نور مشيت شويه
وسميرة وكل الكانو موجودين راحو على شغلهم
بعد فترة نور سمعت صوت حاجه زي ما يكون وقعت على الارض في اوضة سيف.. فطلعت بسرعه تشوف فيه ايه
فتحت الباب وشافت منظر خلى دموعها تنزل
_________
_ اخبار جديده ولا نفس اخبارك الزفت
_ لا خديدة نوفي
- قول يا زفت
_ الفي البيت دي دكتورة وهتعالجه
_ ايه
_ زي ما بقلك ..وشاطرة كمان
_ يا نهار اسود ..ده كده معناه انه هيعالج بسرعه وهيقوم لا تتصرف .. مينفعش كده ... انا مش عاوز اشوف الدكتورة دي عنده مش على وش الدنيا اصلا
_ نعم ! طب ..انا اعمل ايه
_ تتصرف لاما ده هيبقى اخر يوم في حياتك
____________

شافت سيف نصه التحتاني على السرير ونصه الفوق واقع على الارض ..زي ما يكون وهو بيحاول يطلع نفسه على السرير وقع .. ومكنش عارف يطلع نفسه علشان متجبس .. كان ساند على راسه بس
نور جريت عليه وبدات تحاول تشيله من كتافه .. بس معرفتش
نور زعقت بعلو صوتها : سميره.. ماريا ..ساعدوني
سيف بيحاول يطلع نفسه معاها تاني لكن مش قادر
نور : يا جماعه حد يجي
نور بتشده جامد
سميرة وماريا جوم جري وبداو يساعدوها .. تطلعه ..
سيف وشه كان احمر نتيجة للدم البقى في راسه وكان بينهج نور عدلت المخده علشان تظبط قعدته وكانت الدموع ف عينيها
نور الموقف اثر فيها .. شافت اد ايه هو انسان ضعيف ومش قادر يساعد نفسه
سيف : متعيطيش انا كويس فيه ايه
نور : شويت مايه يا سميره .. وجهاز الضغط يا ماريا
هما الاتنين : حاضر
سيف : خلاص انا كويس بتعيطي ليه بس !
نور : انا اسفه .. انا عماله ااذيك من غير ما تحس .. الاول لما حصلك كده .. ودلوقتي مش قادر تنقذ نفسك من الوقوع حتى
سيف : لا ..لا .. ابدا .. بجد لو مكنتيش موجوده كانت حجات كتير اتغيرت في حياتي
نور بصتله
سيف : للاوحش طبعا
نور بصت على الارض
سيف : اتكلمي قوليلي اني غلطان ! قولي متفضليش ساكته صوت من جواه
سيف الرخم : يا حنين .. انشف يالاه
سيف على نبرته شويه فنور حست انه بيكلم حد بعيد مثلا : قوليلي اني غلطان جداااا
نور : انا يمكن مكنش فاهمه الموضوع بشكل كامل ... بس انا مع كل كلمه باباك قالها .. ازاي متكونش بتشتغل ..
سيف بهدوء : ما انا عاوزاشتغل الحاجه البحبها
نور : ماشي .. انت صح .. لكن باباك عاوزك متعش عليه بس .. هو بيامن مستقبلك كده بعده ..تخيل نفسك مثلا اعد بتاخد منه فلوس بتحقق حلمك رغم رفضه ..هوب يجي منافس ليك هوب الناس متحبكش زي زمان .. هوب تلاقي خساير ديون ..اي بيزنيس جديد معرض انه يصادف مشاكل زي دي
ابوك مش بخيل ..ابوك حريص عليك وعلى اخوك ... استاذ سيف .. لو اشتغلت بايدك علشان تجيب المسرح الانت عاوزه ..وبتحوش فلوسك واحده واحده هتحس بطعم تاني لنجاحك صدقني .. مش بعيد بقه سليم بيه لما يشوفك بتشتغل .. يساعدك ..
سيف : بس ..
نور : كل الناس البقو معروفين دلوقتي .. بدوا بكفاح وتحدو الصفر جنيه لغاية ما بقى مليار
ماريا : جهاز الضغط
نور اخدته : فين سميره
ماريا : مع ربيع
سيف : ربيع !
نور : مين ربيع ده !
سيف : ماريا .. دخليهم هنا بسرعه !
سميرة دخلت بعد فترة ووراها ربيع
ربيع : صباح الفل ! يا ناس يا فل
سيف :اهلا يا ربيع
سميرة : سيف يا ابني .. ربيع مش بيته الكان ساكن فيه وقع ومعندهوش مكان يبات فيه ...
سيف : اه ..وبعدين
سميرة : امانه عليك يا ابني تخليه يعيش هنا ..ويشتغل اي حاجه ... ان شالله خدام .. انا راضيه
سيف : بتقولي ايه يا دادا .. ده انت عملتيلنا كتير مش هنكرمك في ابنك ..دي تيجي
نور شالت جهاز الضغط من ايد سيف وبصت لقت ربيع ..شاب يمكن عنده 26 ملخبط كده وهمجي بكلامه جدا
سيف : خلاص ماريا تنام عند سميرة و ربيع ينام في غرفة ماريا
ربيع : شكرا اوي يا كبير !
سيف حاول يبتسم .. نور خرجت من الاوضه
ربيع بص على نور وهي خارجه
سيف نادى عليه وهو بيحاول يخبي غضبه الجه فجأة من غير ما يحس ولا عارف ايه هو سببه او ازاي جاله : ربيع !
ربيع : ايه يا باشا
سيف بكدب : دي الدكتورة نور ! .. بتعالجني هنا .. ملحوظه كمان هي الخرشمتني كده زي ما انت شايف اصلها عصبيه جدا .. فخلي بالك
الكل اندهش من كدب سيف
ربيع رجع لورا سنتين : ها؟ طب الف سلامه عليك عموما
سيف :طيب روح ارتاح بقه في غرفة سميرة
ربيع : اتفقنا !
خرج ربيع ووراه سميره وماريا
سيف اخد نفس وغمض عينه : استغفرالله ..
نور خبطت
سيف : ادخل !
نور : استاذ سيف .. احنا النهارده مفروض نروح المستشفى .. علشان تشيل الفي رقبتك وتغير على جرح الخربشه ..
سيف : بجد !
نور : اه .. بس هشيلك دلوقتي الشاش الي على راسك ملهوش داعي
سيف : تمام
قصة نور الشاش ..وشالته من على راسه
سيف : شكرا
نور : عفو ..انا هسيبك تغير هدومك وهكلمك السواق يجي ياخدنا
وبالفعل حصل كده نور زقت سيف لغاية ما وصلو عند باب الفيلا و السواق ساعد سيف انه يركب السيارة
وراحو المتشفى
الدكتور وليد شاله الفي رقبته وغير على الجرح ..
الدكتور وليد : دكتورة نور انت واثقه انا ايده مش لازم نفك الجبس
نور : مبقالهوش اسبوعين حاطه .. حضرتك شفت الاشعه
الدكتور وليد حطها في النور : كلامك صح .. متخلهوش يتقل على ايده اكتر من كده
نور : ليه هو فيه حاجه
الدكتور وليد : شكله محمل على ايده شويه
نور بصتله
سيف :مش اوي يا دكتور
الدكتور وليد : عموما اسبوع كمان وتجيبيه يفك ايده
نور : حاضر يا دكتور وليد .. شكرا جدا لحضرتك
نور زقته
وقالت بصوت واطي : جبتلنا الكلام سعيد كده
سيف : سورييي