كان نفسي أعيش

الحلقه السادسه عشر

#رواية_كان_نفسي_أعيش :)

الحلقة السادسة عشر ......
.
.
بسمة حست بالقهرة من جواها ... كانت شايلة على الورق ده امل كبير اوي ... كانت فاكرة انه ممكن يلين قلب يوسف نحيتها :/ ... اخدت الورق و هي لسة مكرمشاه فايدها وراحت نحية الاوضة علشان تسال يوسف ليه ما وفاش بوعده و قرا كل يوم ورقه زي ما وعدها :( ....

اول مادخلت الاوضه لقت يوسف نايم على ضهره و ماسك صدره بايده و بيكح جامد ... قامت جرت عليه و رمت الورق اللي كان فايدها على الكوميدينو اللي جنب السرير .. و وقفت جنب السرير و مسكت ايدين يوسف بين ايدها و هي لسة على صدره " يوسف .. حبيبي :'( .... مالك فيك ايه ؟؟ انت كويس ؟؟ "

يوسف بالعافية اتكلم فالنص و هو بيكح " مش قاادر حاسس صدري بتقطع :O "

بسمة طلعت تجري و هي عاملة زي الفار المخضوض :/ ..

راحت الصاله جابت موبايلها اللي كان على الطربيزة ورجعت تاني للاوضه و هي بتحاول تدور فالاسامي على الدكتور عصام اللي كانت دايما العيلة بتتعامل معاه ... و من توترها عدت القائمة كذا مرة لحد ما وصلت لاسمه ... " الو السلام عليكم ... دكتور عصام ... معاك بسمة بنت الحج ابراهيم .... دكتور يوسف صدره تاعبه جامد و عايزة حضرتك تيجي تشوفه حالا ان امكن :'( .."

بسمة قفلت الموبايل و طبطبت على صدر يوسف بحنية كده اللي كان مازال بيتوجع من الالم .. " ما تقلقش يا حبيبي الدكتور مسافة السكة و جاي " ....
سابته و راحت الاوضه اللي بتنام فيها علشان تجيب عباية و طرحة تلبسهم عليها عقبال ما الدكتور يجي ..
.....................................................................................................................................
" انا تشخيصي المبدئي يا دكتورة بسمة انها نزلة شعبية حاده .... هكتبله على مضاد حيوي يمشي عليه بس يستحسن لو يشوف دكتور صدرية ... انا هكتبلك على رقم دكتور زميل ليا تقدري تتصلي عليه و تقوليله انك من طرفي علشان يجي هنا البيت بدل ما نتعب الاستاذ يوسف و ننزله العياده :) ...

" يبقى ياريت يا دكتور و الله و كتر خيرك :) "

قام الدكتور طلع دفتر الروشتات و قلم و كتبله على مضاد حيوي و على طرفها من فوق كتب رقم الدكتور زميله ... و بعدين بص لبسمة ... " انا هكتبله كمان على مخفض للحرارة لان واضح ان حرارته بدات تزيد و متوقع يدخل فحمى فعايزين نلحقه و حضرتك كمان يا دكتورة على طول بقى كمادات و حاجات دافية ... ولو في تدخين ياريت نبطله ... بالشفا ان شاء الله و الف سلامة على الاستاذ :) "

بسمة وصلت الدكتور لحد الباب و رجعت تاني اتصلت على الدكتور اللي عصام كتبلها رقمه ...... ما كملتش ساعة و الدكتور تاني جه و كشف على يوسف و اكد كلام الدكتور اللي قبله و ضافلها حاجات بسيطة على الروشته ...