يا محاسن الصدف

الجزا السادس عشر

اليوم البعده
نور صحيت ثلث ساعات بدري عن موعد شغلها ا .. راحت مشاوير كتير وبعدين السواق وصلها للبيت ..سميرة فتحتلها
سميرة : صباح النور يا نور البيت
نور ضحكت :صباح الورد ..
سميرة : ايه ده ايه كل الانت شايلاه في ايدك .. عنك اساعدك
نور بتناولها حاجات : هو ليه البيت هادي
سميرة : النهارده اجازة العيلة كلها ..فكلهم نايمين ..
نور : طيب كويس .. ممكن تطلعي بعد اذنك لاوضه استاذ سيف وتحطي دول على الطالولة ..وتعلقي دي
سميرة باستغراب فتحت المغلف واول ما شافت الجواه اندهشت وضحكت لنور ضحكه امتنان
نور :  يلا يلا ..قبل ما حد يصحى
طلعت سميرة اوضه سيف وعملت الطلبته منها نور ...سميرة بدات تدق على الحيطه
سيف فتح عيونه وببحاول يشوف السميرة بتعمله: في ايه يا دادا على الصبح !
سميرة : اسفه علشان صحيتك يا قلبي ..كمل نوم
سيف تقل على ايده المش متجبسه علشان يقعد  : لا عادي يا دادا انا خلاص طار من عيوني ..النووووم
سيف شاف السميرة بتعمله.. عيونه دمعت من التاثر .. لقه صورة امه متعلقه على الحيطه ...نفس لون البرواز التكسر امبارح ..لكن الصورة اصغر شويه .. ومحطوط على الطاولة اسطوانات سليمه بدل الاتكسرت 
سيف مسح دموعه بكمه
سميرة راحتله : بتعيط ليه يا ابني بس
سيف : شكرا شكرا ..جدا ..انا مش مصدق نفسي بجد .. انا طول السني الفاتت دي مكنتش متخيل ان صورة ماما ممكن ارجع احطها تاني في غرفتي .. بجد انا سعيدد اكتر يوم في حياتي
نور كانت قاعده بتابع رد فعله بفرحه
سميرة : مش انا العملت كده نور ..هي العملت كده
نور خبطت راسها : كده يا سميرة تقوليله
صوت من جواه
سيف الكيوت : البنت دي اصيله جدا
سيف الرخم : ده واجبها يا عم ..ايه الانت بتقوله مش هي كسرتهم ..يبقى هي التصلحهم

سيف فاق :اقسم بالله ما وقتكم
سميرة : ايه يا ابني بتكلمني
سيف : لا لا مبكلمكيش يا دادا ..
نور لفت الناحيه التانيه وابتسمت ..  بالغلط وقع عينيها على النايلون الهي حطته امبارح لقته متقطع بالنص .. نور استغربت وراحت عنده بشك وقعدت على ركبها  .. مررت صوابعها على النايلون
نور مركزه  : زي ما يكون متقطع بسكينه ! مين العمل كده !  سميرة مسكت كتف نور  بفنور اتخضت
سميرة : اسفه اسفه .. مكنتش اقصد اخضك 
نور : عادي ! هو انتي القطعتي ده
سميرة : قطعت ايه
نور : كان فيه نايلون هنا .. حد قطعه بالسكينه
سميرة : لا مش انا ..اكيد سيف .اصله مبيحبش اي حاجه غريبه .. فيمكن هو العمل كده
نور بشك : بس سيف .. اقصد الاستاذ سيف مبيعرفش ينزل للمطبخ علشان السلالم
سميرة : والله معرفش
نور : خلاص متشغليش بالك ...
الباب خبط
نور : انا هفتح
نور راحت للباب وفتحت
ابراهيم : صباحالنور يا سكر
نور : صباح النور يا عم ابراهيم ..اتفضل
طلعته على السلالم ..
نور : عايزاك تشتغل بضمير .. امانه عليك يا عم ابراهيم
ابراهيم : من عيوني
نور شاورت على السياج: هو ده الهيتصلح 
سميرة : فهميني يا بنتي
نور : عم ايراهيم .. شاطر خالص هو ساكن في نفس الحارة الانا عايشه فيها .. هو الهيصلح ده
سميرة برفض : لا لا يا بنتي امانه عليكي.. سليم بيه هيزعق ..لو خليتك تعملي كده ..وبعدين التكلفه هتبقى عليكي كبيرة
نور : لا ..عم ابراهيم هيعملي خصم
سميرة بتردد : بس !
نور : مفيش بس !
سميرة : خلاص !
نور : انا هروح اجيب لسيف بيه الادويه
سميرة : وانا هطلعلهم الاكل
نور : هما مش هياكلو مع بعض النهارده
سميرة : لا يوم الاجازة كل واحد بيكون قاعد على تلفونه .. ومبيكلموش ابدا .. الموبايلات دي والله بقت علة يا بنتي
نور ساكته بتسمع كلامها
نور :طيب عن اذنك دلوقتي  
نور جابت الدويه وفطار سيف خبطت على الباب
سيف : اتفضل
نور دخلت وحطت الصانيه ...
سيف ابتسم تلقائيا اول ما شافها
نور  جايه تمشي !
سيف : دي طريقه اعتذارك !
نور بقرف  : انا مبعتذرش لحد
سيف : اوكاي يا ستي .. انا بقولك دلوقتي شكرا ..وجدا كمان علشان الانت عملتيه .. انت فعلا انسانه جميله جدا
نور : وانت عندك انفصام
صوت داخلي 
سيف الرخم : شفت يا سيف مش قلتلك انها حيوانه .. هات الابجورة وعلى نفوخها