طلع خالد من المكتب سرحان وهو يفكر
ومستغرب طول فتره البريك وهو جالس معه
ما سأل عن بنته !!!
رفع نظره بعد ما صدم شخص
صقر بابتسامة : سلامات يا دكتور وين عقلك ؟؟
سليمان بابتسامة : هو عنده عقل اصلا
خالد رفع حاجب : محترررررين
صقر مسك يد سليمان وناظر خالد : مالت عليك
يالله يا سليمان ورانا اشغال مهمه
ابتسم خالد وطنشهم وتوجه لمكتبه
وخلال دقايق رن جواله رفع الجوال واستغرب
رقم مو مسجل عنده
فتح خط بهدوء : الو
صوت بنت ناعم : مرحبا
خالد بهدوء : اهلين
البنت : انت الدكتور خالد ؟؟
خالد بثقل : نعم اختي اي خدمه
صوت البنت تكلم حد عندها : هذا الدكتور خالد
رقمه صح ياي
ورجعت تتكلم : دكتور خالد انت جديد عنا بالمستشفى
ما تصدق تعبت وانا ابحث رقمك
من اول ما شفتك حبيتك
خالد بابتسامة وهو يمشي : والله ؟؟
البنت : ممكن اقابلك ؟؟
وقف خالد ببرود : ممكن يا قلبي
بس انتي دكتوره والا ممرضه هنا ؟؟؟
البنت بدلع : مو مصدقه انك وافقت على طول
خالد بصوت عالي وهو واقف خلف باب
مكتب صقر : صدقي يا عمري وفتح الباب
وناظر سليمان للي ماسك الجوال
وصقر حاط اذنه على السماعه يسمع
ناظروا خالد بدهشة وعيونهم مفتوحه
خالد بابتسامة : هذا جيت لك للمكتب ما في داعي
تصرفي رصيد كفايه يا حلوه
نزل سليمان الجوال بذهول : كيف كشفتنا ؟؟
قفل خالد الجوال وضحك : ههههه لانه خططكم
فاشله
عاد مين للي ما عنده عقل ؟؟؟
صحيح تذكرت هاذي الاشغال المهمه يا صقر ؟؟
ولعب بحواجبه
صقر : صدقني رح ييجي يوم ارفع ضغطك
واخليك بركان ثاير بس انتظر المقلب القادم
ضحك خالد : هههههه فعلا انك سخيف
يالله عن اذنكم
وناظر سليمان قبل ما يطلع : لا تتصلين فيني
