حلت عينيهااا الصباح على صوت تزمير الطوموبيلات لي يتعدو على الطريق ظلام في الغرفة وخيوط تع ضو من بين الستائر داخلة ... مسحت عينيهاا بيدها و دروت راسهااا تشوف فيه وهو راقد على كرشو نصو الفوقاني عريان مغطي رجليه برك ضحكت عليه كيفاش راقد و شعرو مفرفش و حاط يديه في زوج على المخدة مزير عليهاا و كأنها راح تهرب ... قربت عندو و حطت شفايفها تحت وذنو تبوس فيه غير بالشوية
سمرة: أمين حبيبي نوض هيااا راهو وقت
غرس وجهو فالمخدة كثر وهي مزالها تبوس فيه
أمين: سمراا خليني نرقد مش وقتك
زادت كملت تبوس فيه و يدهااا تلعب على ظهور بالشوية
سمرة : هيااا حبيبي نوض خليناااا نفطرو مع بعض قبل ما نروح نخدم .....
نفخ بقوة و بعدهااا عليه بيدو ..
أمين: سمراااا ماتهبلينش على صباح بغيتي تروحي تخدمي روحي خليني راقد مشي كل صباح هاكة
بعدت عليه و خلاتو يكمل رقادو حطت راسهاا على المخدة عينهااا فالسقف تشوف معاه رجعت تفكرت ليلة البارح وقت جااا عندهاا.....
محوطة وسطو برجليها راسها على رقبتو تبوس فيه و هو حاط يد على الشعرهاا البوكلي و اليد الزواجة يلعب بيهاا على الخيط الروبة لي لابستهااا قربت شفايفهااا عند وذنو تبوس فيه تحكي بالشوية عارفة انها نقطة ضعفو
سمرة : أمين مش هذا هو الوقت لي لازم نعملو فيه حاجة راح نقعدو هك؟
حط يديه في زوج على كتافهاا و بعدهااا عليه وجهو مقابل وجها
أمين: سمرااا ماتغلبيش من هذي الهدرة ؟ مشي كل مرة نقولك فيهااا بلي مانيش موجد روحي في هذا الوقت باش نتزوج و لا نربط روحي بمرا و اولاد خليناا هاكة خير حتى نقولك انا
سمرة : أمين انا ماقلتش عرس و لا حفلة حبيت نتزوج بعقد برك والجيران كلهم راهم يحكيو عليااا و كيفاش انت كل مرة هناا عندي بصفتك شكون
أمين: خليهم يهدرو انتي تعرفي وانا نعرف واش كاين بيناتنا خليهم يهدرو يجي نهااار و يسكتو وضروك خالينااا نكملو واش بدينا
حاط شفايفو على شفايفها يبوس فيها و مرة على مرة يعضها منهم بقوة يتلذذ بطعم شفافها بين شواربو من بعد دخل يديه تحت الروب هزها ونحاها و نزل رجع يبوس فيها يديه على صدرها وهي غمضت عينيها تحاول تستمتع معاه بصح كلامو خرجها من المود
تنهدت بقوة و رجعت للواقع و قت سمعت أمين يحكي معاها
أمين:سمرا هزي دراهم اذا تحتاجي و ماتديرش حس كي تجي خارجة
سمرة : اوكي
ناضت من بلاصتهااا حاسة قلبها يوجع دخلت لدوش قابلتها علبة دوا حبوب منع الحمل زادت نفخت وقت تفكرت انهااا عندهاا اكثر من 3 أيام ماشبرتهمش شدت العلبة بين يديها نقصت 3 حبات لي مشربتهمش رماتهم في حوض الحمام عارفة انو راح يرجع يتأكد انها تشرب فيهم و راح يهز شنايفو عليها شي شهر و لا كثر و ما يحكيش معاهاا و هي ماتصبرش عليه و لا تصبر على زعافو و كل لي يعملو فيها هذا كل بلا انها كل مرة تشدو مع وحدة شكل بصح تسامحو بعد زوج كلمات منو يرجع يراضيهااا و ترجع تحبو أكثر من قبل
وقفت تشوف مع وجها الذابل في المرايا تحاول تقنع روحها انو رح يتسڨم ورح يتزوج منها في النهاية هو دا منها براءتها وعذريتها اكيد مش رح يتخلى عليها ويخليها لمصير مجهول ، وهذا لي كانت تتأملو ... كملت دوش تعها وجدت روحها باش تروح تخدم بداات تمشي على طراف صباعهاا باش ماتعملش الحس سلمت عليه من خدو و حطت ورقة مكتوب عليهاا "نحبك" عند راسو و خرجت من الغرفة تعداات على المطبخ باش تفطر بصح غيرت رأيها كي شافت فالساعة وشافت انها تأخرت على الخدمة و انو لازم عليها تروح وتوصل قبل الوقت و قبل ماتروح سمر لخدمتها و تحكم عليهااا الأولاد
