رواية_كان_نفسي_أعيش :)
الحلقة التاسعة ....
.
.
بسمة روحت بليل على الساعة 11 و نص كده عقبال ما خلصت مشاورها و هي شايله معاها حاجات قااااد كده فمكنتش عارفه تفتح الباب بالمفتاح .... بالعافية رفعت ايدها اللي شايله الاكياس و ضغطت على مفتاح الجرس بطرف صابعها :)ابراهيم كان نام من زمان و حنان فضلت مستنية بسمة كتير بس فالاخر ياعيني نامت على نفسها و يوسف كان الوحيد اللي صاحي سهران بيتفرج عالتيليفزيون ....
اول ما سمع الجرس بيرن فضل قاعد كده شوية مكسل يقوم يفتح شوية و الجرس ضرب تاني .... فقام و هو بيتأفف " ياباااااااي حبكت انا اللي اكون صاحي ... انا ايه اللي ما نيمنيش من زمان >_< "بسمة كانت متوقعة حنان اللي تفتح .. فاول ما الباب اتفتح و لقت يوسف اللي فوشها ابتسمت اوي و حست زي ما يكون الوجع اللي فجسمها كله راح ^_^ ... " يوسف :D ^_^ انت بنفسك بتفتحلي الباب ^_^ ... اسفه و الله تعبتك بس علشان مكنتش عارفه اطلع المفتاح من الشنطة "
يوسف كان الود وده يقولها " مهو ياختي مش بمزاجي .. بختي ان مفيش حد صاحي غيري :D " ... بس طبعا هو كل اللي عمله انه ابتسم كده و قالها ان حنان و ابراهيم نامو و راح يكمل فرجة عالتيليفزيون -_-
بسمة حطت الاكياس عالارض و قفلت الباب .....
و بعدين راحت نحية ما يوسف كان قاعد ووقفت بعيد شوية .... " لوسمحت يا يوسف كنت حابة اتكلم معاك دقيقتين "
يوسف لفلها كده بالتصوير البطيء " خير يا بسمة في ايه ؟؟ "
" انا بس كنت عاوزة اعرف انت فاضي امتى علشان ننزل نجيب العفش سوا ... خلاص كلها كام يوم و العشر الاواخر يدخلو و الايام بتجري بسرعة و عايزين نلحق علشان لو ما لقناش الللي عايزينه من الاول و اضطرينا نلف "
" معلش يا بسمة انتي عارفه بقى الدروس عالابواب و انا مشغول اوي اليومين دول ....
بسمة اول ما سمعت الكلمتين دول قلبها انقبض كده و حست ان يوسف هيبدأ يدي فاعذار علشان ما ينزلش يشتري معاها العفش و كان معاها حق للاسف
" بصي انا هديكي كل الفلوس اللي تطلبيها و انزلي مع بابا و ماما نقي معاهم عفش بيتك عالذوق اللي تحبيه و اكيد ذوقك هيعجبني "
بسمة بجد حست بخيبة امل كبيرة اوي مكنتش مصدقة اللي بيحصل
" بس يا يوسف :( ..... ده مش هيبقى بيتي لواحدي :'( .. ده بيتنا احنا الاتنين سوا :( مقدرش انزل اشتري العفش لواحدي :( "بسمة حست ان نفسها صعبت عليها و عينيها بدأت تدمع :'( ....
يوسف بصلها كده ولوى وشه " خلاص يا ستي بس ما تعيطيش ... هفضيلك نفسي بكره بعد الضهر و ننزل نجيب العفش ... استريحتي كده يا عروسة "
أنت تقرأ
كان نفسي أعيش
Romanceل إيمان علاء اللهجة مصريه عاميه يوسف طلع و فتح باب الشقة و بسمة دخلت وراه على طول و قفلت الباب لقته اخد فوشه و داخل على اوضة النوم من غير ما يتكلم ... قامت منادياه و صوتها مخنوق من دموعها " يووسف :'( " قام يوسف رد عليها من غير ما يلف وشه " افندم عا...