رؤى_المهدي 💕

الجزء 9 ❣

سلام حبايبي، عدت بعد غياب طويل، غير سمحولي على هاد التعطيلة، ولكن إن شاء الله ما نبقاش نتعطل هاكدا 😘😘، المهم نخليكم مع الكمالة...
____________________________________

شنو نعمل دابا ؟ و ماما ديما كتسولني .
دازت جوج أسابيع اخرى و المهدي غابر ، و انا ربي لي عالم بيا صافي ما قدرتش بزاف بزاف ، كنقيل كنفكر كنحس بلي ترملت قبل ما نتزوج بزاف بزاف على الضوابط الشرعية .
واحد النهار مشيت ن السطاح ككل صباح ، و هو يوصلني مسج من عندو باش يجي يشوفني هاد الويك اند ، كنت غادي نرفض ، ساعة تفكرت بلي خاصنا نحددو موعد العقد و العرس . و وافقت ولكن متوعدة عليه انني غادي نوري ليه الوجه الاخر .
صافي جا نهار السبت خرجت انا وياه و خاي ، مشينا للقهوة جلس معنا خاي شوية ، و ناض بدل البلاصة و جلس ف طبلة قريبة لينا .
بقينا ساكتين ،
قالي : رؤى امتى نديرو العقد ؟
انا : سكوووووت ..
المهدي : واش بغيتي مازال ديال الوقت ؟ باش نتعرفوا على بعطنا ؟
انا بتحدي : المهدي دابا حنا ف هاد ثلاث أشهر و نصف تعرفنا على بعطنا ؟ جيتي ن عندي جوج د المرات ، تناقشنا فيهم ثلاثة ديال السوايع ؟ ما كتسول فية ، أسابيع ، ما هضرنا على العُرس ما هضرنا على حتى حاجة ، و دابا تقولي نعمل معك العقد ؟ نعملو مع واحد ما عارفاهش كيفاش عامل ؟
سكت و شاف فية و قالي : عندك الحق ، شفتك جوج د المرات حيتاش عارف عندك امتحانات ، و عارف عندك ضغط ، ما بغيتش نزيد نضغط عليك ، رؤى انا كنساين امتى نعملو العقد ، باش بزاف ديال الحوايح يتبدلو . ما نقدرش دابا نخرق الحدود و الضوابط . و الاسلم لي انني نبعد .
عارفة بلي عندو الحق ولكن ديك الساعة حسّيت ب راسي عييت و حائرة ما عرفتشي شنو خاصني نعمل . الحاجة لي جاتني ف بالي نقولها ، هي خاصني الوقت و ما بقيتش متأكدة من قراري ، و نقدر نتراجع فين ف اي لحظة ، كنت محتاجة نحسس مهدي انه كاين خطر انه يفقدني و أنه ماشي ساهلة باش يضمني ، و نضت باش نمشي فحالي و قالي : رؤى عافاك ، واحد الحاجة زوينة بدات كتبنا عطبها وقتها ما تزربيش عليها ، رؤى صعيب انني نلقى فحالك وحدة تتكلم لغتي ، و صعيب تلقاي فحالي ، ما تخليش الشيطان ، ف هاد اللحظة يفتنا . هذه هي الفترة لي صعيبة . خاصنا نتجاوزوها ، مني نديرو العقد ديالنا بزاف ديال الحوايح غادي يتبدلو .
انا تجمعت ف عيني الدموع ، و بانت في بلي شادة و كاتمة العبرة هو حنى راسو و انا نضت مشيت .
مشيت للدار و بكيت بزاف صليت استخارة و دعيت الله بزاف ، كل شي تخربق ، و ما بقيتش متأكدة من قراري بحال الاول ..

يتبع...