يا محاسن الصدف

الجزا السادس

رحيم : بصو يا شباب .. ايه رايكم نخرج خروجه حلوة...
نادر : اه والله ياريت ..النفسيه محتاجه خروجه
اسامه :  وانا عندي المكان
سيف : افحمنا
اسامه : نروح camping
سيف : تخييم ؟! لا يا حج 
اسامه  : اسمع مني ! بس
سيف : سلام يا اخي
اسامه : والله فكره حلوة جدا .. هنلعب وناكل ونغير جو في الطبيعه
سيف : طبيعه ايه يا ابني.. مينفعش والله انا عندي حساسيه من النرجس 
اسامه : فيه غابه اعرف مكانها هي مش بعيده اوي عن هنا .. مش هتقرب على النرجس
نادر : انا شخصيا موافق جدا
رحيم : وانا
سيف : يا عمي دي تفاهه والله افرضي طلع عين ذيب او اي حيوان مفترس
اسامه : انت متخلف يا ابني .. ديب ايه انت كمان
نادر : اوووه .. شكل سيف خايف
سيف ضحك : خايف ! لا طبعا
رحيم : امال ..ايه يا خوافه يا بطه
سيف : يا رخم
نادر : عملنا فيها الرياضي وهو قطه
سيف وقف : خلاص خلاص .. بعد بطه وقطه هتقولو ايه .. انا موافق
اسامه : يس يس .. وانا هجهز كل حاجه
سيف : يا نهار ابيض الساعه 9 انا لازم ارجع البيت ..اتاخرت .. يلا يا حج انت وهو تعالو اوصلكم في طريقي
رحيم : تمام !!
سيف واسامه ونادر : سلام يا رحيم
رحيم : سلام
________ 

امل :ايه بتفكري في ايه ..الله يخرب بيتك
نور : انا قرر انا اهرب
امل : اقسم بالله مجنونه .. صلي على النبي كده وارجعي لمخك يا دكتورة
نور : يوووه ..مانا تعبت من الذل ده ..
نور سكتت شويه وراحت وقعدت جعلى السرير
نور : انا فكرت في خطه تجنن!! انا بص ههرب اسبوع .. وانتي هنا هتشتغلي شغل الحقنه ..ولعي البيت وقوليلهم ان انا مش هرجع الا لو رجعت الشغل .. وطبعا مش هتقوليلهم على مكاني .. طبعا بابا هيوافق وهيتحك قدام الامر الواقع وهيوافق  .. وهرجع البيت وهرجع الشغل وكل حاجه هتبقى زي الفل
امل :طب  وهتهربي ازاي ..وماما بتقفل عليكي الباب كل يوم نور : هتيجي تنامي في الاوضه معايه وهي هتقفل علينا  الباب .. واول ما هينامو هنط من الشباك
امل : يا نهار اسود انت هتجننيني
نور حطت ايديها على بقها : هشش هتفضحيني .. احنا في الدور الاول هتشعلق على المسورة وهطلع اجري
امل : انت..
نور : الخطه محبوكه اوي .. وانا متاكده ان محدش هيحس بيه اصلا .. هتساعديني
امل : امري لله ..
نور : تمام
قامت نور وحركت ايديها بفرحه : بكره لساعه عشرة بليل
_____...

اليوم البعده عدى عادي ولما دقت الساعة 10
سيف نزل من البيت.. واتجمع مع صحابه ونصبو الخيم  
نادر ولع النار
نادر قال بصوت عالي : اخيرا
سيف : لا ده احنا اتشلينا والله بسببك يا شيخ
اسامه : الجو برد اوييي
رحيم : جدا
سيف جاب بطاطين وادى لكل واحد واحده
نادر : شكرا
سيف نام على ظهره : شايفين القمر مكتمل النهارده ..
رحيم : بمناسبه القمر المكتمل .. هحكيلكم قصه
رحيم قام ومسك مصباح ونوره على وشه : في الغابه دي ماتت وحده ست من برد اهلها دورو على جثتها لكن ملقوهاش .. بعد سنين الناس الكانو بيجو هنا قالو انهم شافوه في ليلة مكتمله القمر واتحولت لذئب .. هههه ( ضحكة شريرة)
سيف : الله يخرب بيتك خضتني ... انا داخل انام
نادر : وانا
سيف قام وحط ايده في جيبه ..
سيف : تلفوني !!
اسامه : فيه ايه ؟!
سيف خبط على راسه : تلفوني وقع مني ..
رحيم : اكيد وقع منك واحنا بنتمشى في الغابه
سيف قال بقرف  : واو
نادر : طب روح دور عليه
سيف : يلا نروح سوا
نادر : سوا ؟ لا يا معلم مع نفسك
سيف : هتخليني اروح لوحدي
نادر : ايوة
سيف بص لاسامه : يلا يا اسامه
اسامه : انا اخاف اني اتحرك من خيمتي ..الدنيا كحل
سيف بص لرحيم وقبل ما يتكلم
رحيم : والله ما تحصل
سيف قلع جزمته وضربهم : انا رايح لواحدب ولا الحاوجه ليكو ملعون ابو الناس العزاز . ال لما احتجنا ليهم طلعو اندال بامتياز
سيف مسك مصباحه وجهز نفسك علشان يروح يدور على التلفون
____
في بيت نور
مشت خطة نور زي ما هي عاوزه ..
نور لبست فستان كحلي وحجاب كحلي ولبست  رداء احمر طويل وتقيل علشان البرد..امل مسكت ايد نور وطلعتها على حافة الشباك ..
امل : مع السلامه
نور : مع  السلامه يا قلبي
نور اتشعلقت في المسورة ونطت على الارض
امل اتخضت : نور !!
نور وطت صوتها : كويسه كويسه ..سلام
نور باستها في الهوا
وطلعت تجري في الشارع ومخبيه وشها .. علشان خايفه احسن الجيران يشوفوها ...
في اللحظه دي فريده فتحت الباب عليها
فريده : يلا يا بت ..علشان تاكلي احسن تموتي ..يارب ..وتعمليلنا مصيبه
فريدة برقت
فريدة : امل!
امل بخضه : ماما
بصت من الشباك الكان مفتوح ولقت اخر الشارع نور
طلعت فريدة من الاوضه تصوت
فريدة : يلاهوي.. بنتك هربت يا حسن ....يلاهوي
حسن قام من مكانه : نور
فريده قوم يا عامر قوم يا فهد الحقوها
عامر وفهد لبسه جاكيت وجزمتهم وطلعو يجرو في الشارع
نور تلفونها رن : الو يا امل لحقتي تشتاقيلي
امل : اهربي بسرعه يا نور .. عامر وفهد جايين وراكي
نور : ايه !
ومن الصدمه تلفونها وقع
ومن بعيد
فهد زعق بصوت عالي  : نور !
نور شافتهم ف طلعت تجري وهي بتترعش من الرعب
______
سيف كان بيموت من الرعب كمان وعمال يدور على التلفون ويشتم في صحابه...
نور لقت غابه في جمب الطريق فقررت تدخلها ..ده حلها الوحيد ..والا هيقتلوها دخلت الغابه وبدات تجري في الضلمه

سيف وهو بيمشي سمع صوت ..
سيف بخوف : بسم الله الرحمن الرحيم ..لا انا صغير على الموت
سمع صوت تاني
سيف جاب خشبه من شجرة ومسكها : انا معايه سلاح .. وانا مش بخاف من العفاريت ... سمعني 
سيف شاف حاجه بتجري ولبسه رداء احمر ...
سيف : دي الست الحكالي عليها رحيم .. يلاهوي يلاهوي
انا هروح من هنا ..
سيف بص حواليه : يا نهار اسود انا مش فاكر طريق الراجعه

نور وقعت تحت شجرة ورداءها علق في حاجه في الارض  ..
نور  بدات تشد الرداء
وفجأة سمعت صوت  .. صوت ذيب ومن وسط الشجر طلع عليها ذيبين ..نور صرخت وشدت ردائها وطلعت تجري لكن في ديب شد ردائها والتاني هجم عليها
نور صرخت جدا ..
في اللحظه دي كان سيف بيمشي وشاف المنظر ده وطلع يجري وبدا يضرب بالخشبه راس ذيب والتاني خربشه في ايديه ..
سيف اتوجع : آي
نور كانت بتعيط وبترجع بظهرها وهي قعده على الارض
سيف ضرب الديب التاني ..ومشيو الديبين 
سيف وهو ماسك ايده الكانت بتنزف بص وراه علشان يشوف البنت لكن مكانتش موجوده
سيف رجع بضهره ونور رجعت بضهرها فاتخبطو في بعض 
سيف صرخ ونور صرخت
نور غمضت عيونها
سيف بصوت عالي خايف  : ابوس ايدك يا ذات الرداء الاحمر متقتلنيش ..انا انقذتك من الذئاب
نور فتحت عين من عيونها وقالت بخوف : ايه الانت بتقوله ده يا جدع انت
سيف بصلها وبرق عيونه.. " ملاك " ! ده كان كل الفي دماغه .. بنت في غاية الجمال العيون العسليه والرموش الطويلة ولا رقة صوتها .. فاق من شروده
سيف : انت حلوة اوي !
نور : نعم..!
سيف : اقصد انت بشر زينا ؟!
نور : اه .. حرام عليك خضتني ..
عامر زعق : نوور .. يا نور!
نور لسيف : ارجوك ..ساعدني هما هنا عاوزين يموتوني ساعدني ارجوك 
سيف : مين دول
نور : ولاد مرات ابويه ..
فهد : نور
سيف  : تعالي 
استخبو هما الاتنين بين الشجر
وبداو يتابعو فهد وعامر
نور حطت ايديها على بقها علشان صوت عياطها ميسمعهوش
سيف بصوت واطي  : اهدي اهدي
نور بصت على ايديه الكانت بتنزف ..
سيف بص جمبه على زهرة جمبه
سيف  : هو دي ايه
نور بصوت واطي  : دي نرجس.. تقريبا
سيف : ااااه.. نرجس
سيف رجع بصلها تاني بعد ما استوعب الهي قالته : بتقولي
ايه
سيف خلص الجمله بعطسه قويه .. نور خبطت على راسها
وبصو لقه 4 رجول قدامهم ...
نور وسيف اتصدمو  .. وعرفو انهم فهد وعامر