تحدي الزمن

البارت ٩

البارت التاسع
الكاتبة زينب السراي

الوحش: دعوفها خل نحجي وياهم ....
اسمعوني نزار كليته مو زينه وإني سويتلكم تحاليل حتى اشوف يا كلية تناسبه وكلية رحاب هية التناسب كليته

رحاب: شنو شنو

الوحش: اي ولازم تتبرعيله بيها

رحاب: شنو اتبرعلة بيها انت من كل عقلك .....اني انطي كليتي للكلب الي قتل اهلي ويتمنه اني واختي مستحيل هذا الشي

نزار: لج هييي كتلج لصيحين لا ادفنج

رحاب: تدفني شنو يامجرم يا قاتل

نزار: لا خلفت الله عليج اكو طفل غيرج كليته هم تناسب كليتي

الكل؛منو

الوحش: كليه رباب هم تناسب كليته

رحاب: شنو وقابل تأخذون كليه اختي ما اسمحلكم

الوحش: اسمعي هييي اختج عدها كليتها اليسرة تعبانه كولش وكليتها اليمنه زينة فعندج خيرين يا تنطينه وحده من كلياتج يا ناخذ كليه اختج الزينة ونعوفها تموت فقرري

رحاب: لا مستحيل لا اني ولا اختي انتو نجنيتو رسمي لكم هذا القتل اهلي اضحيله حتى يعيش على شنو

نزار: برضاتج أو غصباً عنج أخذها اخذها فتهمتي

الوحش: قرري وباجر الصبح كوليلنه كليتج لو كليه اختج...... يلا نزار تعال روح لدحام نغير جو

نزار: يلا خل روح لان هاي الجربوعة الصغيرة عكرت مزاجي

رحاب: انت جربوع (, وما احس الا اجاني راشدي سطرني سطر ),

نزار؛, حتى تتأدبين

الوحش: دعوفها لك خل نطلع

نزار: يلا اجيت
............................
رحاب: ( راح الوحش ونزار اخذت اختي ورحنا للغرفة حضنتها وكمنه نبجي)

رباب: رحاب اني ماريد أموت حبابة انقذيني لتخليهم يموتوني

رحاب؛ لتخافين لو على جثتي محد يأذيج

...............
سجى: أيمن

أيمن؛ شرايده

سجى: تعال خل اروح يم رحاب نشوف لها حل هل مسكينه

أيمن: يلا امشي (رحنه يم رحاب لكيناها حاضنه اختها وتبجي منضرها يقطع القلب )

سجى: كافي يا حبيبتي لا تبجين

أيمن:, رحاب صيري قوية علمود اختج

رحاب:, كل ما احاول اصير قويه علمودها يطلع شي يكسر ضهري وبالاخير ثنينه نتئذه

أيمن: لعد شسوين هو هذا اليعيش تحت رحمة الكلاب

رحاب: اني ماعيش الا الا تحت رحمة الله ويجي يوم ونخلص من هل عيشة