جلست على الكنبه بتعب بسبب نايف رح يقهرني اخر
عمري تنهدت بقهر لا تفكروا اني قاسي صحيح اني
اكره ريم لانها تذكرني باخوالها بس بنفس الوقت
بتبقى حفيدتي من لحمي ودمي ومستحيل افرط
فيها وكلامي لهم اني ما ودي ارسلها على دار الايتام
عشان اسمي وسمعتي مجرد حجه فقط لا غير
وريم حفيدتي ومستحيل افرط فيها لكني ودي اعطي
درس لنايف عشان ثاني مرة ما يفرط فيها يعني قبل
يومين جاي علي وده يجوزها لواحد من عمره
واليوم وداها لدار الايتام لانها عصبته بكره اذا كبرت
وعصب منها اكيد رح يبيعها
عشان كذا لازم يتعلم درس وما يفرط فيها مره ثانيه
ويضبط اعصابه وما يقوم بتصرفات طايشه
قاطع افكاره ام سلمان : يا ابو سلمان لا تتعب نفسك
قاطعتها قبل ما تكمل بإشاره بيدي بمعنى اسكتي
لانه ما رح يقهرني غير هي وابنها الغبي
استغفرت ربي بصوت عالي ووقفت : يالله يا ام سلمان
دخلت ساميا : وين يا عمي والغداء ؟؟
ابو سلمان بدون نفس : عليكم بالعافيه
ساميا بحزم : والله ما تطلعون غير لما تتغدون
والحين انادي البنات
وتوجهت ساميا لغرف البنات حتى تناديهم
دخل نايف كل هموم فوق راسه ومتعب : يالله يبه الغداء جاهز
ما عارض ابو سلمان وتوجهوا لصالة الطعام جلسوا
بهدوء والصمت خيم عليهم دخلت ساميا وبعدها
بناتها ردن السلام بادب وجلسن بهدوء
كان نايف يدز باللقمه مو قادر يوكل ما له نفس بس
عشان ابوه اضطر يوكل نظر مكان للي كانت تجلس
فيه ريم حس بالندم والقهر وشعر بقمة غباءه
كان ابو سلمان ينظر لنايف وحاس بندمه بس نوى
يخلي الدرس قاسي عليه حتى يتعلم مرة ثانيه يضبط
اعصابه .
اكملوا تناول الغداء وجلسنا بالصالة الثانية لشرب الشاي
والبنات حسب اوامر ساميا صعدن على غرفهن
