يا محاسن الصدف

الجزا الحادي عشر

اليوم البعده نور اخدت تاكسي ... ووصلها قدام بيت سيف !
Stttooop
نور : ايه !! بتبصو كده ليه .. اعمل ايه بس ده الحل الوحيد قدامي .. ولا عاوزني اتسجن
نور حطت ايديها على وسطها بلماضه : وبعدين اديكو عرفتو حاجه جديده عن شخصيتي  .. برجع في كلامي كتير ... اقسم بالله عارفه اني شكلي زي الزفت  .. الف مبروك ... كملو قراءة وانتو ساكتين بقه  ..خلونا نخلص في ام الليلة دي
.....
نور قعدت تبص على الجنينه كانت كبيرة وفيها شجر وورود في كل حته ونور انسحرت وفضلت واقفه وبتضحك برقه
الجنايني بصلها باستغراب وقال في نفسه : بسم الله ..هي الست دي ملبوسه ولا ايه ..دي بتضحك من غير سبب
الجنايني طلع في وشها فجاة : يا انسه
نور اتخضت :  اييه في ايه
الجنايني  بيضرب كف على كف: انت هنا بتعملي ايه
نور : انا عاوزه ادخل لايمن بيه
الجنايني : اه اتفضلي ادخلي الفيلا
نور رنت الجرس
سميرة فتحت الباب
نور قالت برقه : صباح الخير
سميرة : صباح النور 
سميرة ضحكت في وش نور : اتفضلي
نور دخلت
سميرة : خير يا بنتي
نور : عاوزة اقابل ابمن بيه بعد اذنك
سميرة : ارتاحي وانا هطلع اناديله
نور ابتسمت
سميرة طلعت
نور بدات تبص بعنيها على البيت .. شافت اللوح الرقيقه المتعلقه على الحيطه و الفرش الانيق الكلاسيك اوي .. و لفت انتباهها مكتبه كبيرة مليانه كتب راحت عندها بفضول
وبدات تبص في الكتب
نور ابتسمت : كتب في الطب والمكانيكا .. في العلوم .. في الدين .. في الكيميا ..كتب تاريخ وبكل للغات .. ادب .. قصائد كتب في ال س سحر .؟!.
كتب في كل المجالات معقول العيلة دي مثقفه جدا

ايمن نازل من السلم بسرعه
ايمن بابتسامه صادقه : دكتورة نور ! ..اهلا اهلا
نور اتحولت ابتسامتها لتكشير ولفت ليه
وعم السكون لفترة فقرر ايمن يتكلم
ايمن حمحم  : دي كلها كتب سيف ... هو مهتم بالقراءة جدا
نور : طب الحمدلله ا فيه حاجه حلوة اخيرا لقتها في البيت ده
ايمن بص على الارض  : دكتورة نور .. البيت ده بيت بسيط جدا  ونوعا ما كئيب.. بس سيف هو الماللنا حياتنا السعاده كلها .. وممكن اعمل اي حاجه علشان يبقى كويس ..
نور : ده مبرر لاسلوبك الخرافي .. انك تجيلي الشغل وترشيني وبعدين تروح بيتي وتدخله وتدخل اهلي في الموضوع واخيرا تهددني  .. واو !!
ايمن : سيف كان عاوزك انت التعالجيه لانك انت سبب الهو فيه !  وبعدين انت هنا هتلاقي الاحترام كله من عيلتنا .. وكل حاجه عاوزاها هتبقى هنا ..وبعدين ..
نور قاطعته : مفيش داعي  للكلام في الموضوع ده اكتر من كده ..انا هنا وده المهم بالنسبالكم ..
ايمن : يا دكتورة الموضوع مش مستاهل يكبر كده من غير سبب ولا ايه ؟! 
نور بصتله بتعابير معرفش يفسرها غير انها عاوزة تقوم تديله بالي في رجليها .. ايا كان .. فتحت شنطتها وطلعت فلوس منها وحطتهم على الطاولة   
  نور بثقه : كمان انا مش محتاجه فلوس قبل ما اشتغل .. انا من عرقي هاخد مرتبي  ..
سليم كان واقف من بعيد وبيتفرج على الحوار وكان مبسوط من رد فعل نور ..
سليم حمحم
نور بصت وا ايمن وايمن بص كمان فلقه سليم
سليم : اهلا
ايمن : دكتورة نور .. بابا .
نور : اهلا ..
سليم ابتسم : روح صحي سيف وكل الفي البيت يا ايمن .. وانا هكلم مع الدكتورة شويه
نور بلعت ريقها وبصت على الارض : اكيد سمعني وانا بهزق بكرامه ابنه الارض
ايمن : حاضر يا بابا  .. عن اذنكم
سليم اتاكد ان ايمن مشي واخد نفس  : قليل اوي لما بنلاقي المخلص في شغله .. الانسان المش مهتم بالشكليات البيهتم  بس بجوهره .. انتي بجد مثال لكل حاجه حلوة ..
نور في نفسها  : يلاهوي ده بيمدحني ..
نور قالت بصعوبه : للل لا  انا معملتش حاجه
سليم : بالعكس انتي دلوقتي خلتيني ارتاح على ابني انه في ايدين امينه
نور ابتسمت برقه
وقالت لنفسها : اقول ايه للحج ده دلوقتي 
____

في غرفة سيف
سيف كان نايم 
ايمن دخل وبدا يفوق في سيف : سيف سيف اصحى
سيف : في ايه يا ايمن سبني انااااام
ايمن : قوم بقه ..الدكتورة نور هنا
سيف وهو مش واخد باله وبيقفل عيونه تاني : ادلها السلسله وخليها تمشي
ايمن بيهرش في راسه بعدم فهم : سلسله ؟!
سيف فهم وقال بفزعه : الدكتورة نور
ايمن : اه والله ..
سيف : قومني بسرعه قومني يا ايمن
ايمن شال سيف وقعده على الكرسي ..  وفتح الباب
كان سليم بيشرح لنور حجات
سليم : دوامك من 9 ل 5 العصر .. كويس كده بالنسبالك
نور : اه طبعا
سليم : تمام  ..
فرح وكارمه نزلو
سليم : دي فرح مرات ابني وحفيدتي كارمه
نور : اهلا
فرح : اهلا بيكي يا دكتورة
سليم : انا وفرح و ايمن بنروح على شغلنا 9 تماما .. وكارمه بتروح المدرسه .. الهيكون معاكي في البيت دادا سميرة و الشيف فؤاد .. والجنايني عم اسماعيل والبواب عم محمد بره البيت .. فيه كمان ماريا مربية كارمه بتكون موجوده ! ومش هيمانعو كلهم انهم يساعدوكي
نور هزت راسها بتفهم
ايمن دخل ومعاه  سيف
سيف رفع ايده السليمه  : اهلا
سليم : الدكتورة نور .. المشرفه على علاجك
سيف ضحك  : غانيه عن التعريف
نور ابتسمت 
سليم : انا مضطر انا  وايمن نروح الشغل
فرح : وانا هوصل كارمه وهروح شغلي
ايمن : عن اذنكم
خرجو من البيت ..نور لسه بتتفرج على البيت
نور في نفسها : انا خايفه احسن اتوه في البيت ..
سيف قطع تفكيرها : تحبيني افرجك على البيت
نور : اذا مفهاش رخامه مني
سيف :لا ابدا ! اتفضلي
نور مشيت قدامه وسيف واقف في مكانه
سيف : احم احم
نور لفت وراها
سيف : انت مش هتزوقيني .. ايدي مكسورة على فكره
نور خبطت راسها  وراحت عندها وبدات تزق الكرسي المتحرك
سيف : ده المطبخ ..دادا سميرة وشيف فؤاد هيساعدوكي باي حاجه  ... زائد انا الادويه كلها محطوطه هناك

نور : تمام
سيف : فوق في غرفنا كلنا .. بس انا دلوقتي  الهناك دي غرفتي ..
نور : تمام .. طب ممكن اعمل لحضرتك التمارين فين
سيف : في اي مكان انت تحبيه
نور : تمام
سيف : الاوضه الهناك دي اوضه دادا سميرة و جمبها اوضه ماريا .. في الناحية التانيه اوضة الشيف و اوضة الجنايني وهناك اوضة البواب ..
نور بصت بعنيها فوق : طب والاوضه الفوق دي
سيف : الاوضه دي محدش بيدخلها وممنوع منعا باتا حد يقرب منها ..
نور انحرجت من جوابه
سيف :بره البيت فيه مخزن .. وتقدري تحطي حجاتك في غرفة كارمه ..  اذا حابه تعرفي اي حاجه انا موجود
نور : لا خلاص انا كده فهمت كل حاجه
سيف : تمام ...
نور : انا هبدا شغلي ! عن اذنك
سيف : اتفضلي ..
نور مشيت
سيف بدا يرقص وهو على الكرسي من الفرحه بقرب هدفه زي ما توقع
نور رجعت تاني علشان تسال سيف عن حاجه
لقت سيف بيرقص .. نور بصت باستغراب
سيف فتح عيونه وهو لسه بيرقص بصلها .. لقاها بتبص عليه
سيف انحرج  : احم
سيف : ده وقته تبصلي وانا بالمنظر الشنيع ده
شد مفرش الطاولة الجمبه وغطى وشه من الكسوف بعدين شال المفرش
نور بصت باهتمام للكان بيعمله .. اول ما شال المفرش ..نور ما شافتش راسه .. راسه اختفت ومكنش باين غير جسمه المتجبس
نور صرخت : عاااااااااااااااا
واغمى عليها من المنظر 

سيف  زعق  بخضه : نووور !