تحدي الزمن

البارت ٢

البارت الثاني
الكاتبة زينب السراي

رحاب: اخذنه هذا الوحش البيت بي ناس عوائل سلمنه عليهم وكعدنه يمهم

ابو جواد (الوحش): ابو رحاب اعرفك هذول العوائل الي راح تسافر وياهم بعد خمس أيام وهسة تعال وياي اخذكم للغرفة الي راح تقيمون بيها لحد ميجي موعد السفر

رحاب: اخذنه الرجال للغرفتنا وحجه وي ابوي بهمس بعدين عافنه وطلع

ام رحاب: خير ابو رحاب شراد منك الوحش

ابو رحاب: لا مراد شي بس كال لازم بعد انطي فلوس علمود السفر

ام رحاب: ابو رحاب مو نطيته السيارة شنو مكفت لو هذا طمعان بينه

ابو رحاب : يمعوده دخل نتحمل هنه كم يوم وخلصانين انتو اتراحو هسة

رحاب: ولا راتاحيت لهذا الوحش
اجا الليل واجانه الوحش وكال لازم ننجمع لانو ديريد يعرفنه على شخص هو الي راح يكمل ويانه الرحلة من الحدود لسوريا

ابو جواد (الوحش) : مساء الخير

العوائل المتجمعة: مساء النور

الوحش: اعرفكم هذا صديقي نزار راح يكمل وياكم الرحلة من الحدود

رحاب: ( هو الوحش شلونه وانوب صديقة الله يستر........كان الوحش يعرفنه على صديقة ويأشرله على الاطفال ويبتسم )

الوحش: بس ها نزار اريدك دير بالك عليهم ترى ذول أهلنا

نزار: ميحتاج توصي اخليهم بعيوني ويضحكله بمكر

رحاب : بعد مطلع الوحش ونزار تعرفت العوائل على بعض

عائلة ابو مصطفى: تتكون من ام مصطفى واياد طفل تقريبا عمره 9 سنين وحلا عمرها 5 سنين........طبعا ابنهم الجبير مصطفى بسوريا طلع حتى يأمن وضعهم وهمه هسة رايحين يمه

عائلة ابو حسين: تتكون من ام حسين وحسين تقريبا عمره 19 وحسن عمره 16 ومرة عجوز وياهم

عائلة ابو حمزة: تتكون من ام حمزة وحمزة طفل تقريبا عمره 7 سنين وثنين اطفال بعدهم رضع يمكن تؤام

عائلة ابو غفران: تتكون من ام غفران وغفران تقريبا عمره 20 واية عمرها 9سنين ومحمد عمره4 سنين

عائلة ابو ياسر: تتكون من ام ياسر وابو ياسر العرفنا معدهم اطفال وحالتهم كولش زينة ويردون يطلعون من العراق خوفا على انفسهم

رحاب : تعرفنه على كل العوائل وبقت الاطفال تلعب بمكان والاهالي بقو يسولفون وكذا

.....................
ثاني يوم اجه ابو جواد وتفق وي العوائل على موعد السفر يمكن يصادف يوم خميس او اربعاء ماتذكر بالتحديد
.....................
يوم السفر.......حضرنة نفسنا وكملنه اجه الوحش هو والسايق وسيارة كبيرة تسع للعوائل صعدنه احنا والعوائل ونحس نفسنا انتهينه من الخوف خاف احد يلزمنه بالطريق طلعنا الساعة 3:30 الفجر