الفاسدون

نسرين

أفاقت في السيارة و بدأت بالصراخ ، فأوقفت السيارة
" إنزلي أنا مش خاطفك لو خايفة .. أنا كان مطلوب مني أقتلك ، نسيت أعرفك بنفسي معلش أنا آسف بنسي والله و بدخل في المواضيع مخصوص .. حضرتك أنا واحد مجرم طلعني سيادة المقدم سامح سليم من قبل ما اتشنق بأسبوع مخصوص عشان أقتلك انتي باللي في بطنك "
" سامح عمل كدا ...
" الراجل بيحبك لدرجة إنه خطط لموتك بطريقة درامية و قصة روعة الصراحة .. في تلاتة اتقتلو عشان تكملي السلسلة .. كان نفسي أكمل السلسلة بصراحة بس ضعفت .. و أحب أقولك إن سامح سليم مستعد يغير قوانين الطبيعة عشان يموتك .. عايزة تنزلي طريقك زراعي متقطعيش الجوابات و خلي بالك من حمادة اللي في بطنك ........ و فتحت باب العربية
" هنزل في وسط الطريق كدا.. هروح فين ....انت قتلت ياسمين أنا مش عارفة أفكر و خايفة "
" يبقي مش هتنزلي .. شديت الباب تاني قفلته .... أنا مش ناقص مسئولية عشان قدامي موضوع مهم جداً زائد إني زي ما انتي شايفة كدا أنا السفاح و مطلوب ... نروح للمهم ، الولد دا ابن سامح أكيد .. أكيد دا موضوع ورقة عرفي و قضايا بقي و نسب و الراجل عايز يريح دماغه من الهجص ومش عايز مشاكل .......... بس الراجل مهتم بيكي جداً .. دا طلعني من حكم إعدام مخصوص عشانك .. دا في ستة اتقتلوا في السكة كدا عشان نعمل الحبكة بتاعت السفاح .. الموضوع كبير "
" كل دا عشان القضية .. دا عايز يقتلني أنا و ابني اللي هو ابنه ....
" و أنا أنقظتك ها "
" انت كنت هتقتلني ، و قتلت ياسمين
" ممكن أكمل الموضوع .. سامح وعدني ان أوراقي كلها مقابل موتك ، هتروح بياناتي و السوابق بتاعتي و أعيش بقي .. دا غير إنه أقل حاجة زحلقني من حب المشنقة .. لكن أنا عارف إن بمجرد ما اقتلك هكون قدام نيشانه .. أكيد هيعوز ينهي قصتي كمان و كمان ممكن ياخد ترقية علي كدا يبقي قبض ع السفاح و قتل حضرتك و وقف القضية و اترقي .. و كل اللي بتحلم بيه
مش صعب انه يبعت غيري عشان يقتلك .. مش بعيد يكون باعت حد في أثري
" يعني هنموت .. طب و الحكومة و القانون
" سؤال مهم ! لكن ما الراجل ماشي قانوني أهو ، السفاح مقنع القصة مستمرة ، بيقتل الضحايا بنفس الطريقة .. القناع هو السفاح ، ممكن يكون القناع ورانا منعرفش
أنا عندي اقتراح ... أنا ممكن أوقف كدا ده
" إزاي و انت هربان منه زي ولو تعرف موقفتوش ليه
" أنا السفاح .. هقتل سامح بطريقة السفاح ، اللي كان عايز يعمله معاكي .. ممكن أقتله دلوقتي و أوقف كل حاجة و ممكن أستني و أكيد انتي أهم عنده مني يعني أو رقم واحد عنده .. لكن إنتي معاكي سلاح مهم .. بصي الموضوع سهل .. أنا بموهبتي اللي ربنا إدهالي ، أعطاني إياها .. ممكن أوصل لسامح و أدبحه و أخلص الموضوع كله .. في مقابل نص ورث حمادة
أظن أحسن من إني أسيبك العقيد يمس اسمك انتي و حمادة من قاموس العايشيين