فريدة : اتفضل ..اتفضل ..
دخل سيف .. بدا يبص على كل البيت .. بيت بسيط جدا بمعنى الكلمه .. كل حاجه شكلها قديمه .. حتى الدنيا مكركبه
فريده قطعت تامله: انا هروح انادي الحج حسن ..
سيف : اه اتفضلي
فريده دخلت لحسن وقالته .. فهد وعامر طلعو وكان باين عليهم الصدمه لما شافو سيف وامل كمان خرجت وقعدت بره
سيف كان بيبصلهم وقال في نفسه : دول ولاد مرات ابوها يمكن ودي اختها .. والفتحت الباب يمكن مرات ابوها او الخدامه !
فجاة سمع صوت فتح باب بقة جاي من اوضة حسن ... بص يمينه لقه حسن جاي وشكله متعصب جدا وفريده ماسكاه
فريده : استنى يا حسن
حسن بعد ايد فريده عنه وزعق :خلينا نشوف البني ادم ده جاي ليه ..
سيف بيحاول يبتسم : اهلا يا استاذ حسن
حسن كمل : انت جاي هنا ليه ؟! .
سيف : اولا انا متاسف جدا علشان جيت من غير موعد .. انا جاي ..
حسن قاطعه : جاي تكمل اتهماتك لبنتي .. وتهزقها اكتر مش كده .. ده الانت عاوزه
سيف بادب : لا لا ابدا .. انا جاي اصلح غلطي .. هو كان سوء فهم ... وانا جاي ارجعها للشغل ..
حسن : ليه تعبان ..وقلت ترجعها علشان تعالجك وبس تتعالج ترجع تذلها وتطلعها بره البيت بنفس الطريقة الرخيصة بتاعتكم ..
فريده : ما تهدى بقه ... انا اسفه يا سيف بيه
سيف بص للارض : طب ممكن اقابل الدكتورة نور..
حسن : نور مش هنا ... ولو كانت هنا كانت زمانها علمتك الادب وكسرت كبرياءك .. ودلوقتي اتفضل بره ....
سيف : خليني اقول حاجه بس
حسن بنبرة اعلى : امل وصلي سيف للباب .. اتفضل بره من غير مطرود ..
سيف لوى شفته لبر ه زي لاطفال : من غير مطرود جاااادااا .. احم .. الباب من فين يا انسه امل ...
سيف طلع وامل كانت وراه
امل بصتله بزعل
سيف وهو بره البيت ردلها البصه بمعنى ساعديني
امل عضت شفتها بتفكير وقفلت باب البيت
سيف افاف : اوف بقه .. شوفت افكارك يا كيوت
سيف الكيوت : دلوقتي بقه افكاري وحشه يا سيف ..
سيف الرخم : انا مكنتش موافق اصلا .. بس معلش هنعمل ايه دلوقتي
سيف : مش عارف .. بس اعملهم ايه دلوقتي ..مش انا جبتلهم ورد وشوكولاته في اكتر من كده
سيف الكيوت بص بقرف لسيف
سيف الرخم : بصراحه انا مبفهمش في شغل الناس الفافي والكيوت دول .. بس مش كده بتصالح الناس
سيف الكيوت : تصدق اني جزمه قديمه علشان ...
اختفو الاتنين
سيف : ايه ده ..انتو رحتو فين ؟! ولااا رحت فين يا ابن الجزمه ؟؟ وقتكو تختفو دلوقتي
صوت : بيسسس بيسسس
سيف باستغراب بص حواليه : مين ؟!
صوت : فوق يا حج
سيف وجه راسه لفوق
امل بصوت واطي : انا هساعدك ..
سيف ابتسم ابتسامه واسعه وصرخ من الفرحه : بجد
امل : هششش هتفضحنا
سيف بيوطي صوته : خلاص خلاص
امل دخلت وخلال دقايق رجعت تاني : خد
رمتله ورقه صغيره
سيف مسكها وبص لفوق لامل : شكرا
امل : المكان ده هو مهرب نور .. من صغرها .. اصل هي شافت كتير في حياتها ... رجعها يا سيف بيه .. احنا بيتنا ميسواش حاجه من غيرها
كان كلامها عبارة عن لغز بالنسبه لسيف لكن نهى الكلام : شكرا يا انسه امل
المهم سيف كان جي يمشي لكن عكازه وقع منه
خبط راسه : ده وقتك انت كمان .. هوطي اجيبك ازاي .. ( سيف لف وراه ) فين عم ابراهيم طيب !!
في اللحظه دي حد جه من ورا سيف وشاله العكاز .. لفله فيلاقي ...***
________
ربيع : الو يا باشا .. اخبارك ايه يا كبير ..طبعا مبسوط مني
مجهول بنبره حاده : فيه اي جديد
ربيع حمحم : ها ؟؟ لا
المجهول زعق : نعم يلا .. يعني احنا دخلناك البيت وفي الاخر تقولي لا
ربيع : ما انا خلصت كل الطلبته يا باشا .. طفشتلك البت الدكتورة .. العقبه قدام خططك ..
المجهول : فعلا غبي .. الدكتورة دي مش هدفي .. انا هدفي تاني .. هدفي اوضة السحر
-----------
سيف لفله فيلاقي فهد ... قلبت ملامح سيف لملامح حاده ..ملامح كره ...
فهد باسلوب سخريه : سيف بيه منور هنا ..
قعد يلعب بالعكاز سيف شده منه
فهد : ايه ده مش كده يا سيف .. براحه على نفسك احسن يطقلك عرق ..
سيف : انت عاوز ايه ..
فهد : حلو الطريق الدغري ده .. فكك من نور ..
سيف اتصدم : عفوا ؟!
فهد : يعني متدخلش بيننا .. ومتحاولش ترجعها هنا تاني ..
سيف : نعم ؟!
فهد : زي ما سمعت .. خليها هناك احسن لها .. علشان طول ما هي معانا هنفضل ناذي فيها ... اقلك حاجه exclusive يعني .. احنا بنخطط ليها وبقرب وقت هنخلص من العقبه الوحيده في حياتنا ...
سيف عيونه احمرت من العصبيه ومسك في هدوم فهد وبزعيق قال : انت انسان متخلف ..مبتعرفش تقدر الناس .. انت مش عارف هي عملت ايه عشانكم .. دي قبلت تشتغل عندي علشان تحميك انت واخوك من السجن ..
فهد زق ايد سيف : علشان نفسها مش علشان حد ... لو روحت تجيبها ده معناه انك مستهون بحياتك ..
سيف : انا مش خايف ...
ضغط على عكزاته ومشى خطوتين
سيف : مش انت الممكن تخوفني اصلا
وكمل طريقه لغاية موقف ادام العربيه
سيف الرخم : وايت .. لا لا .. انت سمعت اخر جمله
سيف : جملة ايه !
سيف الرخم : مستهون بحياتك .. سلامة السمع
سيف الكيوت : فيه ايه يا بني انت خايف من ايه انت مالك .. سيف اسمعني كويس ده عيل تافه وبيهوش
سيف الرخم : سيف متنساش هما عملو فيك ايه .. دول دشدشوك دلوقتي .. يا عالم بعدين ايه الممكن يحصلك
سيف الكيوت : سيف انت كنت رايح تصالح البنت وترجعها لاهلها .. دلوقتي مهمتك انك تحميها
سيف الرخم :نحميها من اهلها ؟؟؟
سيف : ممكن دقايق لوحدي
_______________
للزمن الحاضر
ملك : يلاهوي .. كل ده حصل معاك يا بابا
سيف : واكتر من كده بكتير
ملك : ايه الهيحصل
سيف : العجب !!
أنت تقرأ
يا محاسن الصدف
Romanceبيدور على السحر ... وامنيته انه يموت بعد ما يملي الكون كله بسحره ... وحلمه هيتحقق لما يفتح المسرح بتاعه ..عقبات الحياة كتييير .. و الهيساعده على تحقيق حلمه ...الصدف هتغيرله حياته سيف : صدف !! هي الهتغيرلي حياتي نور باستغراب : بتقول ايه سيف كرر :...
