تحدي الزمن

البارت ٢٦

الكاتبة زينب السراي
البارت السادس والعشرون...

رحاب: لا لا مو معقول.... لا مو هو............ بقيت مصدومه مدا اصدك...

فاطمه: شبيج.. خير شنو مو هو...

رحاب: ق.. قصدي.. معقولة هو هذا التحبي....

فاطمه: اي ليش مو معقول شبيج...

رحاب: لا ب..ب.. بس هذا شايفته اني..

فاطمه: اي شبيج هذا علي الجان يدرسج كيمياء...

رحاب: من عرفت انو هيه تحبه.... وهو ابن عمها... اني هنا ضاقت الدنيا بعيني...

حرت ماعرف شنو أسوي فاطمه.. بنت ام أحمد يعني بنت الإنسانه والساعدتني حتى اعيش هيج حياة...

الي بفضل الله ثم بفضلها اني هسة عايشه ومستقرة....وعلي الإنسان الاحبه والي ممكن يأمن حياتي..

الانسان الي تغيرت حياتي و حلت بوجوده.... ياربي شراح أسوي... 

فاطمه: شبيج وين راح بالج...

رحاب: ها.. وياج... زين مكالج منو اليحبها...

فاطمه: لا مكال.. لج بس لو شايفته من حجه عليها وكعد يوصفلي ياها.. كانت عيونه تلمع والابتسامة ملت... وجه...

رحاب: و.. وهسه شراح سوين...

فاطمه: مراح أسوي شي.. لانو أكيد عمي ميقبل يزوجه ياها... لأن عمي ميقبل واحد من خلفته يزوج غريب...

رحاب: ها وإذا قبل...

فاطمه: ماعرف ماعرف.. بس كل الاعرفه مستحيل اسمح لشخص يأخذ علاوي مني...

رحاب: يلا دك الجرس أمشي خل ندخل...دخلنه للصف فاطمه ضمت صورة علي... بعدين فتحت جنطتها وأخذت الصورة بدون متدري....

خلص الدوام وإني فكري مشتت.. ماعرف شراح أسوي... رجعت للدار بدلت وصليت...

بعدين طلعت كتبي أريد اقرى ماكدر... رحت أريد أنام هم مكدرت... فكري كوله جان يم علي...

هو هذا حظج يا رحاب حرام تفحريلج بشي... مكتوب عليج الحزن ومفصل فصال....

بقيت افكر حتى مقريت.. وباجر عندي امتحان رياضيات.. ولا اكلت شي... لحد مصارت دنيا الليل...

مجايني نوم نزلت.. بالحديقة كعدت تحت الشجرة الي نكعد اني وعلي يمها....

كمت ابجي بحركه واشكي حالي لرب العالمين.. شويه واحس ايد اتخلت على راسي...

رفعت رأسي وجان اشوف علي...

علي: خير... رحوبتي شبيج ليش تبجين.. 

رحاب: ماعرف شكوله... صفنت بوجه...

علي: يمكن بال10 دقائق وهيه صافنه... شبيج رحاب احجي ليش صافنه..