تحدي الزمن

البارت ٢٥

الكاتبة زينب السراي
البارت الخامس والعشرون

علي:: ههه مصدكه اني ارفضج..  اوك مدام انطيتيني فرصه ولا يهمج.. صدكيني راح تسوي كولشي لعيونج...

رحاب: وشسوي مثلاً

علي: مراح احجي واكول شنو راح اسوي وشكد احبج.. راح اخلي افعالي تحجيلج

رحاب: اوك... يلا خل نكمل..

علي: شنكمل

رحاب: نكمل شرح قابل شنكمل...

علي: اوك تدللين... بقيت اشرح.. كملنا اليوم هواي أخذنه مواد...

رحاب: اوك يلا أني رايحه..

علي: وين رايحه

رحاب: مو اريد أراجع الشرحناه حتى يبقى ابالي..

علي: عود هاي اول يوم وياي عافتني وطفرت لا هاهيه كملت...

رحاب: شنو... مسمعتك زين

علي: لا هيج مكلت شي يلا اني صار لازم أروح... انشاء الله باجر نلتقي..

رحاب: اوك مع السلامه علي

علي: مع السلامه... طلعت وإني طاير طاير... هيج احس قلبي طلعتله جناحات... لك علي خاف جنت تتحلم..

كرصت روحي لان محد يمي يكرصني...هههه.. اخ خرب شون كرصه...

الحمد لله طلعت حقيقة... صعدت سيارتي رحت للبيت.. دخلت اسولف وياهم واحشش..  بعدين صعدت الغرفتي..

بقيت افكر برحاب وليش وافقت.. وشنو السبب...
صح جوابها افرحني حيل... بس الفاجئني جوابها..

معقول اكو شي.. لو صار شي خلاها توافق عليه...
لا ممعقوله شكو قابل...

يمعود اهم شي وافقت.. بس أني لازم اشوفلي طريقه أقنع بيها أهلي... حتى يوافقون على رحاب....

لازم أكون نفسي والكالي شغل..ثابت.... علمود اذا فاتحتهم بالموضوع.. ورفضو اني مكون نفسي..

ازوجها واطلع منهم...

***********

رحاب: انتابني احساس غريب.. فرح وحزن... كنت فرحانه لانو أحبه وممكن هو يكون طوق النجاه الي...

وحزينه لانو الدا أسوي يمكن غلط... ويمكن اهلي ميقبلون علية... صح أهلي صارلهم 6 سنين من توفو

بس وصيتهم لحد الآن بعدها بعلقي... سامحوني بس معندي غير حل...

راجعت دروسي وكملت... نزلت جوه لشهد.. ممكن ادخل...

شهد: تعالي حبيبي..

رحاب: ممكن طلب...

شهد:, تفضلي حبيبتي...