تحدي الزمن

البارت ٢٣

الكاتبة زينب السراي
البارت الثالث والعشرون

علي: احبج 🙈

رحاب:😱😱... شنو

علي: مثل مسمعتي...

رحاب: انت شدا تحجي

علي: ههههه شبيج ترى دا احجي وي الكيمياء

رحاب: هو هذا هم حجي.. طفرتني

علي: ومن شنو طفرتي....

رحاب: لا هيج... يل.. يلا خل نكمل..... من كال هيج نصدمت.. بعدين كال اشاقة... رجع يشرحلي..

بس بالي بقى يم هذاك الموقف...كملنا هوا راح وإني دخلت جوه... بالغرفة..

بقيت احجي بيني وبين نفسي.. معقولة يحبني..
دنجبي شيحب منج..

ليش شيحب مني اشو مناقصني شي.... شنو نسيتي الماضي.. نسيتي حالياً انتي بنت ميتم...

وهو ابن ناس.. مستحيل يحبني... خرب وهسه اني ليش هلكد مهمته.. مو كال اشاقة

لا هل موضوع مبي شقه... اهو هسة اني شلطشت.. دخل اقرى احسلي

بقيت اقرى عشر دقائق واصفن ساعة... اهووو رحاب شجلبتي... أروح اخذ شاور.. واكلي شي احسن من هل تفكير الفاشل

********

علي: من كتلها احبج وشفت ردت فعلها... صحيت على نفسي واداركت الموقف...

كملت وطلعت... مرحت للبيت... لان جنت ضايج.. بقيت امشي بسيارتي لحد موصلت لكاع فارغة...

طفيت السيارة ونزلت كعدت لوحدي... وبقيت افكر..
لك شنو من غباء عندي من كل عقلي اعترف لرحاب عن حبي...

لك هاي طفلة وينها.. وين الحب.. وبعدين شنو اني تخبلت... شنو هل تسرع... لك يا تسرع صار سنه...

خرب حضي... شيصير لو عدها اهل واتقدملها... جان اهلي وافقو... جاي افكر ودكت عليه هاي الزكه

-الو علي شونك

-الو كولي شرايده

-مرايده شي بس حبيت اسلم عليك

-الله يسلمج باي... وسديته بوجها... خرب عود هاي زعطوطه عمرها ١٥ وهيج لازكتلي من تكبر..

وصير بعمر زواج شيخلصني منها... اللهي صبرك..
منا رحاب احبها وماكدر اعترفلها لان طفلة...

ومنا هاي طفلة ومتعلقة بيه وتحبني... خرب حضك عليوي.. تالي عمرك.. تفكر بزعاطيط..

بقيت لليل كاعد.. بعدين شغلت ورحت للبيت..

********

رحاب: من كملت شاور واكل قريت انكلش لأنو كلما اضوج لو افكر بشغلة.... اروح اقرى انكلش حتى

اغير جو... احسه مو مادة احسه هوايه... صارت دنيا ليل... بقيت اتكلب بفراشي فكري كوله بعلي...