كان نفسي أعيش

الحلقه السادسه

#رواية_كان_نفسي_أعيش

الحلقة السادسة .......
.
.
يوسف اول ما سمع السؤال بلم كده و تنح فوش بسمة " هه ؟!!! O.o "

كان بينه و بين نفسه بيقول " هاااهااااي يا وقعتك المربرة يا جووو دي البت طمعانة كمان فشهر عسل :D "

" أنا كنت بفكر يعني اننا نروح .......

قام يوسف قاطعها قال يلحق نفسه قبل ما تقعد تدي فاقتراحات و هو يدبس و هو اساسا مكنش حاطط فباله حكاية شهر العسل دي ...
. " مش عارف يا بسمة و الله بس انا مكنتش مخططله خالص و بعدين انتي عارفه بقى بعد العيد هتبدأ دروس الثانوية العامة و انا مقدرش اضحي حتى باسبوع انتي عارفه الطلاب بيجولي بالاسم و بيحجزو عندي قبلها بشهر .... فمعلش سامحيني مش هينفع "

بسمة كده يا عيني حست بخيبة أمل و اللمعة اللي كانت فعنيها انطفت بس حاولت صوتها ما يبقاش زعلان اوي و هي بتتكلم
" لأ صح انت معاك حق سامحني انا مكنتش فاكرة موضوع الدروس ده :(  ..... ربنا يعينك و يقويك :) "

" طب انا هستأذنك بقى يا بسمة علشان صاحبي مستنيني تحت .... و قولي لماما اني مش هتغدى معاكم النهارده ما تستنونيش "

" أأأ طب معلش :/ .... ما قلتش هتبقى فاضي امتى علشان ننزل نجيب الدبل  "

" اه صحيح ... طب خلاص انا فاضي بكره مش ورايا حاجه ننزل بكره باذن الله .... يللا السلام عليكم "

" و عليكم السلام ^__^ " ....... بسمة فضلت باصة فالباب بعد ما يوسف خرج و بينا و بين نفسها " ربنا يحفظك و يحميك من كل سوء يا حبيبي ^_^ <3 "
...................................................................

بعد ما الاسرة خلصت غدا كل واحد دخل اوضته ..............
بسمة فأوضتها و ماسكة كتابها الوردي فحضنها كالعادة
" للا سف يا ماما يوسف ما رضاش نطلع شهر عسل :(  .... بس انا مش زعلانة منه :) انا فعلا مقدرة تعبه ربنا يكون فعونه .... بس وعد يا ماما لأخليله كل سنوات عمره عسل و فأي حتة فالدنيا ... مش محتاجين شهر عسل علشان ننبسط و نقرب من بعض ^_^ .........

(( يا نبي سلام عليك .... يا رسول سلام عليك ........

" ألو .. السلام عليكم ..... سبحان الله ابت كنت لسة هتصل عليكي يا سمسميتي ...... جهزي نفسك يا بت بكره باذن الله هنروح نجيب الدبل :) "

" جشطة .... طب بقولك يا بت قبل ما انسى عندي ليكي خبر حلو ..... انا لسة راجعة من برا كنت بشتري شوية حاجات من المول اللي قصاد مستشفى الشفاء الجديدة .... ولقيت صيدلية سيف لسة فاتحة فرع هناك و طالبين صيدلنيات للشغل هاا ايه رايك :D "