بيدور على السحر ... وامنيته انه يموت بعد ما يملي الكون كله بسحره ... وحلمه هيتحقق لما يفتح المسرح بتاعه ..عقبات الحياة كتييير .. و الهيساعده على تحقيق حلمه ...الصدف هتغيرله حياته
سيف : صدف !! هي الهتغيرلي حياتي
نور باستغراب : بتقول ايه
سيف كرر :...
نرجع بالزمن شويه كتااار صوت المنبه ! صحى على صوته فتح عيونه العسليه .. وابتسم برقة ورجع شعره لورا وقام من على سريره ورتبه ..وراح اخد شاور ولبس قميص رمادي وطلع بره اوضته .. وجاي ينزل مع السلالم سيف : سوري نسيت اعرفكم بنفسي .. الاسم : سيف سليم .. السن: 28 سنه .. الحاله الاجتماعية : اعزب .. ضحك سيف بعد ما قال جملته الاخيره سيف قال بصوت عالي : القهوة يا دادا سميرة !! سميرة : من عيوني يا حبيبي سيف : تسلمي يا عسل سميرة : بس بقه يا ولاه سيف ضحك ونادى باعلى صوت عنده : يا اهل البيت اصحو ! الكل صحي ايمن : ايوة ايوة انا صاحي .. ايه الصوت ده كله سيف : ده ايمن اخويا الكبير .. عنده 34 سنه عجوز بقه هه ...ومهووس بالشغل ..( وطى صوته ) اصله بيشتغل مدير في اكبر شركة ادويه في مصر .. غبي بفه ايمن : سمعتك يا حيوان سيف ضحك سليم : صباح النور يا سيف سيف : صباح النور يا بابا .. ده بقى سليم بيه والدي .. صاحب الشركه ..احن اب في الدنيا فرح صرخت من اوضتها :يلا يا كوكي ... هتتاخري على المدرسه يا منيله سيف سد ودانه : ودي فرح مرات اخويه وبنتها كارمة كارمة بعصبيه وهي بتنزل من السلالم بخفه: عموووو سيف! سيف : اوبس سمعتني .. الحق اهرب .. كارمه عندها 6 سنين و مبتحبش حد ينادلها كارمة .. اسمها كوكيييي
سيف قعد على السفرة وشرب قهوته سيف : يممم.. انا بقه امي متوفيه من وانا صغير بس بالنسبالي البيت ده اغلى حاجه عندي في حياتي .. دول عيلتي .. استنو كده !! .. عارف السؤال الفي دماغكم .. بشتغل ايه؟! .. طب ليه السؤال المؤذي ده .. بصو هقلكم علشان ارتحتلكم .. انا عااااطل .. ايو عاااطل زي ما بابا بيقول عليه .. انا مبشتغلش .. بس انا اصلا متخرج من تربيه انجليزي .. !! مع اني كنت شاطر .. بس كنت حابب ابعد عن مجال شغل بابا واخويه .. لان انا حلمي كبير .. انا نفسي ابقى ساحر .. السحر حياتي .. انا من وانا صغير كان جارنا ساحر في السيرك .... كنت بشوفه .. وكنت نفسي ابقى زيه .. اتعلمت كل الخدع العملها .. ودلوقتي مستني ابقى الساحر الاول على الارض
قالها ووقف على السفرة سليم : سيف انزل من على السفرة بطل تبقى مجنون سيف نزل من على الطاولة : بس انا متاكد اني حلمي هيتحقق .. ومش هموت الا اما احقق الحلم ده ___
الفطار اتحط على السفرة .. سيف شال كوكي وقعدها على الكرسي .. وبداو يلعبو سوا .. وايمن وسليم بيتكلمو في الشغل وفرح بتحضر شنطة المدرسه وبتجهز شنطة شغلها سيف : كوكي .. ايه الفي ايدي كارمة : sweets سيف :عاوزاها كارمه صقفت : ايوة ايوة سيف قفل ايده على على الsweet سيف فتح ايده : راحت فين ؟! كارمه بزعل : فين سيف : في بق كوكي كارمه فتحت بقها لقتها في بقها : هاااي !! يس يس ..عملتها ازاي سيف ضحك:magic ايمن : ما تبطل تفاهتك دي وتعالى اشتغل معانا سيف غطى وشه : ورجعنا تاني للاسطوانه دي ! ..ايمن سبني في حالي يا اخويا سليم : يا ابني انا عايزك تشتغل علشان تعرف الدنيا سيف : بابا ! السحر هو الدنيا .. وانا مبسوط بحياتي كده .. وبعدين انت عارف انا عاوز ايه سليم : لا سيف : بابا انا محتاج فلوس علشان اعمل المسرح الان نفسي فيه الهعرض عليه ابداعاتي سليم : الانت بتعمله ده تفاهه وانا مستحيل اديلك فلوس علشان كده سيف : ده مشروع مضمون فرح بصت لسيف بمعنى انه ميتناقش سيف راح لسليم وباس راسه : خلاص يا بابا .. انا ماشي بقه هخرج مع صحابي شويه ايمن بهزار: يلا روح روح خلصنا منك .. سيف : اضحك ولا ابين سناني ايمن : اضحك... اضحك سيف : ههههههه.. كده تمام ... اقسم بالله ظريف ايمن : ايوة .. سيف : مع السلامه ... يلا يا كوكي علشان نروح المدرسه فرح : انت ماكلتش يا سيف ! مستعجل ليه سيف : لا شبعت الحمدلله فرح : يلا هاتي بوسه يا كوكي كارمه باستها: سلام يا مامي ايمن : وفين بابي كارمه حضنت باباها : عيب يا حج ايمن : حج ! سليم : نسخه من سيف .. كارمه : سلام يا جدووو سليم : سلام يا قلب جدو _____ فتح سيف با السيارة لكارمه : اتفضلي يا انسه كارمه طلعت سيف : بطه بتطلع يا ناس كارمه : يلا يا عموو هنتاخر سيف : حاضر حاضر ! ركب وساق السيارة ونزلها قدام باب المدرسه وسلم عليها سيف ركب سيارته تاني و راح وركنها قدام نادي .. ونزل النادي .. وبدا يجري في الtrack .. لمدة ساعه
سيف وقف ومسح عرقه : دلوقتي احب اعرفكم على ال التلت بلهاء .. الاعاقات الفي حياتي .. و صحاب عمري واكتر ناس واقفين جمبي دايما .. اسامه و نادر ورحيم اسامه : اهلا اهلا .. سيف قعد : كنت فين انت وهو انا هنا من بدري نادر ( محاسب ) : معلش رحيم وصلنا متاخر رحيم (مدرس عربي ) : هو انا معفن زيكم .. انا بحب انزل متشيك اسامه ( بيدور على شغل ) : ولاه يا رحيم .. احنا الشمس حرقتنا واحنا مستنينك سيف : لازم تتعلمو درس بقه .. متثقوش في الحمار تاني رحيم : هههه .. متخليك محضر خير يا سيف نادر : انت بقالك ساعه بتجري مبتتعبش سيف خمس في وشه : الله اكبر ... نادر : حبيبي والله اسامه : ها عملت ايه مع ابوك سيف : لسه والله يا اسمه مش راضي يحن عليه ويساعدني اجيب المسرح نادر : انا فاهم ابوك عاوزك تشتغل معاه .. وساعتها هيديك فلوس وبعدين تنشغل في الشغل وتنسى حكاية السحر سيف رجع راسه لورا : حاسس كده انا كمان رحيم : ما تشتغل يا عم وفكك من احلامك .. احنا هنا محدش بيعرف يحقق احلامه سيف : مستحيل اشتغل .. الشغل ده مش هيخليني مبسوط ... وانا عاوز اطير باحلامي من غير جناحات نادر : ماشي يا معلم ..انت اصلا محدش في الدنيا هيعرفيقنعك سيف بقناعه : طبعا .. امال ايه .. يلا قوم انت وهو علشان الماتش بعد شويه .. عاوزين نقطع الفريق التاني يا اسطا ... نادر : تمام انا رايح البس هدوم التمرين اسامه : خدني معاك يا نادر ... رحيم : وانا جاي معاك يا سيف بما اني جاهز اتحرك سيف خطوتين لقدام ووقف و غمز وهو بيقول : اه .. دي كده كل جوانب حياتي عرفتوها تقريبا الا جانب واحد بس .. انا جوايا اتنين كمان ..!! طبعا كلكم مش فاهمين .. هحاول افهمكم انا بيجيلي سيف الرخم وده بيكون السبب في كل مصايبي وبيعارضه سيف الكيوت الهو هيوديني في داهيه بردو بسبب حنيته المفرطه .. واي قرار في حياتي الاتنين دول جوايه في حرب وبيجو وبيختفو فجاة ... فلازم تستحملوني شويه لان قصتي معاهم طويييييلة جااادا ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دي حياة سيف السعيده .. بس لسه في حياة تانيه لشخص تاني باحلام بسيطه وشخصية مختلفه تماما .. وحياة اصعب بكتير من حياة سيف
