تحدي الزمن

البارت ١١

البارت الحادي عشر
الكاتبة زينب السراي

رحاب: رباب ولج رباااااااب
جان اشوف رباب وكعت بالكاع والمكان نمله دم
......
رباب ولج فدوه كعدي ..جاي اصحي بيها فأجه الرجال الدعمها بقى يحجي وياي وجان ارفع راسي واشوفه نزار

نزار: رحنا اني ودحام للدكتور اتفقنه وياه كملنه دحام رجع لشغلة وإني كلت خل أمر على الوحش جاي امشي بالسيارة وما احس الا دعمت وحده .... كبل نزلت اشوفها وجان تطلع رحاب
لج شجابج هنا بقيت اصيح عليها اريد افهم شون طلعت

رحاب: يصيح عليه وماعرف شيحجي بالي يم رباب اصحي بيها
لج فدوه اكعدي لك لج رباب لتعوفيني الله يلعن الساعة الفكرت انهزم بيها راح اخسر اختي بسببي أوف يابة

نزار: ياكلبه تردين تنهزمين جريتها وصعدتها بالسيارة هيه واختها وكملت طريقي

رحاب: جرني نزار غصبا علية وجاب اختي خلاها بحضني وهية تنزف لان نضربت براسها ملابسي والكشن الكاعده علية كولة دمر دم

نزار: لج حقيرة تردين تنهزمين حتى متنطيني الكلية اصبريلي ..... بقيت ارزل بيها لحد موصلنا لبيت الوحش
انزلي لج انزلي

رحاب: وصلنه بيت الوحش الحراس بعدهم نايمين والمكان نفسه هدوء جرني نزار ونزلني وبقى اختي بسيارته

رحاب: اختي اريد اختي نزلها

نزار: انجبي حقيرة امشي فوتي امشي اليوم اخرتج يا كلبة

رحاب: جرني من يدي احسها نخلعت ودخلني شمرني بالطرمه وكام يصيح وراح يكعد الوحش

نزار: لك وحش لك اكعد نايم ومرتاح وهاي مهزومه لك غبي اكعد .... اكعد بيه هذا بالكوه يفتح عينه ويرجع يغمض لحد مضربته حيل على ضهرة يلا كعد

الوحش: طبعا من تعشيت حسيت نفسي دايخ ونعسان حيل كبل نمت بعد مادريت شصار بالدنيا

لحد ماسمعت نزار يصيح ويغلط اريد اكوم اشيل جسمي بس ماكدر لحد ما ضربني حيل

لك ها شبيك صيح خير شكو

نزار: لك هاي الكلبة لكيتها مهزومه وانت تكلي شصاير

الوحش: شنو منو المهزومه

نزار: رحاب اكو غيرها وانوب دعمت اختها وهسة تنزف من راسها

الوحش: هاي شلون بلوه اني الهه
...كمت طلعت بالطرمة لكيت رحاب مكرفسة وكاعدة تبجي
لج حيوانه جلبة شعبالج اذا تنهزمين منجيبج

رحاب: كاعدة ابجي وطلع الوحش وبقى يصيح ويتفل علية ...اثناء عياطه كعدو الكل

الوحش: لج بس كليلي شون كدرتي تنهزمين

رحاب: ياربي هسة شكوله نتضرت... تنامون ونهزمت لان مليت منكم ومن هل عيشة

الوحش: شنو نتضرتينه انام لكم والحراس ....رحت على الحراس كلهم نايمين كمت اضرب بيهم لكم كلاب سا..... كوا........