حقوق النشر محفوظة
الفصل الخامس : يا خلي القلب يا حبيبي.....
بعد ساعه وعشر دقايق ....
كان مصطفى وضرغام واكفين بالممر بمكان. قريب على قاعتهم اللي بيها محاضرتهم الجايه
لكن اتجاه وتركيز. عين واحد منهم مسلطة على القاعه اللي بالجانب الاخر واللي بابه يصير مقابلهم
ضرغام كعادته يهذي بكثرة كلام " اگولك ابو التوف هذا أستاذ قيس والله. ثقيل وعديم احساس
شوف خطيه نام هالنومة عند مرحلة الاولى يابه شلون راح نجرعه ساعه كامله وانوب هو الا ياخذ الريست
اللهم اني لا أسألك رد القضاء لگني أسالك اللطف فيه.....واستمر يتكلم لكن مصطفى ما سمع ولا كلمة
لانه كان مشغول بإجراء حديث مع نفسه
" ادري دفكهم ياقيس مو اريد اشوف شلون تتصرف ... لكن متاكده ٩٠ ٪
هسه مرعوبة وما تعرف شلون تصرف وخايفه وين تقرأها لاأحد يكشفها
.
وخصوصا لان تعرف صديقتها ماخذه موقف مني. حسب كلام. صديقتهم رغد عني
مراح تعلمها .... وفضولها وعاطفيتها راح ينتصرن على حذرها. فتقراها
اذن بهاي الحالة وين احسن مكان اكيد هههه بالحمامات ...وشئ بديهي مِن تشوف شنو بيهن
راح تتخلص. منها بأقرب سلة مهملات وطبعاً مراح تستخدم اللي بالحمام لان تعرف فضول البنات من يشوفون ورده ورقة رسايل ملونه ... فأقرب سله وره ما تطلع من الحمام راح يكون الهدف ... اي اي
يالله قيس طلع وبدوا يطلعون خلي اشوف. تحليلي صح"
حرك ضرغام كتف مصطفى" مصطفى ..توفي ياله. ياخوي خلي نتوكل للقاعه
هسه يهل علينا أستاذ قيس"
" هااا اگلك ضرغام ادخل قبلي. ... اني اخلص شغله واجي وراك "
" شغلة شنو اللي تخلصها هسه وانت تعرف أستاذ قيس حاد سنونه عليك
وين كنت ذاك الريست الفات"
جاوبه مصطفى وهو عيونه على باب القاعه المقابلة
" هو. رايح لمقرر القسم علمود اجيب ورقه لأستاذ قيس على ايام الغياب....يله باي وتحرك. بس عن بعد وره علا اللي طلعت من القاعه بسرعه كأنها هاربة وتلفت للوراء تتاكد من بتول ما شافتها
واتجهت بالفعل صوب الحمامات ابتسم مصطفى وكام يفتش بنظره عن اقرب سله المهملات قريبه للحمام راح وكف. بعيد عنها. بس ضمن مرمى نظره .....
💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕
دخلت الى احدى كابينات الحمام واني تتنفس. بصعوبة ومخليه أيد على قلبي واليد الثاني حاضنه اليفكس بقوة كأنه بيه حاجه مهمة أخاف عليها من الضياع ....
حاولت اسيطر على أنفاسي طلعت الكتاب وأخذت اللي بداخله فتحت الورقه عن غصن الورده
اخذت نفس منها وفتحت طبكة ورقة الرسائل البيضه والمطبوع على باطنها ورده ورديه وحدود الصفحة مإطر باشارة🎼 والورقه معطرة بعطر امتزج ويه عطره الخاص...
بدات عيوني. تركض وتسابق مع عقلي لمعرفة معنى هاي الحروف المجموعه على شكل كلمات
يا بائع الورد للعشاق معذرة
فقلبي اليوم رغم العشق صوانا
لا ورده حمراء تكفي عشقنا
ولا ورود هذا الكون اشكال وألوانا
لجمالها فوق الجمال معرف
والسحر هالتها والنور احيانا
والعز ينبت في عينيك سيدتي
والموت في عشقها فرضا وقرانا
أنت تقرأ
مرايا الروح
Spiritualitéاجتماعية تحاكي قصة انسانه عانت من انكسارات لكنها وقفت بوجه الالم لتصل بعائلتها لبر الامان ...لكن رغم القوة هناك ترسبات روحيه لاتعكسها سوى مرايا الروح وهي كلمتنا التي نحدث بها ارواحنا ....
