سراج : تع صح حاوزيتيني ؟
سمرا : سراج اخرج ولا انا نخرج
سراج : بصح علاه ؟ وش درت
سمرا : ارقد تحت وخمم وش الشي لي مش مليح كل درتو اليوم
سراج : ممم وش رايك ندير حاجة دوك صح مش مليحة تخليني نرقد في الصالة بسبتها
سمرا : متحاولش ...
وبرمشة عين كان واقف قدامها و خطفها لعندو باسها بوسة مليانة غرور وتملك كأنو يعاقب فيها كأنو يقلها انتي ملكي انا معادش عندك حق تخممي في امين ، يعض ويرخي ويديه ضموها بطريقة استفزازية مغرية كانت تقاوم بصح البوسة الذ من أنها تسحب منها
سيبها يرجع في النفس و يخزر فيها خدودها حمارو مدت يديها لصدرو دزتو عليها
سمرا : سيب
رجع غطس يبوس فيها مرة أخرى سلبها الهوا كي سيبها كانت تلهث تحوس على النفس ونطقت
سمرا : هبلت ؟
عاود باسها وهزها بين يديه دور رجليها حول وسطو ونزلها على السرير ، بوستو طيرت عقلها لي بقالها اذا كان عندها من اصلو بدنو يتحرك فوقها بطريقة مثيرة تمنات معاها ميوقفش كانت دز فيه تبعد فيه من عليها لكن بمداعباتو عرف كيفاه يهزم دفاعاتها
سراج : اذا مش حابة صح نمشي ؟
همس في وذنها وهي ما عملت حتى رد فعل يقول بعد ولا امشي ولا انها مرغمة كمل لي يعمل فيه حتى طيبها علخر ، نحالها الروب وكمل خدمتو ، وبرد نار الرغبة تاعو لي من وقت شافها قبل ما يوصل امين و مرتو وهي تنخر فيه
اخرتها كانو لزوز متمددين على السرير كل حد فيهم يسترجع في انفاسو مش مصدقة انها خلاتو يمسها وكأنو معندهاش مقاومة لجنس الرجال هذي ولا كيفاه ؟ تع صح نارها شاعلة لدرجة متقولش لا على علاقة ؟ تدفن روحها وين ؟ تلفت سراج ليها عينيها خاشعين في سقف الغرفة رقبتها كلها حمرة من آثار بوساتو عض شفتو
سراج : قلتلك رح نلقا حاجة أخرى تشفعلي عندك
سمرا : واحد ميحشمش
ناضت تحوس على الروب تعها
سمرا : انا رح نرقد في الصالة
حكمها ورجعها لحضنو وغطاها وهي تفارع فيه
سراج : سسس تعبتي بزاف اليوم مش مليح للحمل تاعك ارقدي ... خليني نتهلى فيك
سمرا : سيبني
قد ما حاولت محبش يسيب ياريت تقدر دور عندو تعضو كل لي قدامها يديه لي مكتفينها في حضنو زاد حط رجلو حجز رجليها و طبع بوسة على رقبتها من ورا
سراج : تصبحي على خير
قعدت هكذاك حتى رخا يديه وغلبها النعاس والتعب لدرجة مش قادرة تنوض وتنزل بعدت منو... و رقدت جنبو
حل عينيه الصباح تكسل في بلاصتو سمرا مكانش ... كانت هذي اول فكرة في راسو كي شاف سرير فارغ ..مرر يدو في شعرو وتنهد ، تفكر ليلة البارح تبسم تع صح مش نورمال كيفاه تتجاوب معاه تقول تفهم فيه من غير ما يحكي ناض ومشا للدوش يزرب يدوش و ينزل تحت حاب يشوف وجها بعد اللي قالتو كل البارح وحاوزتو من بعد في يديه ذابت تقول تعشق فيه ، لازم يشوف النظرة هذيك تعها لي تحشم وتهرب منو
لبس ثيابو ونزل بما انو ويكاند معول على ماتش طرح آخر دخل للكوزينة مكانش مشا لغرفة الاولاد حل الباب مكانش شاف في صالدوبان تحت عاود طلع فوق في غرفة مكتبو مكانش تسارعت نبضاتو ومشا للبيت هز تيليفون وكلمها يسمع في تيليفونها حل درج طابل دو نوي لقاه ، تكونش مشات ؟ مشا حل الخزانة لقا ثيابها بصح المونتو تعها مكانش عاود نزل يجري تحت دخل الكوزينة مرة أخرى لقا حليب لؤي فوق الطاولة
سراج : لا ما مشاتش وين تمشي ؟ معندهاش وين تمشي للشارع ؟ وين هي هذي
