Venus Flytrap ( Book 1 )

Part-14 ( End )

Unicode

မနက်​ခင်းရဲ့ ​နေ​ရောင်​ခြည်​က မှန်​ပြတင်းက​နေတစ်​ဆင့် ထိုး​ဖောက်​၀င်​လာတဲ့အခါ

"ဒုက္ခပါပဲ ​နောက်​​တောင်​ကျပြီလားမသိ"

ကမန်းကတန်းထရင်း နံရံကပ်​နာရီကြည့်လိုက်​​တော့ မနက်​ဆယ်​နာရီ

ညက အိပ်​မ​ပျော်​ပဲ လင်းခါနီးမှ အိပ်​​ပျော်​သွားခဲ့တာ​ကြောင့်လည်းပါသည်​။

​Doctor Park ​ဆေးရုံကို သွားဖို့ Baekhyun နဲ့ ချိန်းထားတာက ဆယ့်တစ်​နာရီဆို​တော့ အချိန်​သိပ်​မကျန်​​တော့။

အိပ်​ရာ​ပေါ်က​နေဆင်းလိုက်​​တော့ ​ဘေးကစားပွဲကို လက်​နဲ့တိုက်​မိပြီး စာ​ခေါက်​တစ်​ခုက ပြုတ်​ကျသွားကာ ​ခြေမျက်​စိနားမှာ။

Kai စိတ်​ရှုပ်​စွာနဲ့ ဆံပင်​​တွေဖွလိုက်​ပြီး သူ့​ခြေ​ထောက်​​အောက်​က စာရွက်​ကို ဖွင့်ကြည့်တော့ ​ပြေစာတစ်​​စောင်​

သူအရင်​က Sehun Bank Acc ထဲ လွှဲ​ပေးသမျှ ​ပိုက်​ဆံအားလုံး တစ်​ပြားတစ်​ချပ်​မှ မ​လျော့ပဲ သူ့ Acc ထဲ ပြန်​လွှဲ​ပေးထားခြင်းပင်​။

အခန်းထဲမှာလည်း Sehunရဲ့ အသုံးအ​ဆောင်​​တွေ မရှိပဲ ရှင်းလင်းနေခဲ့သည်​။

မှတ်​ထားသည့် နံပတ်​တစ်​ခုကို ဆက်​သွယ်​ကြည့်တော့ လုံး၀ဆက်​သွယ်​၍ မရ​တော့။

Sehun ထွက်​သွားပြီလား

သူ့​မေးခွန်း သူပြန်​မ​ဖြေနိုင်​ခင်​မှာပဲ ရင်​ဘတ်​တစ်​ခုလုံး ပူ​လောင်​လာသည်​။

" ဟင့်အင်း ... မဖြစ်ရဘူး ... မင်း ဘယ်​ကိုမှ ထွက်​သွားလို့မရဘူး Sehun ... ငါမင်းဆီက အကုန်​ပြန်​မရ​သေးဘူး "

​ပြေစာ စာရွက်​ကို နာကျင်​စွာ ဆုပ်​ကိုင်​ရင်း သူအရူးတစ်​​ယောက်​လို ရွတ်​​နေမိသည်။

တစ်​ချိန်​က Sehun တန်​ဖိုးဖြတ်​ခဲ့သည့် မင်းပိုင်​ဆိုင်​သမျှအရာအားလုံးဆိုတာ အခုမှ သူ ​ကောင်းကောင်းနားလည်​လာခဲ့သည်​။

သူ Sehun ကို ​ပေးခဲ့တဲ့ထဲ အ​ပေါ်ယံပိုင်​ဆိုင်​မှုတွေသာမကပဲ သူ့​ပျော်​ရွှင်​မှု သူ့အနာဂတ်​ ​နောက်​ဆုံး ဘယ်​အချိန်​က ​ပေးမိခဲ့လဲ မသိသည့် သူ့နှလုံးသားတစ်​ခုလုံးပါ ပါ၀င်​​နေခဲ့သည်​ဆိုတာ ​ဆုံးရှုံးလိုက်​ရတဲ့ အချိန်​မှ ​ခြောက်​ခြားစွာ သိလာရသည်​။