يا محاسن الصدف

الجزا العاشر

اليوم البعده
ايمن جهز نفسه وكان جاهز علشان يروح للدكتورة بعد تلحي كبير من سيف
ايمن فعلا راح المستشفى واخد دوره ولما جه وقت دخوله نفخ بقلة حيلة : ربنا يستر
حسنيه دخلته
ايمن دخل : السلام عليكم
نور وقفت : وعليكم السلام اهلا .. اتفضل  !
ايمن : انت فاكرني
نور ابتسمت : اه طبعا ..استاذ ...
ايمن : ايمن !
نور : اه اتذكرت ..خير فيه مشكله مع الاستاذ سيف
ايمن :لا هو كويس الحمدلله  .. بس انا كنت حابب اطلب منك طلب
نور : اتفضل
ايمن : حضرتك طلبتي ان في حد يشرف على حالته  في البيت .. ودورت كتير بس ومش هلاقي احسن من حضرتك .. وانا ووالده ومراتي طول اليوم مش بنكون في البيت فده هينعكس سلبيا على صحته .. وانت عارفه حالته وشايفه انه محتاج لمساعده
نور حاولت متبينش وقاحه  : معلش ايه المطلوب
ايمن : عايزينك تيجي دوام على مريض واحد الهو سيف 
نور : انا مش اقصد اكون وقحه او اي حاجه .. ومقدرة ثقة حضرتك فيه بس انا فعلا مش هينفع ورايه بيتي وعيلتي اضافة لشغلي الواخد كل وقتي
ايمن : ما انت هتسيبي شغلك ..  وهتشتغلي عندنا
نور ضحكت باستفزاز : والله .. اسيب شغلي ! حلوة دي
ايمن اتضايق من نبرتها : اااه ..الظاهر ان فيه حاجه موضحتهاش  .. هو مش ببلاش الشغل عندنا
نور : وده ايه يعني ؟ هو حضرتك بالنسبالك الواحد بيشتغل بس علشان الماديات والحجات التافهه دي 
ايمن : مش قضيتنا دلوقتي  !
وطلع شيك وحاطه قدامها
ايمن : ايه رايك كده
نور  وقفت من مكانها ورفعت سماعه تلفونها : الو يا حسنيه
... تعالي شوفي ايمن بيه يشرب ايه .. وبعدين ابعتي الامن يوصلوه لغاية عربيته
ايمن وقف من مكانه : انتي بتقولي ايه
نور كملت  : متتاخريش يا حسنيه ...   كرم ضيافه يا ايمن بيه ...  شكل حضرتك مشوفتش ادب اكتر من ادبي
راحت عند الباب وفتحته : وبفتح لجنابك الباب كمان ..
ايمن : انت بتطرديني ..
نور رفعت ايديها في الهوا  : لا لا استغفرالله .. انا بس كنت بساعدك .... حسنيه دخلي المريض التاني 
ايمن بعصبيه : الرساله وصلت خلاص .. عن اذنك
نور : اذنك معاك
خرج ايمن وقفلت نور الباب :عالم ميختشوش
نور : عالم ميختشوش ..
_______

اسامه ونادر ورحيم خبطو على الباب
سميرة فتحت : اهلا اهلا ..اتفضلو
نادر : تسلمي يا دادا 
سميرة شافت الورد الفي ايد اسامه : وتعبين نفسكو ليه بس رحيم : احنا عندنا كام سيف
اسامه : مثلا...
سميرة : طيب خشو ..سيف مستنيكو ادخلو الاوضه الهناك

دخلو لسيف
اسامه :سيييييف
سيف : اهلا اهلا
سميرة قفلت الباب
نادر اول ما لقاها قفلت الباب رمى الورد في وش سيف
سيف : الله يخرب بيتك
رحيم : اكتر من كد ه خراب .. عارف الورد ده بكام
سيف : حد يجيب لحد هديه ويقوله تمنها
اسامه : اه احنا
سيف ضحك بخفة
نادر : يلا بقه بسرعه شد على نفسك وارجعلنا بالسلامه
سيف : ان شاء الله
سيف تلفونه رن
اسامه ناوله التلفون وقرا الاسم : ايمن !
سيف شد التلفون : الو .. ها يا ايمن
ايمن وهو بره المستشفى :  طردتني يا معفن
سيف نفخ  : اوف بقه .. طب اتصرف يا ايمن .. ايمن مش هتدخل البيت الا ما تتصرف سامعني
ايمن : طب انا مالي يا سيف ..
سيف : انا قولت العندي .. يا ايمن بجد انت مش فاهم حاجه
اسامه بصوت واطي : حلمه بيتدمر
سيف برقله : هششش
ايمن : هحاول يا سيف
سيف : استخدم نفوذك وفلوسك وقوتك بس لالنت لا الدكتورة بقه
ايمن : الله انت هتودينا في داهيه سوده ...اقفل اقفل يا سيف علشان متعصبش عليك
قفل الخط في وش سيف
طبعا سيف غمض عيونه  بخضه و محبش يبين قدام صحابه انه قفل في وشه .. عاوز يقول انه مسيطر
بدا يمثل : بسرعه بقه خلال ساعه تبقى عندي ...و وتعمل القلتلك عليه
نادر شك فيه وفتح تلفونه واتصل بسيف
فتلفون سيف رن
سيف 😅😅😅: هههه
بيني وبينكم كان شكلي زفت 
__________

بعد اربع ساعات شغل
نور رجعت البيت وهي تعبانه جدا فتحت الباب ...
اول ما دخلت لقت اهلها متجمعين سوا وفي راجل قاعد . .. ومش باين غير ضهره
فريده ضحكت على غير عادتها : اهي جت .. تعالي يا نور هنا
نور مش فاهمه حاجه خالص
لف راجل
ايمن : اتفضلي  يا دكتورة  ..
نور : انت؟
حسن : نور مالك ؟
نور ربعت ايديها : ايه ده .. انت بتلاحقني .. انت ازاي عرفت عنوان البيت
ايمن : من المستشفى واتوقع الحاجه دي سهله علىه
حسن : اهدي يا نور الراجل في بيتنا
ايمن : انا بجد بترجاكي يا دكتورة ... سيف مصمم انك انت التكوني بتعالجيه .. وجيتلك البيت وقدام اهلك
راح لحسن وقداله فلوس في ايده
نور عنيها وسعت من البيحصل
نور قالت بنبره حد : قول لاستاذ سيف ان انا مش همشي على مزاج حد... ومش حبة الفلوس دي الممكن الممكن يغيرولي رايي .. ممكن تشتري كل حاجه بالفلوس .. بس مبتشتريش الناس يا ايمن بيه
فريده اخدت الفلوس من ايد حسن الكان مصدوم بس فخور ببنته القويه ..وبدات تعد الفلوس بجشع
فريده : نور ليه كد بس وافقي ده حتى المبلغ كب..
نور شاورت لفريده بمعني اسكتي : لوسمحتي...
فهد :انتي بتهزري
نور : معلش يا استاذ ايمن احنا مش محتاجين عطف من حد .. لوسمح اتفضل بره ..
ايمن مردش وسايب ورقته الاخيره في اللعبه لبعدين
ايمن مشى قدمها وراح  للباب نور فتحت للباب
طلع من جيبه كرته وعنوانه : بصي فكري كويس انا لغاية دلوقتي مقدر ان اسلوبي مش اسلوب الشخص المحترم .. وطرقتي كان وقحه نوعا ما ..
نور اخدت الكرت ورمته على الارض
ايمن : انا دلوقتي بكلم بس دلوقتي ..بعدين هبلغ الشرطه عليكي ..انا عارف ان انت السبب في الحصل لسيف ..زائد كمان انك مش راضيه تعالجيه ... هشوف الاجراء ال يتخدوه
نور اتصدمت وقالت بالعرفت تجمعه من قوتها المصطنعه : مفيش اجراي هيتاخد على دكتور مش عاوز يعالج مريض مش محترم ومستغل ..
ايمن : اتفقنا  يبقى  بكره الساعه تسعه الصبح
نور جزت على سنانها قفلت الباب
ايمن قال بقرف  :سم ..بومه !
________

نور ..بدات تخاف من جملته الاخيرة
حسن : نور
نور فاقت من سرحانها : ايوة يا بابا
فريده : متكونيش خايبه يابت .. هتموتيني روحي واشتغلي .. ده ادانه فلوس كتير هنسدد بيها ديون ابوكي .. ونصلح الحمام البايظ وندعن البيت ..
حسن برق لفريده : فريده !
فريده : خلاص هسكت
حسن :انا كنت فخور بعزتك يا بنتي .. واتيقنت اني عرفت اربي .. ده قرارك انتي لوحدك .. ومحدش فينا هيعرضك كونه جه هنا بنفسه .. بس بصي قبل ما تقولي اي قرار للجانب الانساني ..بصي من منظور ان فيه واحد محتاج مساعدتك وده واجبك الي لازم محدش يناقشك ابدا فيه .. وبتعمليه مش عشان الفلوس بل علشان شغفك .. ده العندي يا بنتي
نور : شكرا يا بابا
حسن : روحي ارتاحي دلوقتي يا حبيبتي
نور اومات براسها وكانت رايحه على اوضتها لكن رجعت واخدت الفلوس من فريده وبصت باستصغار ليها وراحت على اوضتها ودماغها في مليون حاجه بتفكر
انتهت وصلت التفكير ب
نور بتقول  بثقه : انا مستحيل اغير رايي ابدا