وهم الاقدار (ج1 )

28/

البارت ٢٨
#وهم_الاقدار
بقلمي جوري

جنان
مامصدكة بي رجع خبلتة بخبالي ساعة ابوس بي ساعة اكرص بي اكلة انت صدك رجعت لو هذا خيالك ههه وهو يضحك على خبالاتي وبناتي وياي يقلدوني مامصدكين ابوهم رجع اشتاقولة ثلاث ايام ماكو صح مايفتهمون شنو خطف بس افتقدو وجودة وهاي ثلاث ايام مرت كانما ثلاث سنين ومن يجي اليل اختنك وجهالي ياكلون كلبي وين بابة وشوكت يجي وليش مينام ويانة اوووف الله لا يعودهة هل ايام السودة ولا يراويهة الاحد

- ياسر : ههه شبيج تردين تموتيني كلسع كايلة صدك رجعت يعني مترديني

- هههه شكلك انت لو شايف حالي شلونة جان محجيت لك اجيت اموت من سمعت خاطفيك ايست منك كلت هاي هية مات قتلو راح العزيز الف اسم الله عليك يارب طولت العمر الك يحفظك النة

- ويحفظكم الي يا اغلى من روحي تعالو كلكم دااحظنكم وانام

وتحاضنو هم وجهالهم ونامو نومة هنيئة

نرجع اللهومة نشوف حالهة
الهام جنت ملتهية وية جنان وثلاث ايام وياهة ونسيت حالتنة وهسة هم بعدني اروحلهة خطية وحدهة وحماتهة حامل وخطار طالعة طابة مرات اجيب جهالهة يمي لو اروح اني يمهم ونسيت سالفة التهديد اني خايفة من اثنين الاول خايفة على مرتضى لا يقتلو والثاني خايفة على جنة تروح وترجع للدوام واخاف لا يخطفوهة حتة ياذون ابوهة لان اكو جماعة مرتضى مقدم ملفات ثتبت عليهم تهمة ومن هاي شدو ويا الله يستر علينة
كعدت اسوي ريوك حتة يطلعون لدوامهم
- صباح الخير
- صباح النور
- اليوم اطلع افتح معرض السيارات اتفقت وية شريكي اني الصبح وهو العصر
- بيهة الخير ابو جنان ربي يوفقك
- تسلمين شنسوي بعد ماتسوة نرجع خليني على التقاعد احسن الي بس كعدة البيت ضوجة وخنكة فهاي احسن فكرة اشتركت وي صديقي بالسيارات

- اي زين اسوي
- جنات: صباح الخير
- صباح النور ها ماما خلصتي يلة كعدي تريكي
مرتضى جنات بعد متروح وحدهة منا وغاد لو انت لو اني الوضع يخوف
- ليش يمة تقيديني هي هاي المدرسة مو بعيدة
- ميخالف بنتي الحذر يسبق القدر مابيهة شي نوصلج
- يلة بابا كملي حتة منتاخر
- كملت خل نروح

الهام
اني احس يوم على جسمي يتعم ويصيب بخمول وضعف وهل شي واضح لاحض مرتضى وقرر يوديني لبغداد اراجع بهذا الاسبوع

المكان: بيت نوران
جنت انضف وتعبانة ادري محد بالبيت لان من موجودين عمي وحماي مانعني اشتغل لان يكول تكومين تفرفرين وتتنحين لو ملابسج خفيفة طبعا من هم موجودين البس صاية او عباية وحجاب بعد سعد ويغار علية حتة من ابوه واليوم اني عبالي ماكو احد وسوء حضي دخلو ثنينهم سوى سعد واخو اني ناسية بقيت انضف
- سعد: بعصبية😠نورا امشي وياي فوك
- كمت ارجف من شفت شكلة عصبي اي جاية وصعدت كوة واتعثر
-انت ليش تعاندين شلون تفترين هيج وتنضفين واحمد موجود