بارت(٧) رجعت لوطني
#وهم_الاقدار
بقلمي جوري🌷🥀
نبدأ البارت بعون الله
الهام: من شفت بنتي تقيئت دم شصار بحالي خفت هو اي وكنت اصيح اخترع مرتضى على صوتي
- شنو شبيج
- ما ادري شوف شوف جنان تقيئت
- كومي يلة نوديهة طبيب بسرعة
جان الوقت ساعة ب ٣ الضهر خطية توة راجع من دوامة ودينام يرتاح واني كنت اصيح الحك البنية مدري شبيهة طلعنة نركض بيهة لدكتور اطفال واني شحالني والافكار السيئة كلهة اجت براسي وابجي خايفة علة بنتي وصلنا للدكتور والحمدلله ماعليه ازدحام لان جايين من وكت
صاحو اسمنة ودخلنة
الدكتور: خير من شنو يشكي الطفل
الهام: دكتور الطفلة عمرهة اسبوع واليوم فجئة تقيئت دم
- نيميهة عى السدية افحصهة. چيكهة كال لاتخافون مابيهة شي كلش تمام وضعهة
- دكتور لعد شنو السبب
- ام الطفلة تشكي من تشقق حلمة صدرهة؟
- الهام: اي
- الدكتور: من صدر امهة ساحبة الدم وشي طبيعي الطفل يتقيئ فطلع مخلوط بالحليب دم مال صدر امهة .
من سمعت كلمة الدكتور طمني ارتاحيت تنفست الصعداء
الدكتور: لازم الام تعالج التشققات وهاي عصارة مرهم اكتبهة الة وانشاء الله مابيكم غير العافية .
مرتضى والهام: مشكور دكتور الله يوفقك
الهام : رجعنة للبيت نوعا ما مرتاحة من ناحية بنتي بس بعد رضاوي لازم اخلي يصالحني اليوم علمود بنتة شوية لين وكام يحاجيني يعني اكو امل اخلي يصالحني خلصنة من الدكتور جان وكت غروب
- مرتضى: اني رايح عندي شغل لاتنتضريني على العشاء
- براحتك حبيبي بس لا تتاخر بليل لان تعرفني اخاف وحدي
- ماشي.
حسيت نفسي رح اضعف امامهة وتنسة زعلي فتقصدت اطلع خارج البيت لان فعلا مشتاق الهة من اسبوع واني ماماخذ حقوقي كزوج واني رجل والي غريزتي فكلت احسن حل ابتعد عنهة حتة لا اضعف امامهة لان كلما اشوفهة انجذب الهة .
الهام : فكرت اليوم لا لا مااخلي على زعلة الة يصالحني اليلة اناب بحضنة اليوم ارجع لوطني الافتقدتة من اسبوع خل اكوم احضر للسهرة واخابر رغد
- الو هلو رغودة شلونج اكلج اليوم اريد افكارج اليلة لازم نتصالح الى متى
رغد: لج عوبة متفيد وياج الافكار منورة فهاوتج وهذا رجلج كامت متمشي عليه مال شموع وكيك ولبس صارت قديمة
- الهام: لعد شنو الجديد متكليلي شو كلهة نفس الشي لازم نلبس فستان سهرة حلو ومكياج وشموع وكيك
- ديلة سويهن بلكت هل مرة تمشي ويا باعي شوفي شيحب الوان لبسيلة
- يحب الوردي والاحمر
- اي اذا عندج شي جديد وردي لو احمر لبسيهم وحضري الغرفة عطريهة وفرشي فرشة حلوة فاتحة الوانهة وخلي ورد منثور بالغرفة وشموع وسوي صينية بيهة كرزات وحلويات وعصير يلة روحي ماضل وكت حيجيج ولاتنسين نعمي صوتج وتنعوصي شوية
- اي رايحة وادعيلي يسهل علية ويرضى يصالحني.
خلصت تحضيرات وسمعت صوت الباب عرفت اجة اجتني فكرة اسوي روحي متخربطة بالصالة وتمددت سمعتة اجة يركض ويصير حبيبتي شبيج من سمعت هلكلمة كامت تدك الطبول بكلبي كام يسوي بوم بوم بوم لان مفتقدة الكلمة من اسبوع
- اجيت دخلت البيت سنطة اتوقعت نامت من وصلت الصالة لكيتهة واكعة بنص الصالة ركضت الهة ادك على وجهة ماكو اصيح ماكو كمت جبت مي رشيت فتحت عيونهة
- ها شنو شصاير
- حبيبتي خوفتيني عليج اجيت لكيتج واكعة بنص الصالة شنو شحسيتي
- مااعرف بس جنت انتضرك وتدري اخاف وحدي ومحسيت الة وكعت
يلة حياتي هسة اسويلج عصير برتقال يقويج
- الهام: جريتة من جف ايدة قبل لا يروح للمطبخ روضي انت تحبني 🙂
- لعد ليش مااحبج اكو واحد ميحب روحة انت روحي وحياتي خوفتيني عليج .
أنت تقرأ
وهم الاقدار (ج1 )
Romanceاحيانا الاقدار تخط حياتنا وترسمها النا احيانا احنا نتصور ممكن الاقدار ان تزينلنا الحياة جائز يكون الحب نصيبنا وناخذ الذ نهواه لكن احيانا نوكع بوهم جبير ان السعادة ممكن تستمر يمكن الاقدار توهمنا بنصيبنا و يكون عكس مكنا نتمى
