Love Once Again

6

Sydney's Point of View

Tanging tunog ng hangin ang naririnig

Sa musika'y tahimik tayong nakikinig

Hindi ko alam pero para bang puso ko'y ni-yanig

Nahanap kita ngunit ako naman ang naligaw

Lalong lumalakas ang mga palahaw

Hindi na maintindihan ang bawat galaw

Nasa tabi kita ngunit parang hindi kita matanaw

Para bang ang langit at lupa ay nagtagpo

Ngunit biglaan ding pinaglayo

Masaya.

Iyan lamang ang nararamdaman t'wing ika'y kasama.

Ang liwanag mo ang siyang naging tahanan ko.

Nilayo mo ako sa kadilimang aking binuo.

Ngunit..

Palagi na lamang may ngunit kasunod ng kasiyahang paulit-ulit binabalik.

Nakulong ako sa mga ala-ala.

Ala-alang masasaya ngunit para bang ayoko nang balikan pa.

Pati aking sarili'y hindi ko na makilala

Sino ako?

Sino ka?

Bakit nandito ka?

Ano ba tayo?

Minahal na ba kita?

Bakit mahal pa rin kita?

Dinala ako ng mga katanungan sa kadilimang binuo ko noong una pa lamang.

Para bang bumalik ako sa lugar na kinalimutan ko nang daanan.

Lugar kung saan gusto ko nang lumisan.

Lugar na puno ng ala-ala.

Bakit dito mo pa ko dinala?

Alam mong pinagtago lang tayo ngunit kumakapit ka pa.

'Tama na.'