الفاسدون

حرفوش

عندما قتلت المقدم قبل أن أعرف تفاصيل قصة المرحوم سامح بالتفصيل و حياته أحسست بتسرعي في الأمر .. لكنني أخذت تلك الملفات التي وجدتها بجانب خزنته و حرصت علي ترك بصماتي بغزارة في المكان و غادرت
إنني أعلم أن الفقيد بكل يقيني قد مسح وجودي من السجلات بطريقته ليصنع ذلك الوحش الذي ينفذ به ما يتمناه .. آلة قتل خاصة يستخدمها في أي وقت .. يحضر السفاح و يعطيه الأوردر أو الأمر ثم يضغط زر التشغيل فيبدأ البرنامج و ينهي حياة الشخص الذي يضايقه في حياته ولم تنفع معه محاولات التخويف و التهديد و الوعيد ..
ليڤيل الوحش هو عندما يرسل السفاح ليقوم بكنس مخلفاته
أخذت الملفات و هربت .... تعلمون للأسف في بلادي إذا كنت متهما خطيراً أو مطلوباً و كنت تمر في أكثر الشوارع زحمة و إكتنازاً و إزدحاماً بالأعين لن تلتفت لتلتقطك عيون أحدهم
إلا إذا كانت هناك مكافأة علي اسمك الموضوع يختلف
جالساً علي إحدي المقاهي الشعبية الفقيرة سألتُ الفتي الذي يحضر الطلبات أن يدلني علي مكتب محاماة ميسور الحال و أقصد هنا فقير
تذكروا أنني أتذكر كل هذا و هو يمر أمام عيني و أنا في ما أظنه سكرات الموت و النهاية ..
تعرفون أكثر الناس معرفة بكل شيء هو الحلاق لأنه يتكلم مع كل زبائنه فيعرف كل صغيرة وكبيرة و الخريطة التكتيكية للبلد
ثم الصبي الذي يعمل في القهوة .. إنه يستمع إلي أحاديث الناس طوال اليوم في مكان يأتي فيه الناس ليتكلمو .. تكون لديه حصيلة معلومات جورج القرداحي
دلني علي مكتب المحامي المبتدئ الجديد أو الصغير أحمد حرفوش
و أصبحت أمام حرفوش .. في مكتبه البالي الفقير ، الموجود في ذلك المبني القديم .. إنني أكاد أجزم أنه هائل للسقوط
ولكنني عندما قابلته في مكتبه و تخطيت طوابير الإنتظار الوهمية .. فلم يكن أحد يعرفه إنه نكرة كالجميع 
" بص يا سيدي أنا معايا ملفات تحط تحت إيديك قضية ممكن تخليك رقم واحد قضية تنطرك فوق ..فوق ....
معايا نسخ لملفات أصلية و ملفات مزورة لأراضي ملك الدولة علي الصحراوي .. مكانها دلوقتي مزارع نعام مملوكة لشركة دلتا .. الملفات معايا أتفضل شوفها تقدر بكل سهولة ترفع عليهم قضية و ممكن كمان تبتزهم بيها و تاخد فلوس "
تناول مني حرفوش تلك الملفات و بدأ يتعجب
" انت جبت الملفات دي منين و إزاي ... و انت هتستفيد إيه من حاجة زي دي ، ليه مسلمتهاش للبوليس علطول ، أو ليه محاولتش انت تضغط عليهم بيها و تاخد فلوس زي ما بتقولي "

" تقدر تقول إني لو قدمتها للبوليس مش هستفيد ولو طلبت منهم فلوس قصادها مش هستفيد .. انت تعرف ان صاحب الأرض الأصلي إحتمال يكون في السجن دلوقتي ..... أنا عايز خدمة يقدر يقدمهالي واحد زي حضرتك بس "

" و إيه الخدمة دي ياسيدي ؟؟؟"

". سامي علاء محمد .. ٢٥ سنة .. كلية الحقوق .. تم إعدامه من شهر في قضية قتل شخص داخل السجن .. قتل عمد مع سبق الإصرار و الترصد
الولد ده دخل السجن في قضية تعدي علي أملاك دولة
أنا بس عايز أعرف كل تفاصيل القضية بتاعته .. القاضي اللي حكم ، المحامي .. كل تفصيلة في ملف زي ملفي ده
أسلمك و تسلمني و لو محتاج فلوس فوق ده كمان عادي "

"يااه .. شكل الموضوع مهم جداً بالنسبالك "

" أكيد هو مش باين علي وشي ولا إيه .. دا أنا هعيط كمان شوية "