سراج : ديزولي دخلت نحسب...
سمرا : معليش
تحسب رح يدي ثيابو وينزل بصح بقا واقف يشوف مع يديه وهي واقفة تشوف معاه من بعد هزت بكتافها وتبسمت
سمرا : متخممش بزاف في لي صار اصلا فاتت المهم روحت دوك نرقد ونوض ننسا كلش
سراج : لا مش هذي ، جبتلك كادو و حشمت نمدو قدامهم خليتو هنا كي نجيو ، نعرف امي متسكتش
حست بفرحة صغيرة كي قال جابلها كادو يعني الروب مش هي الكادو؟ تفكرها انها معندهاش وش تلبس برك ؟ تبسمت رغم الحزن لي حاستو في هذيك اللحظة
حل العلبة وقرب منها جبد سلسلة فيها بوندونتيف لونو ازرق
سراج : كي شفت الحجر هذا جاني يشبه ل لون عينيك
تبسمت و مررت يدها عليه عجبتها علخر حاكمة روحها عالشعرة متحضنوش
سراج : دوري نلبسهالك
بلعت ريقها شافت معاه من بعد دورت بشوية هزت شعرها بعدتو ، عينيه هبطو على ظهرها سحاب الروب كان محلول حتى تحت ، قلب عينيه هو اصلا يقاوم من الصباح من شافها كي لبست وحطت مكياج والمغريات بزاف مش مسيبتو ... حاول يتجاهل روحو و لبسلها السلسلة صوابعو داعبو بشرتها الدافية غمضت عينيها كي حست عليهم ... هو ما تحملش نزل راسو طبع بوسة على رقبتها ذابت معاها يدو دخلت تحت الروب تلامس في ظهرها وباقي يبوس ونازل على كتافها، معرفتش وش دير مستمتعة باللي تحس فيه بصح حاجة فيها تقاوم في مشاعرها ... دورها هو ليه يديه على وسطها دزها ورا وحصرها بينو وبين الحيط رح يبوسها بعدت وجها للجنب رجع قرب راح يبوس رقبتها حطت يديها في زوج على صدرو بعدتو عليها وعينيها مهزتهمش فيه
سراج : وش كاين
صوتو كان ناقص وحاس بالخيبة
سمرا : شي
اكتر من أسبوع كل يتجاهل فيها ودوك لانو حابها يلزمها تخليه يقرب ليها ؟ حاسة كأنو سيناريو امين يتعاود معاها حاولت تبعدو زاد حصرها ليه اكتر
سراج : كيفاه شي ونتي تبعدي في وجهك عليا ؟
دورت خزرت فيه
سمرا : نحب نرقد برك تاعبة
سراج :تحبي نلعبو ؟
عض شفتو وهي حركت رأسها لا
سمرا : لا مش حابة نلعب ...
مكانتش حابة تلعب ولا حتى العابو راح تخليها تستسلم ليه المرة هذي
سراج : لعبة ساهلة كيف تع المرة لي فاتت
سمرا : لا ...
بعدتو عليها وهو يحس في نارو شعلت مش قادر يتحكم في روحو ورفضها مش وقتو ... وهو من لي خرجو يتفادى يشوف فيها حتى في دار امو كان قاعد على شعرة ويحسب وقتاه يرجع لدار
سراج : بسبب اللي صرا اليوم ؟ ولا مزلتي خايفة مني ؟
سمرا : لا هذي ولا هذي نحب نرقد برك
سراج : تحبي ترقدي ؟ ولا خايفة كاين فرق ونحب نعرف
سمرا: ما عندي علاه نخاف
سراج : خلاص مالا كي مش خايفة وافقي على اللعبة ونخليك ترقدي .. خمس دقايق برك
سمرا : خمس دقايق واش ؟
سراج : خمس دقايق قرري ترقدي بعدهم ولا تكملي تلعبي
مد يدو ليها بقات تشوف معاه مترددة وبعدت من لمستو، كانت خايفة وهو حس بالشي هذا ، حاس بيها تكبت في نفسها لكنو بقا هادي علخر وجهو ما رسم حتى تعبير ... بش ما يستفزهاش حاول يكون هادي علخر حكم يدها سحبها بهدوء خلاها تقعد على السرير ونزل قدامها على ركبتو مد يدو لرجلها مررها على طول ساقها وهز نحالها صباطها وهي غير تراقب فيه مش فاهمة وش يدير وعلاه هي مخليتو يدير هذا الشئ ... زاد نحالها الفردة التانية وهز راسو شاف معاها ... توقعت راح يبوسها كي تحرك بعدت عليه لكنو وقف ونحا الفاست تاعو بهدوء وهي غير تعس عليه ماقالت والو ... حطها على جنب و حل قفالي الشوميز لي فوق حتى لنص صدرو و بعدها حل القفالي في ذرعيه وطلعها فوق وهي عينيها يتبعو في كل حركة منو
