وهم الاقدار (ج1 )

5/حمل الهام،

البارت (٥ ) حمل الهام
🌷بقلمي جوري🌷

الهااام حبيبتي كعدي
لاتخوفيني ويضرب على خدهة
والهام ماكو متحس يذب مي جاب عطر شممهة وفاقت
الهام: ها شنو شصار اخ راسي ياذيني
- مرتضى: انت وكعتي تخربطتي قبل دقايق وشلتج جبتج اهنا بالصالة
راسج ياذيج لان انضرب بحافة المجمدة هسة اخليلج ثلج ويطيب باجر الصبح اوديج للمستشفى اشوف حالتج ليش هيج وضعج من الضهر ماعاجبني
- لا حبيبي لتخاف ماكو داعي
- لا اكو داعي لازم ترحين
كومهة وجاب العشة وتعشو وهي زينة صارت ثاني يوم الصبح وداهة مستشفى
دخلت لدكتورة
الدكتورة: هاي ليش وجهج اصفر شنو شبيج من شنو تشكين
- مااعرف فجئة البارحة صار عندي دوار الضهر وبليل اغمى علية ماشاكية من شي قبل
- هاي تحاليل سويهة وتعاليلي مال حمل ومال فقر دم

رحنة للمختبر اجرينة تحاليل وكلونة انتضرو بالممر ربع ساعة كعدت على اعصابي انتضر وافكر ياترى حامل لو لا اريد طفل ثمرة حبنة اريد شي يجمعني بي
لهناك سمعت صاحو الهام رضوان كمت اركض وكلبي يدك ضليت واكفة وايدي على كلبي انتضر المحلل ينطيني النتيجة شلع كلبي كوة طلعت منة التحليل ايجابي الفرحة ماساعتني ماصدكت كامت دموعي تجري دموع الفرح كانما وحدة من ١٠ سنين ماعدهة والناس تباوعلي ومقهورة عبالهم محرومة ميدرون عروس من ثلاث اسابيع بس مااعرف ليش هيج فرحانة يمكن لان احب الاطفال فردت طفل يلهيني وهم ردت طفل يربطني بحبيب روحي رضرض
جنت اركض بسرعة كاني عصفور غادر قفصهه متجهة للدكتورة وعيني تلمع بومضات بهجة وفرح
- شبيج الهام علكيفج ليش تركضين
- صوتة الجدي رجعني للوراء حسيت على روحي من صاحني ومجان مبين عليه الفرح صدمني صدمة عمري
باوعتلة بحزن
- ليش مرتضى احسك مافرحت بحملي اشوفك ضجت شو اني فرحانة ومامصدكة يمكن لان احبك هواي الضاهر انت ماتحبني
- هسة مو وكت حجيج خلندخل للدكتورة وبعدين نحجي
- دخلنة للدكتورة واني انقلبت موازيني الفرح اتحول حزن والتفكير تعبني وقلقني الف فكرة اجت ببالي خاف ميريد مني خاف ميحبني خاف عندة جهال من غيري وشبعان وووو
صحاني من شرودي بصوتة يكلي دخلي لغرفة الدكتورة
مرتضى: عرفت بشنو تفكر الهام وليش ضايجة بس كلت خليهة تتخمن بكيفهة ومن يجي الوقت المناسب افهمهة
دخلنة على الدكتورة
الدكتورة: مبروك حامل بس عندج فقر دم حاد ليش رح اكتبلج حبوب تستمرين عليهة بانتضام وتهتمين باكلج اهم شي الكرفس والكراث ومعلاك وفواكه والحوم.

رجعنة للشقة واني طول الطريق مدلغمة ومااحاجيه وهوة هم ابد ماحجة بس احسة كلسع يلتفت يباوعلي وصلت تعبانة كلش تغدينة جابلي غدة من المطعم
تغدينة واحنة مثل الغربة ابد ماحاجيتة ولا هو حاجاني نمت كعدت العصر مالكيتة طالع هو متعلم مرات يطلع يم الجيران يلتمون الشباب جوة العمارة يكعدون يسولفون
اني هم قفلت بابي و طلعت للشقة الفوكانة بنية حبابة اجتني تباركتلي على زواجي وتعرفت عليهة وحبيتهة اسمهة رغد وقوت علاقتي بيهة بهل اسبوعين التعرفنة بي اروحلهة الصبح من وحدي واضوج مرتضى دوام يجب ساعة ٣ وهي هم زوجهة موضف هم مرات تجيني واذا ماطلعنة نتخابر