الكاتبة زينب السراي
البارت الثاني والعشرون
كامو خمستهم يمشون نحوي درت اريد ارجع... وأشوف وأحد واكف بسيارته
لا باربي شون راح اخلص.... ركضت ردت انهزم...واحد لزمني من أيدي
-لج وين تروحين اليوم صايرة بطله البارحة مو أني الج
رحاب: لك عوفني شرايد مني
-وقابل شريد من هيج حلوة
رحاب:تفو تفلت بوجه يا كلب يا حقير
-يلا شباب تعالو اخذوها
رحاب: لكم عوفوني حقراء عوفوني..... اجوي أثنين شالوني... وخلوني بالسيارة... بقيت ارفس بيهم
بس مكدرتلهم...
واحد كاللهم بس ثنين يبقون بهاي السيارة والبقية تعالو بذيج..... ربطو اديه...وبقى واحد مخلي مسدسه على راسي
يكولي بس تحجين... اقتلج.. مشت السيارة وجان تخطف من يمنه سيارة علي
بقيت أصيح علي علي علي.... سد حلكي بسرعة... عضيته حيل كام يعيط... كبل صاحبه وقف السيارة ونزل سد حلكي....
وبعدين رجع صعد ومشه.... اوف صحت على علي بس الضاهر مسمعني
خلو راسي على الكشن وغطوني حتى محد يشك بأمرهم....
وإني مربطه ماكدر اتحرك... وكفو يم سيطرة سئلوهم على الشي المغطي كالولهم غراض....
بقى الضابط يحجي وياهم ويريد يشوف الشي... اجه فتح الباب... اليسوق كالة اني ابن الضابط الفلان
فياريت من يسمع بعدم ثقتك بكلامي ميزعل منك
كبل كاله اسف توكل...
من امده حضي حتى بهاي... بقيت اردد يا الله انقذني يا الله انقذني
مشينه مسافه نص ساعة وصلنه شارع فارغ بي قليل سيارات
ورة شويه وقفت السيارة... ونزلو من عدها الشباب
سمعت صوت صياح لك هيييي شعدك ساد الشارع
******
علي: الصبح الساعة بال١١ رحت أودي غراض للميتم..وجان أسمع صوت عياط.. انتبهت هاي رحاب
لا يالله هذول خاطفيها....ردت أنزل بس هذول خمسه ماكدرلهم وحدي... كبل لحكتهم وخابرت على جماعتي...
وكتله اني بكذا مكان محتاجكم.. بقيت لاحك السيارة.. وكل اشويه اخابر اصدقائي اوصفلهم احنا وين لحد مأجو
صارت سياراتهم بصف سيارتي حاجيتهم ومشينه سريع.. رحنه اني وياهم سدينه الشارع
ومن وصلو همه لكو الشارع مسدود... بقى واحد يصيح
-لك هاي شعدك ساد الشارع... وخر سيارتك اريد نطلع
علي: انطيني رحاب وخل اروح منا بدون مشاكل
أنت تقرأ
تحدي الزمن
Ficción Generalمن يعيش على الامل لا يعرف المستحيل ومن يتحدى الزمن لابد أن يأتي يوم تبتسم الحياة له
