البارت ٩ غيرة خوات
بقلمي جوري🌻🌼
صاحو اسمي لصالة العمليات دخلت والخوف ساطرني اول مرة بعمري ادخل صالة العمليات وكنت اتوقع مااطلع منهة فبديت اودعهم بنظراتي واشبع نظري منهم ودموعي مانشفت جانت الدكتورة مرحة وحبابة كلش ضلت تحاجيني حتة تلهيني وتبعد عني الخوف
الدكتورة : شبيهة الحلوة خايفة ماما لتخافين ماكو شي يخوف تكعدين وتلكين البنوتة كدامج وتفرحين بيهة هسة تطلع حلوة مثلج جنهة كيكة
- تسلمين دكتورة انت الاحلة
- شعندج اطفال غير هلبنوتة
- عندي ثنين بنات وهاي الثالثة
- ياحبيبتي ربي يحفظهم الج ام البنات عيني ضامنة دخولج الجنة وبيتج يومية تنزل من السماء ١٢ رحمة بعد شتردين
- ههههه فدوة الحلكج دكتورة
- شبيج بعدج ترجفين ووجهج صار كركم دااكلج ماكو شي شغلة بسيطة جدا منطول بس نص ساعة ونكلج يلة كومي كملنة هههه.
مرتضى: ضليت اروح وارجع كدام صالة العمليات اسأل الممرضات محد ايجاوب ولا احد يعبرني واني احس نفسي مااتحمل الانتضار كعدت واني ادعو ربي ينجيهة رفعت راسي واني اتأمل السقف وابالي الف حسرة واذ ودموعي تجري من غيوم عيني وحسيت بظلام وتهيألي باب الصالة انفتح او لعلي ضباب دموع عيني الذي ملأهما تشوشا كضباب الذي يسود الغابات لمنع النظر لتلك الاشجار صارت امام عيني الممرضة تطمني عن صحة زوجتي
- الممرضة : زوجتك بخير والطفلة هماتين بخير وعمليتهة ناجحة انتظرو دقائق ونطلعهة من تفيق للردهة
(واخيرن نولدت جنات هواي سالوني وين جنات والقصة باسم جنات هاي جنات توهة انولدت)
طلعت الهام من الصالة وهي متالمة وزوجهة متألم عليهة ميتحمل يشوفهة هيج ورة ساعات اجت الممرضة حقنتهة ابر مسكن وجابت الطفلة
- مرتضى: شلت الطفلة رف كلبي الهة وحبيتهة من اول نضرة دخلت كلبي باوعت الالهام الهام هاي جنة اسميهة جنة او جنات لان من هل لحضة الاجت بيهة حسيت حياتي صارت جنة وهل طفلة حسيتهة گصتهة خير علينة اولا من حبلتي بيهة اتشافيتي وبيوم الانولدت بي اجاني خبر ترقيت من رائد صعدت رتبة الى مقدم وهسة جماعتي كلسع ديتباركولي عن الترقية ويتحمدولي على سلامتكم
- الهام تعبانة وكوة تحجي جاوبتة اي حبي حلو هل اسم جنات وصدك خير علينة يارب يدوم الخير علينة ويحفظنة ويحفظ بناتنة
- نامت الهام من التعب وبدة مفعول المسكن بقيت صافن عليهم وافكر بيهم اني باجر لازم انزل للكوت اداوم وحاير شلون اعوفهم واني توني مترقي ماينطوني اجازة هسة
ام مرتضى: شبيك ابني وين صافن بشنو تفكر
- امي باجر لازم انزل للكوت دوام عندي وشايل هم شلون اعوفكم
- ليش تشيل هم اني موجودة وهي باجر تطلع من المستشفى ونكعد بالشقة شكو علينة بس حضرلنة مسواك يكفينة وهاي هية بعد لاتفكر
- اي هو لازم اروح واحضرلكم احتياجاتكم واسوك حتة اطمأن عليكم وارجع والجمعة اجي اليوم ثنين بعد اربع ايام اجيكم.
أنت تقرأ
وهم الاقدار (ج1 )
Romanceاحيانا الاقدار تخط حياتنا وترسمها النا احيانا احنا نتصور ممكن الاقدار ان تزينلنا الحياة جائز يكون الحب نصيبنا وناخذ الذ نهواه لكن احيانا نوكع بوهم جبير ان السعادة ممكن تستمر يمكن الاقدار توهمنا بنصيبنا و يكون عكس مكنا نتمى
