كان نفسي أعيش

الحلقه الثانيه

رواية_كان_نفسي_أعيش

الحلقة الثانية .......
.
.
# 2014 ......
النهارده يوم مميز :D بيت الحج ابراهيم كان بقاله اكتر من شهر بيستنى النهاردة علشان يجي :D
النهاردة يوم تخرج بسمة من كلية الصيدلة ^_^ .....

أيووووة :D بسمة كبرت و ذاكرت و تعبت و نجحت فالثانوية العامة بمجموع 99% ^_^  ... و النهاردة بتحتفل بتخرجها من الكلية اللي فضلت طول عمرها تحلم بيها و بتقدير جيد جدا كمان مع مرتبة الشرف :)

بسمة بقت بنت جميلة اوي ..  مهياش طويلة و لا قصيرة يعني طولها حلو .. بشرتها بيضا و دايما تلاقي خدودها موردة كده على خفيف ^_^ ليها عيون عسلي حلوين اوي يخلو أي حد و هو بيكلمها يحس براحه .. شعرها طويل اوي و ناعم لونه بني و فيه خصل دهبي كده ^_^ متدينة و على خلق بشهادة كل اللي حواليها <3 لبسها كله جيبات واسعه او فساتين و طرح طويلة و بتميل اكتر للالوان الهادية و الفاتحه ^_^ عندها صاحبات كتيير اووي و كل الي حواليها بيحبوها حتى زمايلها الشباب كانو بيحترموها اوي و شايفنها البنت المحترمة اللي مفيش منها اليومين دول وكتير حاولو يتقربو منها بس هي طبعا كانت دايما بتصدهم و مش بتديهم فرصه :D

......................................
" الدكتووورة ... بسمة محمود عبد الكريم "
بسمة اول ما سمعت اسمها بيتنادى فالمايك علشان تطلع تستلم شهادتها  .. بقت حاسة انها هتطير من الفرحة حاسة كل حتة فجسمها بتدق اوووي ... حاسة ايديها تلجت و رجليها بقت بتترعش :D سامعة صوت التصفيق و تشجيع زميلاتها زي ما يكون جاي من بعيد اووي ^_^

كل ده حصل فأقل من ثانية بس بالنسبالها حست انه الزمن كله .... بصت على الكراسي اللي قاعد عليها اولياء الامور بتدور بعينها على الوشوش اللي دايما استمدت الطاقة منها .. لحد ما عينها جت فعين مامتها اللي كانت فرحانة اوي و عنيها مليانة دموع الفرحة :') كأنها بتقوليها تعالي فحضني يا حبيبتي <3

اتحركت بسمة نحية العميد اللي كان مستني بسمة و على شفايفه ابتسامة هادية ... مد ايده و سلملها الشهادة " الف مبروك يا دكتورة بسمة ربنا يوفقك يا بنتي " :)

بسمة اخدت الشهادة و طلعت جري على حنان و اترمت فحضنها ^_^ .....

" شوفتيني يا ماما و انا دكتورة خريجة قد الدنيا :P "

" ايوة يا احلى بنوتة و دكتورة فالدنيا كلها ربنا يحفظك يا حبيبتي " <3

ابراهيم مسح على راس بسمة بكل حنية :) " ربنا يسعدك يا بنتي و ينجحك بجد سعادتي بيكي ما تتوصفش " :*

" ربنا يخليك يا بابتي ^_^ و يخليكو ليا و ما يحرمنيش منكو ابدا " <3

" بسسسسسسسسسسمممممزززز انتي يا بت تعالي هناخد صورة :D "

" حححاااااضر يا اسماء فريرة :D ..... معلش بقى يا امي اعذريني وقت التصوير و انتي عارفه طبعا الصور ما تحلاش من غيري :P "

و طلعت تجري بسمة على صاحبة عمرها اسماء اللي اخدتها من ايدها و راحو لبقيت صاحباتهم
حنان و ابراهيم وقفو يتفرجو عليها و هما مبتسمين و فرحانين لفرحتها و هي بتجري و تتنطط زي الفراشة  ^_^ .....

كل ده بيحصل و مين واقف بيتفرج من غير ما يتكلم ؟! :D .. ايييوة هو بعينه يوسف :D .... ابراهيم فجاة زي ما يكون افتكر ان يوسف معاهم .. لفله و بصله كده و ضحك " ايه يابني القط كل لسانك ما تكح قول أي حاجه ده انت حتى ما قلتش لبسمة مبروك !! "

يوسف بصله كده و رسم ابتسامة مصطنعه على وشه و بينه و بين نفسه شغال يبرطم :D " ايه يعني بسمة بقت دكتورة .. ايه يعني بسمة اتخرجت .. لا اول و لا اخر واحده تتخرج مش فاهم انا يعني ايه الحدث اللي فالموضوع >_< "
................................

زي ما انتو اخدتو بالكو ... يوسف كبر و كبر معاه حقده و كرهه لبسمة مع انه ما كنش بيبن لحد ... و بسمة من ساعة ما كبرت و هي كانت عارفه ان ده مش اخوها و ان مهما كان ما ينفعش يبقى في بينهم تجاوز فالكلام او التصرفات فماكانتش مثلا بتهزر و تضحك معاه و ما كانتش تقعد معاه الا لو كل العيلة قاعده مع بعض علشان كده يمكن ده اللي ما بينش يوسف جواه ايه نحية بسمة ..

يوسف بقى شاب طويل و اكتافه عريضه و جسمه رياضي .. بشرته لونها قمحاوي كده على خفيف و عينيه لونها بني و شعره اسود ناعم بس دايما بيحلقه 

يوسف دلوقتي عنده 29 سنة لسة ما اتجوزش درس و اتخرج من كلية تربية و هو دلوقتي مدرس احياء معروف جدا فالمنطقة بتاعته ... هو الحق يتقال مدرس شاطر و ده يمكن اللي خلاه يعمل فلوس كويسة بس لو جينا نتكلم عن اخلاقه :/ ... فهو مكنش بتدين باباه و لا تدين بسمة ... دايما عند كل اذان يقول للي فالبيت انه نازل يصللي و ينزل يقعد عالقهوة او يقابل صحابه ..... هو كان وسيم فده خلى البنات حواليه و هو مش من النوع اللي بيصد لا بيكلم دي و يهزر مع دي و مقضيها عالاخر و زي ما تقولو كده هو عاجبه الوضع و مش ناوي يتجوز :D بس هو كان فيه حاجه كويسة انه دايما مش بيحب يزعل والده ووالدته و كان بيحاول يراضيهم و ما كنش بيحب يسمعو عنه حاجه مش كويسة ... او بصراحه يمكن ماكنش عايز حد يقول ان بسمة احسن منه :/
...............................................

بسمة و عيلتها رجعو البيت عالمغرب كده بعد ما ابراهيم عزمهم على الغدا برا فمطعم عالنيل بمناسبة تخرج بسمة :)

" ياااه بيتي العزيز كم اشتقت اليك :D ..... مامتي و بابتي شكرا ليكم على اليوم الجميل ده .... اسمحولي بقى انا هدخل اتوضى و اصل ي و انام علشان تعبت اوي النهارده "

" ماشي يا حبيبتي :* ... انا و باباكي كمان هندخل نرتاح شوية و لو عزتي حاجه تعالي خبطي علينا :) "

بسمة دخلت اوضتها و هي بتغني و تصفر و ابرايهيم و حنان دخلو اوضتهم و كالعادة يوسف دخل اوضته مكشر من غير ما ينطق
....................
في اوضة حنان و ابراهيم ....
" تفتكر يا ابراهيم احنا فكرنا صح ؟؟ "

" ايوة يا حبيبتي انا متاكد ان اللي هنعمله ده عين العقل باذن الله مش عاوزك تقلقي "

حنان ابتسمت و غمضت عينها علشان تنام " خلاص يا حبيبي ان شاء الله  بكره الصبح هروح اقولها زي ما اتفقنا " :D
يتبع ,,,,,
.............................................................................