تحدي الزمن

البارت ٦

رحاب: دا نحجي وفجأة دخلو علينه جماعة ومن شافهم الوحش سكت وتلبك حيل وحتى مكدر يحجي شي

الوحش: اهلا اهلا وسهلا ليش مكت مكتولي جاين جان اني جبتكم

مالك : ماكو داعي حبيت اجي جية مفاجأة واشوف الشغل شون ماشي

الوحش : ائ ائ اتفضل خل اجيبلك مي وانسويلك ريوك

مالك: يلا بسرعة

الوحش: حاضر تدلل ...... لك ايمن خل يسولنه ريوك وغمزتله

ايمن: تهي تهي ليش هو احنا عدنه غير البصل والطمامة بلا هذا شنسويله

نجلاء: منو اجه
ايمن: اجه الرئيس مالك
نجلاء: شنو😶
ايمن: شبيج خفتي كبر
نجلاء: ها لأ لأ مخفت ( وبكلبي ميته خوف)
ايمن: اكولج الوحش كال سوولة أكل ومعدنه شي اسويله راسي
نجلاء : خرب هسة شون
ايمن: ( حل بلكي يتفشل) بيها صون 😂
نجلاء: كبر اي والله
ايمن: اشو خل اكعد بين ميجي الوحش قابل اذبحج واطبخج اله 😂
نجلاء: حمس شبيك فرحان .... هسة هذا وكته
ايمن: مبية شي بس مشتاق المالك 😅
نجلاء: يشتاقلك عزرائيل إنشاءالله

........ ......... ....... ......

الوحش : ( هسة هذا شجابه. راح انفضح اليوم) من رخصتك رئيس

مالك : اخذ راحتك.... بس ها كعد الجهال وجيبهم احجي وياهم

الوحش: إنشاءالله

.......
الوحش: لكم اشو كولشي مسويتو
أيمن: اي قابل شعدنه ونسوي
الوحش : خرب لك هاك فلوس انطي للحارس سعد خل يجيب اكل لمالك بسرعة
أيمن : حاضر ( جيبله سم هجام البيوت)
...........

الوحش: لج نجلاء امشي كعدي الجهال ..وجيبيهم يمي بسرعة......

نجلاء: حاضر بس اكولك خاف يدري بسالفتنه ........

الوحش: لج امشي قابل منو يكوله محد يعرف
نجلاء: ماعرف خاف يدري ويصير بينه مثل داليا ورعد
الوحش: ميصير شي
نجلاء: اخاف
الوحش: لج امشي شكد ثولة راح نفضحينه
نجلاء : ماشي
...........

الوحش: اسمعوني زين اذا يسئلكم على الاكل كولولة يوكلنه زين واذا سئلكم على العلاج كولولة اذا نتمرض كبل ينطينه دوه وليحجي غير شي حسابة عسير فتهمتو .....
الكل : فاهمين
رحاب: هوة يحجي ويوصي بيهم وإني ماعرف شنو السالفة وجان يجينه مالك من ورة
مالك: هاي شتجحون
الوحش: ها لأ ميحجون شي بس جنت اوصيهم على الشغل
مالك: ها شونهم الاسود
رحاب: (يا أسود مطيحين حضنه صفح تهي تهي)
...... مو زينين (تعمدت احجي لأن شفت الوحش حيل خايف منه كلت اي بلكي يخلصنه من الوحش)

مالك: ها هاي ليش

رحاب: يضربنه

مالك: اي عادي حتى تتعلمون

رحاب : مينطينا لا اكل ولا علاج (وردت اسوي دراما بالموضوع) ونبقى سبوع مريضين ومنروح للشغل