البارت ٢٧
#وهم_الاقدار
بقلمي جوري
بهذا العام هو ٢٠٠٦ كثرت مشاكل العراق وخصوصا بعد تفجير مرقد العسكري خصوصا في مدينة بغداد
صارت مشاكل بين منطقة ومنطقة وكامو ناس تاذي ناس في سبيل يتركون المنطقة وصارت هاي المنطقة سنة وهاي للشيعة هواي عوائل تأذو العاف بيتة وتهجر لغير محافظة والعاف منطقتة وفي عام ٢٠٠٧ لقة كلمتة السيد السستاني دام ظله (لا تقولوا اخواننا السنة بل قولو انفسنا اهل السنة)
والخطف والذبح صار بفلس كومة سمعنة مصايب تعجب وتشيب الراس الانذبحو على الطريق والخطفو طفل وذبحو بابشع طرق وحتة سمعت قصة ابد ماراحت من بالي شنو من بشر خطفو طفل وبعدين يدزو لاهلة بصينية وتمن والطفل مشوي 😢😭😭 يابوية يومين مانمت افكر باهلة الله يساعدهم
وبعد وبعد
نرجع لقصتنة
عائلة ابو جنان
الهام
كل فترة ونلكة تهديد بالحديقة يوم يردونة نطلع من المنطقة ويوم يهددونة باحد من العائلة واليوم واني طالعة انضف الحديقة والشمس قوية وتعبانة والعرگ يكت وشفت ظرف يم باب الشارع جذبني مبين احد خالة تقربت منة واني الخوف بكلبي لزمتة باوعتة كلبتة مامكتوب فتحتة وانصدمت بي رصاصة وورقة هماتين داخل الظرف مكتوب بيهة
( ها ابو الروض هاي الرصاصة دشوفهة كدامك اذا مانفذت النطلبة منك تلكاهة بگلبك)
😲🤤😭😭
كمت ادك والطم على راسي
- مرتضى شبيج الهام شكو منو مات
- محد مااات اني رح موووت من عنادك دااكلك لازم نطلع منا اليوم ذبولك رصاصة باجر يقتلوك شصخم اني وين انطي وجهي بدونك فكر بية فكر ببنتك والله كلبي ديتكطع لا ليلي ليل ولا نهاري نهار حموت من التفكير
- انت ما تآمنين بالله؟
- طبعن اؤمن بس الحذر يسبق القدر
- الله موجود وهو يحمينة ويومنة مكتوب من انولدنة مايتغير
اهئ اهئ ميفيد الحجي عنودي ياربي احفطة الي واستر عليه
اللهم احفظه بحفظ القرآن اللهم احفظه بحفظ الايمان
ترن ترن ها هذا نقالي يرن
- الوو هلة بجنان الورد شلونكم
- هلو ماما موزينة اهئ اهئ
- ليش ياستار شكو شصاير
- ياسر اتصل بي ماكو
- شبيج يا امي شكو عليه تلكي موبايلة مابي شحن هسة نص ساعة ويبين
- لا يمة كلبي مامطمأن ومامرتاح احس اكو شي مبايلة يدك ومايرد مو مغلق ومن نص ساعة اني اتصل بي وماكو
- لا يمة لاتخافين ماكو شي خاف واكع منة لو ناسي بالمحل وطالع هسة شوي ويوصل للبيت لا تخافين
سديت التليفون انوب هذا هم جديد على كلبي مو اني عايزة هموم يارب استر عليه ووصلة لاهلة بالسلامة حقهة تخاف الوضع مو امان
جنان
ياسر يومية ب٢ الضهر موعد رجعتة من المحل واليوم صارت ب٢ وربع ومااجة ضل كلبي يلعب اتصلت بي ماكو ليش مايجاوب خاف مشغول شوية وادك مرة ثانية بعد ١٠ دقائق هم اتصلت وماكو جواب نزلت جوة بالهول لكيت عمي هم ينتضرة ويروح ويرجع على الباب
أنت تقرأ
وهم الاقدار (ج1 )
Romansاحيانا الاقدار تخط حياتنا وترسمها النا احيانا احنا نتصور ممكن الاقدار ان تزينلنا الحياة جائز يكون الحب نصيبنا وناخذ الذ نهواه لكن احيانا نوكع بوهم جبير ان السعادة ممكن تستمر يمكن الاقدار توهمنا بنصيبنا و يكون عكس مكنا نتمى
