كان نفسي أعيش

الحلقه الثالثه عشر

رواية_كان_نفسي_أعيش

الحلقة الثالثة عشر .......
.
.
بسمة كانت لسة يدوب قلبها ما لحقش يتعافى من السكاكين اللي اخدها من خمس دقايق فالبلكونة قام يوسف جه و كمل عليه :( زي ما يكون مش عايز يدي بسمة فرصه انها تتنفس

اول ما سمعت الكلمتين دول حست ان الدم كله اتسجب من جسمها ووشها اصفر و جسمها بقى باارد اوي :( " تسافر !! :O .... انت بتتكلم بجد يا يوسف ؟! :'( "

يوسف رد عليها بعصبية " امال يعني جاي اهزر مع سيادتك >_< "

" بس يا يوسف احنا لسة متجوزين :( ... طب الناس .. الناس هتقول ايه لما يلاقوك مسافر و سايبني بعد فرحنا بأسبوع :( .... و الدروس ؟؟؟ مش انت ما رضتش نعمل شهر عسل علشان الدروس ؟؟ "

يوسف كان بدأ يفقد صبره و كان عايز ينهي النقاش باي طريقه
" انا مليش دعوة بكلام الناس ... الناس تقول اللي تقوله اهم حاجه راحتي انا .... و بالنسبة بقى لموضوع شهر العسل ... لا دروس و لا بطيخ ... فوقي بقى .. انا مش بحبك فاهمه يعني ايه ... مششششش بحبك ..... يعني مستحيل اضيع فلوسي علشان اطلع شهر عسل مع واحده مغصوب عليها "

بسمة ياعيني وصلت لمرحلة زي ما بنقول كده من اللا وعي بقت عاملة زي الميت اللي مهما ضربت فيه مفيش فايدة لانه مش هيحس بحاجه ... بس كانت من جواها لسة في حاجه بتحاول تقاوم .. او زي ما تقولو كده بتحاول انها تنكر الواقع علشان تقدر تعيش فاللحظة دي
قامت بسمة من على السرير اللي كانت قاعده عليه و حركة لا ارادية منها مدت ايدها اللي بتترعش و عاملة زي حتة التلجه و مسكت ايد يوسف بين ايديها و بالعافية طلع صوتها زي ما يكون صوت استغاثة
" يوسف :'( ..... انا اسفه اوي بجد انك اتغصبت عليا و الله لو كنت اعرف مكنتش وافقت ابدا :( ... بس انا بطلب منك انك بس تديني فرصه :( .... اديني فرصه اخليك تحبني .. بس ما تسبنيش :'( انت دلوقتي كل حاجه ليا فالدنيا :( "

يوسف لما سمع الكلمتين دول حس برعشة فجسمه كده و ما عرفش يرد بس بينه و بين نفسه مكنش عايز الموقف يسيطر عليه ... عايز يبقى هو دايما المسيطر و اللي بيتحكم فبسمة و ما يدهاش فرصه تشم نفسها .... قام ناطر ايده من بين ايديها جامد وراح نحية الباب ... لما وصل لعتبة الباب كده قام واقف و كلم بسمة من غير ما يلفلها

" تعملي حسابك من النهارده هتنامي فالاوضة الصغيرة بتاعت الاطفال .... و جهزي شنطتي علشان يوم السبت رحلة شرم ... هقعد هناك اسبوع ياريت الاقي اطقم تكفي المدة دي "

يوسف قال الكلمتين دول و خرج من الاوضة .... بسمة كانت لسة ايديها مكان ما كانت ماسكة ايدين يوسف زي ما تكون نست ترجعهم مكانهم جنبها :/

فضلت واقفة على الحال ده حبة كتار ... ما تعرفش عدى عليها قد ايه ... زي مايكون جسمها كان فالاوضة لكن روحها و عقلها سافرو مكان بعيد اووي