*
ومسك يدها وشاف اثار الضرب : اكيد ابوك قلقان عليك طيب معك رقم ابوك اتصل عليه واخبره انك عندنا عشان ما يقلق
ريم برفض : لا لا
مسح على راسها بحنيه :لا تخافي ما رح يضربك وش اسمك الكامل ؟؟؟
ريم بتردد : اسمي .............
اخو جنى بصدمه : وش قلتي ؟؟؟؟
نظرت ريم باستغراب واعاده اسمها مره ثانية تحت صدمه اخو جنى من الاسم ....
*
*
*
*
*
ابو سليمان بهدوء وهو ينظر لنايف رايح جاي : اكيد ضايقتها بالكلام والبنت هربت من عندك !!
الجد بعصبية وهو يوجه كلامه لابنه الكبير : يعني البنت اذا ضربها بتهرب من البيت من متى هذا القانون ؟؟ بس الخطأ عليك يا نايف ما ربيتها عدل لكن دواها عندي
ساميا بقلق : طيب بلغوا الشرطه شوفوا المستشفيات وين يعني ودها تكون
نايف بعصبية : اقولك بلغنا وما في فايده الشرطه قالت لازم يمر على اختفائها 24 ساعه
في خاذي الاثناء رن جوال نايف الكل سكت والتفت له شاف نايف الجوال واعطى مشغول مو رايق الحين ورجعه في جيبه ...
الجد باهتمام : مين يا نايف ؟؟؟
نايف بلامبالاه : عزام مو فاضي له الحين
رن جوال نايف مرة ثانيه وشاف عزام يرن عليه رد عليه بهدوء : الو
عزام بهدوء : علامك تعطيني مشغول ؟؟
نايف يحاول يكون طبيعي : لا بس كنت مشغول
عزام : طيب تقدر تلاقيني بالكوفي ؟؟
نايف بضيق خلق : اعذرني مو فاضي الحين خلها بوقت ثاني ....
عزام : اقولك ضروري الموضوع ما يتحمل تأجيل
نايف وصبره نفذ : عزام خلص اجل موضوعك لبعدين ...
عزام بهدوء : حتى لو كان يتعلق باختفاء ريم !!
نايف باهتمام : ريم وش عرفك بالموضوع ؟ وينها الحين ؟؟
الكل كان منصت ويستمع للمحادثه
عزام بهدوء : انت تعال الكوفي وانا افهمك الموضوع
قاطعه نايف بعصبية : انت وينك الحين ؟؟؟
عزام : بالبيت والحين اطلع الاقيك بالكوفي
نايف بعصبية : خلك بالبيت دقيقتين وانا عندك سلام وقفل الخط
ما ترك مجال لعزام انه يعترض .....
توجه نايف لجهة الباب وكأنه بركان ثائر حتى لم يرد على نداء وتساؤلات ابوه واخوانه .....
*
*
*
*
*
كانوا جالسين بمكانهم المعتاد كالعاده بدر بعصبيه : انا هالريم ودي اخنقها بيدي انلغت روحتنا على الاستراحه بسببها الله اعلم متى يلاقون حضرتها
