كان نفسي أعيش

الحلقه الرابعه عشر

#رواية_كان_نفسي_أعيش

الحلقة الرابعة عشر .......
.
.
يوسف وقف كده متفاجئ من اللي عملته بسمة O.o ... يمكن علشان ما اتوقعهاش منها او يمكن لانها اول مرة تقرب منه كده ... مع انه كان قريب قبل كده من بنات كتير بس مش عارف ليه المرة دي اللي اول مرة جسمه يتلبش فيها ...

جسمه ما ابداش أي رد فعل وفضل باصص شوية فعين بسمة ... يمكن تكون دي اول مرة يبص فعينيها بالشكل ده من ساعة ما اتجوزو ....

فجأة فاق على صوت زمارة صحابه تحت و الموابيل رن فجيبه .... قام هازز راسه كده و ظهرت فعنيه ملامح ابتسامة داخلية بس ما طلعتش على شفته ... و هو لسة باصص فعينيها ... و اخيرا نطق
" حاضر .... محمد رسول الله :) ... يللا مع السلامة "

" ما تنساش تطمنني عليك لما توصل :) "

بسمة فضلت مستنية لحد ما يوسف نزل و معدتش شايفاه و قفلت الباب و بعدها جرت عالشباك تشوفه و هو بيركب العربية ^_^ ... بعد ما العربية مشت رفعت ايديها للسما " يارب احفظه من كل سوء و ييسر طريقه :'( "
..............................................................................................................................
يوسف بقى اول ما نزل من البيت و ركب العربية " معلش يا جماعة انا اسف اوي عالتاخير "

واحد من الشلة رد عليه وهو بيتأفف " لا يا سيدي و لا يهمك ... يللا يبني خلينا نطلع "

بعد ما العربية مشت كل واحد بقى انشغل بحاجه و اللي قعدو يكلمو بعض ... كريم كان قاعد جنب يوسف قام لاففله كده و اتكلم بصوت واطي " ايه يابني مسهم ليه كده .... و بعدين ايه اللي اخرك اوي كده فوق ؟؟ "

يوسف زي ما يكون كان فمكان بعيييد اووي و جه منه على صوت كريم .. " معلش و الله انت عارف بقى شغل ستات و لازم تقعد تقفل و تفتح فالشنطة ميت مرة و الكلام الفاضي ده :/ "

" ااايوة بقى يا عم ;) .... بقى عندك اللي ياخد باله منك :D "

يوسف قام متكلم بصوت واطي كده زي ما يكون بيكلم نفسه وهو بيلف راسه نحية الشباك " ايوة ايوة اللي ياخد باله مني !! :/ "

كريم لما شاف يوسف كده و حاسه مش عايز يتكلم قام سابه فحاله و لف يتكلم مع اللي قاعد النحية التانية ....

يوسف فضل قاعد باصص فالشباك و سرحان فملكوت الله مش حاسس بالدوشة اللي حواليه و لا اراديا منه كده رفع ايده و حطها على خده مكان ما بسمة باسته كان شغال يكلم نفسه " طب هي عملت كده ليه !! ... انا بجد مش فاهم بسمة دي ... هي عايزة مني ايه بالظبط ؟!! .. يعني هي فعلا بتحبني زي ما بتقول و لا هي بتمثل عليا !! .... ولو بتمثل ايه اللي يخليها مستحملة كل اللي عملته فيها ده و هي ساكته !! " .....