كان نفسي أعيش

الحلقه العشرون

رواية_كان_نفسي_اعيش

الحلقة العشرون ....
.
.
بسمة سمعت الكلمة دي و لا اراديا منها بدئت تتوتر و قلبها انقبض :/ .... " خير يا يوسف في ايه ؟؟ "

يوسف ما رضاش يبص فعينيها علشان نظرة القلق اللي باينه فيها ما تأثرش على قراره اللي كان اخده خلاص ... " أأأ ... احم :/ ..... انا كنت بفكر ان احنا :/ .... يعني قصدي ... >_< ... بصي يا بسمة من الاخر كده :/ .. انا اتصلت على دكتور وليد صاحبي علشان احجز عنده كشف لينا احنا الاتنين و اداني معاد بكره بعد الضهر "

بسمة كانت خلاص القلق دمر اعصابها و لما سمعت كلمة دكتور كمان ده وقع قلبها فالارض :( .. فردت على يوسف و صوتها فيه نبرة عصبية بسيطة :/ ... " دكتور !!! :O ... ليه يا يوسف ؟! ما تفهمني هو في ايه مرة واحده هو انا لازم اسحب الكلام بالتنقيط -_- .. انت قلقتني :/ "

يوسف قام مودي عينيه بعيد عنها و هو بيرد عليها :( ... " علشان نروح نكشف احنا الاتنين و نعرف ايه السبب ان ما حصلش حمل لحد دلوقتي :( "

بسمة ياعيني سمعت الكلمة دي من هنا و ما نطقتش ... كانت حاسه بصدمة زي ما يكون حاجه خبطتها فصدرها ... و حست ان ريقها ناشف و الدم اتسحب من جسمها :( ... كانت اخر حاجه تتوقعها ان يوسف يطلب منها حاجه زي دي و خصوصا انه ما جبش سيرة الموضوع خالص قبل كده و لا حتى لمحله ... عدت تقريبا دقيقة من الصمت الرهيب لحد ما بسمة اخيرا اتكلمت ... " طب و ليه يا يوسف :( ... ليه نستعجل ... احنا يدوب لسة ما لحقناش و ربنا لسة ما ارادش :/ "

يوسف كان حاسس بيها و عارف ان اللي بيطلبه مش حاجه سهله بالنسبالها و ان ده عبء جامد على أعصابها فحاول يلطف من الجو شوية ... قام مقرب منها و حاوطها بدراعه و بايده التانية مسح على خدها بحنية ... " انا عارف يا حبيبتي محدش قال حاجه :) ... بس مش هنخسر حاجه لو كشفنا .. مش يمكن يكون في حاجه هي السبب فالتاخير فإحنا نعالجها ... ولو مفيش يبقى احنا برضه اطمنا :) ... و بعدين انا نفسي بقى فولد او بنت منك ^_^ ... مش نفسك بقى يبقى عندنا لعبة صغيرة و سفروتة كده بتوأوأ طول اليوم ^_^ و ما تخليناش ننام ... و نشوفها و هي بتكبر قدامنا <3 .. هاا مش نفسك ؟؟ :) "

بسمة بدئت تهدى شوية و ابتسمت على كلام يوسف ^_^ هي كمان كان من جواها نفسها اوي تبقى أم ... قامت هازه راسها بالموافقة و هي مبتسمة من غير ما تتكلم ^_^ بس فضلت برضه من جواها مش مرتاحه :/ ...

يوسف انشكح اوي ان بسمة وافقت و اتكلم بحماس .. " خلاص اتفقنا :D ... اعملي حسابك المعاد الساعة تلاتة العصر ... همر عليكي فالصيدلية اخدك و نروح للدكتور ... و يا ستي كمان هديكي إعفا من الغدا بكره .. احنا هنخلص الدكتور و بعدين نروح نتغدي عن الحج و الحجة :D ... هاا ايه رأيك .. شوفتي دلع اكتر من كده :D "
.....................................................................................................................................
الساعة 12 بليل و حنان و ابراهيم نايميين ....اللي يشوف حنان يعرف على طول انها بتشوف حلم أو بمعنى أصح كابوس مش حلم .... بتتقلب فمكانها و ملامح وشها زي ما تكون بتتألم و عينها من تحت جفنها المقفول بيتحرك بسرعه اوي :/
تعالو نشارك حنان فحلمها :D .....