كان نفسي أعيش

الحلقه السابعه

#رواية_كان_نفسي_أعيش :)

الحلقة السابعة .........
.
.
بسمة كده انشكحت لما عرفت ان تخمينها كان صح
" ايييييوة انا قلت الوش ده مش غريب عليا :D ..... ده شادي يا بت مش كده :D "

" هههههههه احم ^_^ ايوه هو بعينه ^_^ "

أسماء رجعت بذاكرتها لورا من سنتين لما كانت فسنة تانية و خارجة من سيكشن الاورجانك و ريحتها شايطة و حالتها حاله و لقت شادي اللي كان فسنة رابعة جايلها و بيطلب منها رقم باباها و عنوان بيتها :D ابستمت اوي كده و فجاة ابتسامتها راحت لما افتكرت رد باباها و انها لسة بدري و مش وقته ... لسة فاكرة نظرة شادي و هو خارج من بيتهم مكسور الخاطر و القلب

" ههههههههههه انت يا بنتي رحتي فين :D .... خليكي معايا هنا "

اسماء زي ما تكون كانت نايمة اكلينيكيا و فاقت فجاة :D " بت ما اخدتيش بالك كان فايده دبلة و لا لاا :D :/ "

" هههههههههه لا بصراحه ما اخدتش بالي ... يا ستي يا خبر دلوقتي بفلوس بكره الضهر يبقى ببلاش :D "

يوسف كان قاعد بيراقب البنتين و هما بيتوشوشو و يضحكو و حاسس انه هيولع من جواه من ساعة ما شاف الصيدلي اللي كان واقف و هو بيتكلم بتناحه و كان متاكد انهم بيتكلمو عليه :D
..........................................................................................................................
بسمة اول ما روحت راحت فتحت الفيس :D
" بناتيت يا بناتيت ^_^ ... اليكم المفاجأة :D ... يوم الاتنين الجاي ان شاء الله هتبقى خطوبتي :D .... و محدش يقولي ما قولتيش ليه علشان انا نفسي فوجؤت :D .... "

بسمة كانت فرحانة اوي و هي شايفه البنات صاحباتها فرحانين ليها من قلبهم و بقت مش ملاحقه على الرسايل و التيليفونات اللي جايالها ^_^ ......
فعز الفرحة اللي هي كانت فيها جه فبالها تدخل على صفحة يوسف عالفيس تشوف كاتب عليها ايه ..... لما دخلت عليها حست كده بقبضة فقلبها :( مالقتش أي حاجه مكتوبة عن خطوبة و لا أي حاجه .... قالت بينها و بين نفسها يمكن الحاجات دي مش مهمه اوي عند الولاد زي عند البنات :) ...
بسمة اقنعت نفسها بالتبرير ده و قفلت صفحته و هي مطمنة لكده :)
........................................................................................................................
تاني يوم بقى بسمة و اسماء راحو الصيدلية علشان المعاد بتاعهم ..... لحسن الحظ لما راحو الدكتور كان موجود و قدمولو السي في بتاعهم و الدكتور اعجب بيهم اوي و حصلو على الوظيفه :D ..........

كل واحدة بقى راحت تقف فمكانها و بدؤو ياخدو على الصيدلية و يعرفو كل حاجه مكانها فين و كده و ما اخدوش وقت لانهم وقفو فصيدليات كتير قبل كده :) ......

اسماء و هي واقفه لقت شادي جاي عليها و هو مبتسم ابتاسمة حنين كده ^_^
" ازيك يا دكتورة اسماء "

اسماء اتلخبطت فالكلام كده و الكلام طلع منها مش مفهوم اوي من كسوفها " الحمد لله يا دكتور ^_^ .... سبحان الله صدفة جميلة أأأ اقصد عجيبة ان .....

شادي اخد باله ان اسماء كانت بتحاول تبص على ايده :D .. فضحك كده و قام مطلع ايده من البالطو
" ما تخافيش يا دكتورة لسة ما خطبتش و كنت ناوي ما اخطبش بصراحه من ساعة ما خرجت من باب بيتكو ... بس شكلي كده هغير رايي :) "
.......................................................................................................................
بقيت الاسبوع مر بسرعة و بسمة كانت حاسة انها بتسابق الزمن ما بين شغلها اللي كانت بتأدي فيه كويس جداا و بين بقى حفلة الخطوبة و كل يوم كانت تخلص شغل هي و اسماء و ينزلو يلفو عالمولات علشان يجيبو الحاجات المطلوبة و الفستان بقى و اللذي منه :D و اتفقو مع كوافيرة تيجي البيت لبسمة بناء على طلبها :)
........................................................................................................................
" ياريتك كنتي معايا دلوقتي يا امي :') .... محتاجه حضنك اوي :( ......  انا متوترة اووووي :D ... بجد مش مصدقة بكره هلبس دبلته و ابقى اميرته ^_^ ..... يللا بقى يا امي انا هنام عندي بكره يوم حافل تصبحي على خير يا احلى ام فالدنيا :) "

بسمة قفلت دفترها و رجعته لدرج الكوميدينو ..... و نامت و هي بتحلم بيوم جميل اوي و حلم بدا يتحقق ^_^
........................................................................................................................
( يا دبلة الخطوبة عقبالنا كلنا .... و نبني طوبة طوبة فعش حبنا ..... نتهنى بالخطوبة و نقول من قلبنا ... يا دبلة الخطوبة عقبالنا كلنا ...... يا صورة فالخيال .. ما تغبش عننا .. بداية الامال و عز فرحنا .. شبكنا بدبلته و قرينا فتحته ....  و عرفنا نيته و غلاوته عندنا ..... يا دبلة الخطوبة عقبالنا كلنا ) <3 <3 <3

بسمة قاعده عالكرسي لابسة فستان رقيق اووي دانتيل لونه بطيخي بس هادي و عليه حزام دهبي رفيع و لابسة طرحة طويله ستان لونها جاي عالجملي شوية و لابسة تاج جميل اوي فوق الطرحة اسماء جايباهلها هدية منها ^_^ ....  و الميكاب كان خفيف اووي و هادي
^_^ ....
بسمة كانت عاملة زي الفراشة الرقيقة اوي مفيش حد ما اعجبش بجمالها ... الكل بيزغرط و فرحان .... و جنبها يوسف كان قاعد لابس بدلة شيك و طبعا جرافته من نفس لون فستان بسمة هي اللي جابتهاله و لبسها فالاخر على مضض :D

كان قلبه شغال يقوله افرح ياض دي حفلة خطوبتك و عروستك زي القمر :D ...
بس فنفس الوقت عقله كان  شغال يقوله : اوعى تسمع كلام قلبك ده مش فاهم حاجه ... فاكر البنت دي قد ايه ابوك زعقلك علشان يرضيها .. فاكر ازاي اخدت منهم الحنان و العطف اللي المفروض كنت انت تاخده و كبرتك من و انت صغير -_- ....
النتيجة كانت : يوسف مبتسم من برا مكشر من جوا :/

جه وقت تلبيس الدبل و الشبكة :D ....

قبل ما الشبكة توصل بسمة زي ما يكون افتكرت حاجه .... نادت على حنان و كلمتها فودنها كلمتين ^_^  و حنان هزت راسها  و ابتسمت :)

.........................................................................................................