وهم الاقدار (ج1 )

15/

البارت ١٥
بقلمي جوري🍀🍀

ياسر
رجعت للبيت لاكتني الوالدة
- هلة بوليدي هلة شلونك يمة اكعد خل اصبلك عشاك
- لا يمة اشكرج لا تعبين روحج تعشيت بالمحل صاحبي جايب ويا لفات وتعشينة بس كعدي اريدج بموضوع

- شنو الموضوع ابني خوفتني خير ان شاء الله

- خير لاتخافين خير

- لعد دحجي لا تطلع روحي

- يوم اريدج تخطبيلي

- يا فدوة لوليدي صلاوات على محمد يسوري يريد يزوج مااصدك اكرصني يمة خاف حلم

- ههههه شبيج يمة دااكلج اريد تخطبيلي
- يمة عندك وحدة ببالك لو تريد اني ادورلك

- لا يوم اني احب وحدة واريدة لو هي لو ماازوج
- منية هاي وشتعرف عنهة ترة هذا زواج مو لعب اختارلك المرة التدخل بيتك وتحفظ عرضك وتشاركك حياتك طول العمر وانت جبير مو طفل وامشي ورة عقلك مو كلبك اليمشيك
- يمة شنو السالفة اني من كتلج خطبيهة غير متاكد منهة بعدين اني صابر طول هل سنين بلا زواج وياهية التكلولي عليهة مااقبلهة تالي اجيبلكم وحدة ماترضون عنهة يمة اني احبهة من شهرين وبهل شهرين راقبتهة وسالت عنهة وتاكدت من نفسي رايدهة يلة اجيت وكتلج
- علواه ابني افرح بيك مصدكة مجذبة يسوري يريد عرس واروح اخطبلة بس غير حجيت لان اريد مصلحتك
مينا: شكو كاعدين وسوالف وضحك والحلك رح ينشك من الفرح
- يمة اخوج يريد يخطب وحدة

- يااا صلاوات منو تعيسة الحظ أأأ اقصد سعيدة الحظ
- طخخخ اجتهة تكية طايرة وصوت ياسر الخشن ماتجوزين مني مو جم مرة محذرج بس مو صوجج صوج الدللج

- ههه هههه شبيك غير غلطت وصححت غلطتي

- لا متقصدة قابل مااعرف شقاوتج

- يلة استعجل حباب اريد مرتك من تجي اشبعهة مغثة هههه

- مرتي خط احمر ديري بالج تخلين نفسج وياهة

- هاا خوية منهسة حتبيعني علمود ست الحسن مو اني خيتك العزيزة

- مابعتج بس تجنبا للمشاكل وغيرة الحموات ابعدج عنهة واحذرج

- هسة شنو اشايفني قابل عوعو
- مكلت عوعو بس ادري حتشتغل الغيرة لان تحسين وحدة اخذت مكانج بس اني مرح افرق بينكم كل وحدة ومعزتهة شكل بكلبي انت اختي تبقة معزتج نفسهة وهي زوجتي معزتهة تختلف طبعا الاخت هي العزيزة

- اهااا خوش طمنتني لعد شايف الف خير اتمنالك السعادة الدائمة كون حلوة اكلك اني اروح وية امي واشوفهة اذا محلوة مااوافق ترة

- هههع قابل انت الرح تزوجين لو شايفة نفسج ملكة جمال لج هسة تكومين تغارين من شكلهة تجنن من هسة شلت هم شلون اضمهة من عيون البشر

- اكلك شنو اشايفني عبسي اني اني احلة منك بعدين شو من هسة احسة تميل الهة اكثر

- ام ياسر : شبيكم تتناكرون رحت للمطبخ ورجعت وانتو نفس موضوعكم شبيكم
- شوفي ابنج طلعني محلوة ومرتة ست الحسن والجمال 😖😞