كان نفسي أعيش

الحلقه الاولى

بسم الله  الرحمن الرحيم

#رواية_كان_نفسي_أعيش

( الحلقة الأولى ) ....
.
.
# قبل 20 سنة  ......
الساعة 2 الضهر فعز الشمس ...  و في عربية خضرا كده صغيرة طايرة على طريق القاهرة الاسكندرية الصحراوي ... جوا العربية قاعدة اسرة بسيطة اوي مكونة من 3 افراد باين عليهم مبسوطين و بيضحكو ^_^  ...
الاب محمود هو اللي بيسوق و قاعدة جنبه مراته أمل و فالكرسي اللي ورا قاعدة بنوتتهم الوحيدة بسمة اللي يدوب عندها اربع سنين ^_^

" مامتي مامتي .... هو البحر لسة بعيد " :/

امل بصت لبنتها و ابتسمت ابتسامة حنية :) : " لا يا حبيبتي خلاص اهه قربنا :) بصي انتي نامي حبة صغنين كده و اول ما تصحي هتلاقي عمو البحر بيسلم عليكي :D "

" ماثي :/ انا هنام حبة ثغنين علثان انا تعبت بقى و عمو البحر مش عايز يجي :/ "

" هههههههههههههه ماشي يا حبيبتي " ..... أمل مدت ايدها مسحت على شعر بنتها كده و باستها و قامت عدلتلها الكرسي علشان تعرف تنام  و لفت حواليها الحزام علشان لو اتقلبت و لا حاجه ^_^

محمود بص بطرف عينه كده على أمل و ابتسم <3  " ربنا يخليكو ليا يا احلى حاجه حصلتلي فالدنيا و يقدرني اسعدكم كده <3 .... ياااه يا امل يا ترى هعيش لحد ما اشوف بسمتنا كده عروسة   :)  ؟! "

"ربنا يخليك لينا يا حبيبي و يطولنا فعمرك :* الايام بتجري بسرعة و بكره تشوفها احلى عروسة فالدنيا :*
....
محمود مركز فالطريق و باين عليه مضايق : "اوووف ... بجد اكتر حاجه بتضايقني فالطريق ده انه ضيق و مليان حفر و كمان رايح جاي >_< "

امل كانت بتفتح علبة كنز  ..." معلش يا حبيبي ما تدايقش نفسك بس .... يا باااااااي :/ "

" ايه مالك يا حبيبتي "
" علبة الكنز بفتحها كلها وقعت عليا >_<  "

" معلش معلش استني اعتقد كان في هنا علبة مناديل " .... محمود وطى كده علشان يجيب علبة مناديل كانت واقعه تحت رجلين امل بس كانت بعيدة شوية عن ايده ... و للحظة ما اخدش باله من الطريق :(

" لاااااااا محمووووود حااااااسب  حااااااااااااااااااسب " :')
ططااااااااااااااااااااااااااااخ :/
..........
بسمة صحت فجأة من نومها لما العربية اتخبطت :'( لقت وش مامتها فوشها و زي ما تكون محضنة عليها و راسها بتنقط دم على وش بسمة :'(  بصت حواليها بعنيها الصغيرة مقدرتش تشوف حاجات كتير لان تقريبا مامتها كانت فوقها بالظبط و هي ما قدرتش تتحرك ..

" مااامتي اصحي اصحي ...... مامتي بقى ردي عليا ..... مامتي انتي ليه مش عايزة تصحي بقى  "
...................
" ألو .. السلام عليكم  ... استاذة حنان ؟؟ أخت الاستاذة أمل ؟؟ "
" ايوة انا .. مين معايا !! "
" أنا موظف الاستقبال فمستشفى الحياة فالاسكندرية .... البقاء لله يا استاذه :'(  .... اخت حضرتك و زوجها عملو حادثة و حضرتك لازم تيجي تستلمي جثة اختك و جوزها "

" ايه :O انت بتقول ايه ؟؟!!! لاااااا اختي ماتت !! :O ... ابراهيم :'( الحقني يا ابراهيم اختي مااتت ..... لااااا انا مش مصدقة دي كانت لسة عندي هنا الصبح  ... حضرتك متاكد انها اختي :/

" انا اسف جدا بجد يا فندم البقاء لله "

شوية و بدات حنان تمسك نفسها .. "طب و بسمة بنتهم جرالها ايه ؟؟؟ "

" اه .. لا بنتهم الحمد لله طلعت سليمة مجرد شوية رضوض و خدوش فالجسم لكن الحمد لله مفيش أي كسور او حاجات خطيرة "
......................
بعد الحادثة باسبوعين فبيت حنان  ...
حنان و ابراهيم قاعدين فاوضتهم و منيمين بسمة جنبهم عالسرير ..
" شايفة يا حنان نايمة ازاي زي الملاك :') بجد صعبنة عليا اوي فقدت امها و ابوها فاكتر وقت كانت محتاجه فيه لحنان :( ربنا يرحم اختك بجد سمت بنتها صح تحسيها نسمة كده بتنشر البسمة على وشوش اللي حواليها "

"ربنا يرحمك يا اختي :( ... باذن الله يا ابراهيم هنعوضها عن امها و ابوها و هنعاملها زي ابننا يوسف بالظبط و هيبقو اخوات ... "

ورا الباب كان واقف يوسف اللي عنده تسع سنين بيسمع مامته و باباه و هما بيتكلمو ... حاسس بالغيره و الغيظه من جواه .. من ساعة ما الكائنة الصغيرة دي جت البيت و الكل مهتم بيها اوي اكتر منه .. حاسس ان محدش بقى بيحبه :(  و محدش فهمه هي بتعمل ايه عندهم فالبيت

"  يوووووووسف ابني تعالى عايزك "

يوسف اتنفض من مكانه و اتخض و قعد شوية كده بعدين خبط و دخل .... " ايوة يا بابا كنت بتنادي عليا "

" ايوة يا حبيبي تعالى ... بص يا بني من النهارده هيبقى عندك اخت صغيرة جديدة :D عايزك بقى تعاملها كويس انت الكبير و العاقل :) هي غلبانة مامتها و باباها ماتو و سابوها لوحدها و احنا هنبقى عيلتها :) و هي عسولة جدا و بتحبك اوعى تزعلها بقى ^_^  ...... اه صحيح ابقى لم بقى العابك اللي فالاوضة على جنب شوية علشان هنجيب سرير صغير تنام فيه بسمة معاك فالاوضة هيبقى ليك نص الاوضة و هي ليها نص الاوضة ماشي :D "

بسمة من كلامهم كده قلقت و فتحت عنيها ^_^ بصت لقت يوسف واقف قريب منها و بيبصلها قامت ضحكت اوي و طلع منها اسمه زي العسل " يوثف " ^_^

يوسف بصلها و من جواه و من بصة عنيه كان بيقولها " انا بكرهك " .......

يتبع ,,,,.

.............................................................................