وهم الاقدار (ج1 )

13/ام خدود الوردية

البارت (١٣ ) ام خدود الوردية
🌹بقلمي جوري🌹

صبحت ثاني يوم رايح التعب كمت طلعتهم للمدارس وابوهم للدوام
خلصت شغلي وكلت اطلع اتسوك او اروح شوية يم عمتي ضوجة
- يلة جنونة امشي وياي
- اما وين لوح
- خوب انت تكيفين على الطلعة امشي نخور نشوفلنة مكان ونروح لبيبي
-هةةة اما
- يلة امشي
طلعنة وللسوك قريب اشتريت احتياجات البيت وهاي مخلت شي ماچلبت بي اشتريتلهة العاب واذكرت خواتهة اشتريتلهم كلوحدة حاجة تحبهة حتة اخلص من الغيرة
ورجعت لبيت عيالي عمتي الصبحية وحدهة خطية فرحت بينة
- هلة عمة هلة بيج طبي جوة حارة عليج هاي شنو الخدود حمر دم وين جنتي
- محتاجة شغلات للمطبخ رحت لراس الشارع اشتريتهم

- يا الله يساعدج على هل حر وهاي خطية جنة مايعة من الشمس يمة الخديدات شصاير بيهن تعاي بيبي تعاي ابوسج ام خدود الوردية

اجت تركض لوكية ياهو الكاللهة تعاي تركضلة ماتستغرب
- بي بي اعم چيتة

- شنو شتكول ماافتهم كلامهة

- عمة تكلج بيبي عم تريد منج جكليتة

- يا فدوة تروحلج بيبي تعاي انطيج جكليتة خل اغسلج وجهج حار وشربي مية
- مي مي
- اي بيبي

- لا عمة كعدي اني اكوم اغسللهة واشربهة
- هو اني دااريد اكوم اجيبلهة جكليتة خطية طلبت مني شلون ماانطيهة وانت روحي سلمي على عمج بغرفتة خطية يفرح بيج شوية مالة خلك تعبان

- ليش شبي عمي

- ظغطة مامستقر ويشكي من گلبة وميقبل يروح طبيب

- خطية الة العافية بس شنو مايقبل يروح هسة اخلي مرتضى يجبرة وياخذة
- مايقبل شكد حجينة ويا وحتة مرتضى البارحة اجة وشافة وكلة اوديك بس عمج عنودي ميقبل يروح يكول الاعمار بيد الله واني طلابة بعد شكد اريد اعيش قابل مايبطل من هل كلام مدمرني والله

- لا ان شاء الله يتشافة الة طولت العمر بصحة وعافية

- خل اسلم عليه واشوفة واطلع هم يلة خاف يجون البنات من المدرسة

- ها عمي شلونك كالو تعبان

- اي عمي والله شسوي هذا الانسان من يكبر

- شنو عمي بعدك شباب شليك بهل كلام ترة عمتي كاعدة لا تصدك كبرت وتكوم تعيرك

- ههههه والله الهام ضحكتيني شعير بي اني هم كاضية

- اهاا يلة عمي شد حيلك ازوجك مرة شابة هاي عمتي كاضية متفيدك
- خرب ببليسج الهام موتينة ضحك
- هههه حبيت الطفلكم الجو يلة رايحة اني

- والله موخوش جية توج طبيتي وتكلين مع السلامة
- والله عمة كتلج البنات على جية نوبات ب١٢ونص يجون وخاف مايلكوني

الجد: والله مشتاقلهن الله عليج جيبيهم
- ان شاء الله عمي باجر خميس ونجيكم العصر يلة عندك العافية
- الله وياج بنتي بوسيلي البنات