Shortcut [ComPleTeD] ✔️

Part - 17 [She DieD]

" tu jab gayi thi to ek dam sahi thi ab ye kya ho gaya beta..? " Sattar ki wife ghabrate hue puchi.

" Maa... Wo... Wo Mai jab college se arahi thi to... to Raste me.... Wo... Wo...."

" Abhi hume ise Hospital le jana hoga.. Jaldi kariye ise Hospital le Chaliye.. "

" par wo kuch keh rahi hai.. " Sattar rote hue bola.

" wo hum baad me bhi jan sakte hai. Par abhi humare liye uska hospital le jana bohat zaruri hai.. Isse pehle k use kuch ho jaye .. Hume hospital jana hoga... " uski wife boli.

Phir wo log agle hi pal hospital me the..

" Dr. Sab meri beti to thk ho jayegi na..? "Sattar ne pucha.

" dekhiye uski halat bohat serious hai.. Wo sans nahi le paa rahi.. Hum poori koshish kar rahe hai bas upar wale se dua kariye.. " Dr bola aur andar chala gaya.

" meri bacchi... " uski wife rote hue boli..

Sattar k jaise pero se zamin hi nikal gayi ho. Wo sadme me tha..

" Maine kaha tha uske sath jaiye agar chale gaye hote to aisa nahi hota.. "

" tumne shayed uski baate nahi suni thi... Ye sab uske sath college se Aate waqt hua.. Agar us waqt Mai uske sath jata tab bhi koi faida nahi tha... Hume bas upar wale pe bharosa rakhna hoga.. Ab wahi humari bacchi ko hume lauta sakta hai... " Sattar bola Ur baith gaya.

Kuch der Operation chalta raha phir Dr bahar Aaye aur bole..,

" I'm sorry.. Humne poori koshish ki par hum use bacha na sake... "

Ye sunte hi Sattar niche gir pada, uski wife zoro se rone lagi....

Bacchi ki maut ka Asar kuch aisa hua k uski wife dheere dheere apni bacchi ki yaado me Pagal hone lagi.. Wo kabhi uska College se Aane ka intezar karti to kabhi rone lagti..
Sattar ko apni bacchi khone ka jitna dukh tha usse kahi zyada mushkil uske liye uski wife ka pagal pan tha..